ഹള്ക്കിനെ വട്ടം കറക്കി
തന്റെ നായ ഹള്ക്കിനെ മെസ്സി വട്ടം കറക്കുന്നതാണ് വീഡിയോയിലുള്ളത്. മെസ്സിയില് നിന്നും പന്ത് തട്ടാന് ഹള്ക്ക് തലങ്ങും വിലങ്ങും ഓടി പഠിച്ച പതിനെട്ട് അടവും പയറ്റുന്നുണ്ടെങ്കിലും രക്ഷയില്ല. ഹള്ക്കിന്റെ തലയ്ക്കു മുകളിലൂടെയും ഇടയിലൂടെയും പന്ത് കാലില് നിയന്ത്രിച്ച് മെസ്സി ഫുട്ബോള് ലോകത്തെ വീണ്ടും വിസ്മയിപ്പിക്കുകയാണ്.
പോസ്റ്റ് ചെയ്തത് ഭാര്യ തന്നെ
മെസ്സിയുടെ ഭാര്യ തന്നെയാണ് ഇന്സ്റ്റാഗ്രാമിലൂടെ ഈ വീഡിയോ ലോകത്തിനു മുന്നില് പോസ്റ്റ് ചെയ്തിരിക്കുന്നത്. മിനിറ്റുകള്ക്കകം തന്നെ വീഡിയോ വൈറലായി മാറുകയും ചെയ്തു.
റഷ്യന് ലോകകപ്പില് അര്ജന്റീനയ്ക്കായി കളിച്ച ശേഷം കുടുംബത്തിനൊപ്പം അവധിക്കാലം ചെലവഴിക്കുകയാണ് മെസ്സി.
ഇനി ബാഴ്സയില് കാണാം
ലോകകപ്പിന്റെ ആരവങ്ങള് കഴിഞ്ഞതോട മെസ്സി തന്റെ ക്ലബ്ബായ ബാഴ്സലോണയ്ക്കൊപ്പം മറ്റൊരു മികച്ച സീസണ് ലക്ഷ്യമിടുകയാണ്. തന്റെ മുഖ്യ എതിരാളിയായ പോര്ച്ചുഗീസ് ഇതിഹാസം ക്രിസ്റ്റിയാനോ റൊണാള്ഡോ റയല് മാഡ്രിഡ് വിട്ടതോടെ സ്പെയിനില് ഇനി മെസ്സി ഭരണമാണ് വരാനിരിക്കുന്നത്.
റയല് കുത്തകയാക്കി വച്ചിരിക്കുന്ന ചാംപ്യന്സ് ലീഗ് കിരീടം ഇത്തവണ ബാഴ്സയ്ക്കു നേടിക്കൊടുക്കാനായിരിക്കും അദ്ദേഹത്തിന്റെ ശ്രമം.
|
വീഡിയോ കാണാം
ഹള്ക്കിനൊപ്പമുള്ള മെസ്സിയുടെ വീഡിയോ കാണാം