Click it and Unblock the Notifications
Sporting Buzz
-
T20 World Cup: പന്തുള്ളപ്പോള് സഞ്ജു എന്തിന്? പഠാന്റെ ലോകകപ്പ് ടീമില് സഞ്ജുവും രാഹുലുമില്ല -
IPL 2024: മുംബൈയും ചെന്നൈയുമല്ല; വസീം അക്രമിന്റെ ഇഷ്ട ഐപിഎല് ടീം മറ്റൊന്ന് -
IPL 2024: ഹാര്ദിക് അല്ല, ലോകകപ്പ് കളിക്കേണ്ടത് ശിവം ദൂബെ; താരത്തിന് പിന്നില് അണിചേര്ന്ന് ആരാധകര്‍ -
T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട് -
IPL 2024: ടോസ് ഗുജറാത്തിന്, ഡല്ഹിയെ ബാറ്റിങ്ങിനയച്ചു -
IPL 2024: 8ല് 4ലും തോറ്റു, സിഎസ്കെയ്ക്ക് പ്ലേ ഓഫിലെത്താനാവുമോ? സാധ്യകള് ഇങ്ങനെ -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു -
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ -
IPL 2024: സിഎസ്കെയുടെ വില്ലന് ജഡേജയല്ല, അത് ധോണി! കളി തോല്പ്പിച്ച മണ്ടന് തീരുമാനം ഇതാ -
IPL 2024: 2 ഓവറില് 11ന് 1, പിന്നെ ദീപക്കിന് ഓവറില്ല! കാരണം ധോണി? മത്സരത്തിനിടെ ദേഷ്യപ്പെട്ടു
ലണ്ടന്‍: വിംബിള്‍ഡണ്‍ ടെന്നീസ് ടൂര്‍ണമെന്റില്‍ നിന്നും മുന്‍ ചാംപ്യനും സ്വിറ്റ്‌സര്‍ലാന്റിന്റെ ഇതിഹാസ താരവുമായ റോജര്‍ ഫെഡറര്‍ ക്വാര്‍ട്ടര്‍ ഫൈനലില്‍ ഞെട്ടിക്കുന്ന തോല്‍വിയോടെ പുറത്ത്. ലോക റാങ്കിങില്‍ 18ാം സ്ഥാനത്തുള്ള പോളണ്ട് താരം ഹ്യുബേര്‍ട്ട് ഹര്‍ക്കാസാണ് നേരിട്ടുള്ള സെറ്റുകള്‍ക്കു സ്വിസ് ഇതിഹാസത്തിന്റെ കഥ കഴിച്ചത്. സ്‌കോര്‍: 6-3, 7-6, 6-0. ഹര്‍ക്കാസിന്റെ കന്നി ഗ്രാന്റ്‌സാം സെമി ഫൈനല്‍ പ്രവേശനം കൂടിയാണിത്.
മറ്റൊരു ക്വാര്‍ട്ടറില്‍ ലോക ഒന്നാം നമ്പറും നിലവിലെ ചാംപ്യനുമായ സെര്‍ബിയന്‍ സൂപ്പര്‍ താരം നൊവാക് ജോകോവിച്ച് അനായാസ വിജയവുമായി സെമി ഫൈനലിലേക്കു കുതിച്ചു. ഹംഗറിയുടെ മാര്‍ട്ടന്‍ ഫ്യുസോവിക്‌സിനെതിരേയായിരുന്നു ജോക്കോയുടെ വിജയം. സ്‌കോര്‍: 6-3, 6-4, 6-4.
സെന്റര്‍ ക്വാര്‍ട്ടര്‍ നടന്ന മല്‍സരത്തില്‍ പോളണ്ടിന്റെ ഒന്നാം നമ്പറും 24 കാരനുമായ ഹര്‍ക്കാസ് അക്ഷരാര്‍ഥത്തില്‍ ഫെഡററെ വാരിക്കളയുകയായിരുന്നു. കളിയുടെ ഒരു ഘട്ടത്തിലും എട്ടു തവണ ചാംപ്യനായിട്ടുള്ള സ്വിസ് ഇതിഹാസത്തിനു തിരിച്ചുവരാനുള്ള പഴുത് പോളിഷ് താരം നല്‍കിയില്ല. രണ്ടാം സെറ്റ് ടൈബ്രൈക്കറിലേക്കു നീണ്ടപ്പോള്‍ ഫെഡറര്‍ തിരിച്ചുവരുമെന്നായിരുന്നു ആരാധകര്‍ പ്രതീക്ഷിച്ചത്. എന്നാല്‍ ടൈബ്രേക്കറില്‍ ഹര്‍കാസ് സെറ്റ് കൈക്കലാക്കിയതോടെ ആ പ്രതീക്ഷകള്‍ക്കു മങ്ങലേറ്റു.
മൂന്നാം സെറ്റില്‍ ഫെഡററെ നാണംകെടുത്തിയാണ് പോളണ്ട് താരം ടൂര്‍ണമെന്റില്‍ നിന്നും യാത്രയാക്കിയത്. ഒരു പോയിന്റ് പോലും നേടാനാവാതെ തല കുനിച്ചായിരുന്നു അദ്ദേഹത്തിന്റെ മടക്കം. നേരത്തേ ക്വാര്‍ട്ടര്‍ ഫൈനലിലെത്തിയപ്പോള്‍ ആധുനിക കാലഘട്ടത്തില്‍ ടൂര്‍ണമെന്റിന്റെ അവസാന എട്ടിലെത്തിയ ഏറ്റവും പ്രായം കൂടിയ താരമെന്ന റെക്കോര്‍ഡ് 39 കാരനായ ഫെഡറര്‍ സ്വന്തം പേരില്‍ കുറിച്ചിരുന്നു. പക്ഷെ ക്വാര്‍ട്ടറില്‍ ഇത്ര വലിയൊരു ദുരന്തമായിരിക്കും തന്നെ കാത്തിരിക്കുകയെന്ന് അദ്ദേഹം പ്രതീക്ഷിച്ചിട്ടുണ്ടാവില്ല.
ഇതു രണ്ടാം തവണ മാത്രമാണ് ഫെഡററും ഹര്‍ക്കാസും ഒരു മല്‍സരത്തില്‍ മുഖാമുഖം വന്നത്. നേരത്തേ 2019ലെ ഇന്ത്യന്‍ വെല്‍സ് ക്വാര്‍ട്ടര്‍ ഫൈനലിലായിരുന്നു ആദ്യമായി ഇരുവരും ശക്തി പരീക്ഷിച്ചത്. മല്‍സരത്തില്‍ ഫെഡറര്‍ നേരിട്ടുള്ള സെറ്റുകള്‍ക്കു വിജയിക്കുകയും ചെയ്തിരുന്നു. രണ്ടു വര്‍ഷങ്ങള്‍ക്കു ശേഷം വീണ്ടുമൊരു ക്വാര്‍ട്ടറില്‍, അതും വിംബിള്‍ഡണിന്റെ അവസാന എട്ടില്‍ ഏറ്റുമുട്ടിയപ്പോള്‍ നേരിട്ടുള്ള സെറ്റുകള്‍ക്കു തന്നെ പോളണ്ട് താരം തന്റെ ആരാധാനാപാത്രം കൂടിയായ ഫെഡററോടു കണക്കുതീര്‍ക്കുകയായിരുന്നു.
