Click it and Unblock the Notifications
നിലവില് ശ്രീലങ്കയ്ക്ക് സൂപ്പര് ഫോറില് 2 പോയിന്റുണ്ട്. എട്ടാം തീയ്യതി ഇന്ത്യ-അഫ്ഗാനിസ്ഥാന് മത്സരം നടക്കും. ഇതിലും ഇന്ത്യ ജയിക്കേണ്ടതായുണ്ട്. നിലവിലെ ടീം കരുത്ത് പരിശോധിക്കുമ്പോള് ശ്രീലങ്കയെക്കാളും അഫ്ഗാനിസ്ഥാനെക്കാളും കരുത്തര് ഇന്ത്യയാണ്. എന്നാല് ടി20 ഫോര്മാറ്റില് ഒരു ബാറ്റിങ് പ്രകടനംകൊണ്ടോ ബൗളിങ് പ്രകടനം കൊണ്ടോ മത്സരഫലം മാറിമറിയും. അതുകൊണ്ട് തന്നെ ഇന്ത്യക്ക് കാര്യങ്ങള് എളുപ്പമാവില്ലെന്നുറപ്പ്.
അഫ്ഗാനിസ്ഥാന് ഞെട്ടിക്കാന് കെല്പ്പുള്ളവരാണ്. തങ്ങളുടേതായ ദിവസം ഇന്ത്യയെ അവര് അട്ടിമറിച്ചാലും അത്ഭുതപ്പെടാനാവില്ല. അതുകൊണ്ട് തന്നെ ഇന്ത്യക്ക് മുന്നില് വലിയ സമ്മര്ദ്ദമുണ്ടെന്ന് പറയാതെ വയ്യ. മറ്റൊരു മത്സരവും ഇന്ത്യയുടെ ഫൈനല് സാധ്യതയെ സ്വാധീനിക്കും. അത് പാകിസ്താന്-അഫ്ഗാനിസ്ഥാന് പോരാട്ടമാണ്. ഏഴാം തീയ്യതിയാണ് ഈ മത്സരം. പാകിസ്താനെ അഫ്ഗാനിസ്ഥാന് തോല്പ്പിച്ചാല് ഇന്ത്യയുടെ ഫൈനല് സാധ്യത മങ്ങുമെന്ന് തന്നെ പറയാം.
ASIA CUP: റിഷഭിന് വെല്ലുവിളി ഇഷ്ടമാണ്, അവിടെ കളിപ്പിക്കാം!, നിര്ദേശിച്ച് സാബ കരീം
ഇന്ത്യ ശേഷിക്കുന്ന രണ്ട് മത്സരവും ജയിക്കുകയും പാകിസ്താന്, ശ്രീലങ്ക എന്നിവരും രണ്ട് ജയം വീതം നേടുകയും ചെയ്താല് നെറ്റ് റണ്റേറ്റിലേക്ക് കാര്യങ്ങളെത്തും. നെറ്റ് റണ്റേറ്റില് പാകിസ്താന് മുന്തൂക്കമുണ്ട്. ഇന്ത്യയെക്കാള് നെറ്റ് റണ്റേറ്റിലേക്ക് ശ്രീലങ്കയെത്തിയാല് രോഹിത്തിനും സംഘത്തിനും ഫൈനല് സ്ഥാനം മറക്കേണ്ടി വരും.
Asia Cup: ഹര്ദിക്കിന്റെ മാറ്റത്തിന് കാരണം മകള്!, കൂടുതല് പക്വത വന്നു, ചൂണ്ടിക്കാട്ടി നെഹ്റ
ഇന്ത്യക്ക് നേരിട്ട് ഫൈനലിലെത്താന് ശ്രീലങ്കയേയും അഫ്ഗാനിസ്ഥാനെയും ഇനിയുള്ള മത്സരങ്ങളില് തോല്പ്പിക്കണം. കൂടാതെ പാകിസ്താന് ശ്രീലങ്കയേയും അഫ്ഗാനെയും തോല്പ്പിക്കണം. അങ്ങനെ സംഭവിച്ചാല് 6 പോയിന്റോടെ ഒന്നാം സ്ഥാനക്കാരായി പാകിസ്താന് ഫൈനലിലെത്തുമ്പോള് രണ്ടാം സ്ഥാനക്കാരായി ഇന്ത്യക്കും ഫൈനല് കളിക്കാം. അങ്ങനെയാണെങ്കില് ഇന്ത്യ പാകിസ്താന് സൂപ്പര് പോരാട്ടം ഫൈനലിലും കാണാന് ആരാധകര്ക്കാവും.
Continue with Google