റഷ്യയില്‍ 'അഭിനയിച്ചെന്ന്' കുറ്റസമ്മതം... വീണ്ടും വിവാദം, നെയ്മറോട് അമ്മയ്ക്ക് പറയാനുള്ളത്

പരസ്യത്തില്‍ നെയ്മറുടെ വാക്കുകള്‍

ലോകകപ്പില്‍ തന്റെ പെരുമാറ്റം അല്‍പ്പം ഓവറായിരുന്നില്ലേയെന്നു നിങ്ങള്‍ക്കു തോന്നാം. എന്നാല്‍ ചില സമയത്ത് അങ്ങനെ മനപ്പൂര്‍വ്വം പെരുമാറിയിട്ടുണ്ടെന്നത് സത്യമാണ്. എന്നാല്‍ കളിക്കളത്തില്‍ താന്‍ ഫൗള്‍ ചെയ്യപ്പെട്ടുവെന്നത് സത്യമാണ് എന്നായിരുന്നു നെയ്മറുടെ വാക്കുകള്‍.
ലോകകപ്പിലേറ്റ മോശം പ്രതിച്ഛായക്കു വീണ്ടും മങ്ങലേല്‍പ്പിക്കാന്‍ മാത്രമാണ് ഈ ഏറ്റുപറച്ചില്‍ നെയ്മറെ സഹായിച്ചത്.

പിന്തുണയുമായി അമ്മ

മകന്‍ വീണ്ടും വീണ്ടും വിവാദങ്ങളില്‍ അകപ്പെട്ട് വലയവെ പിന്തുണയുമായി രംഗത്തു വന്നിരിക്കുകയാണ് അമ്മ നാഡിന്‍ ഗൊണാല്‍വസ്. ഇതാദ്യമായാണ് മകന്റെ വിവാദങ്ങളുമായി ബന്ധപ്പെട്ട് ഇവര്‍ പ്രതികരിക്കുന്നത്.
നിന്റെ കരിയര്‍ തകര്‍ക്കാന്‍ ശ്രമിക്കുന്നവര്‍ വളരെ കുറച്ചു പേര്‍ മാത്രമേയുള്ളൂ, കൂടുതല്‍ പേരും നിന്നെ സ്‌നേഹിക്കുന്നവരും നിന്റെ മനസ്സില്‍ എന്താണെന്നു മനസ്സിലാക്കുന്നവരുമാണെന്നാണ് ഇന്‍സ്റ്റാഗ്രാമില്‍ ഗൊണാല്‍വസ് കുറിച്ചത്.

എല്ലായ്‌പ്പോഴും സ്വപ്‌നം കാണുന്നത് സംഭവിക്കില്ല

ജീവിതത്തില്‍ എല്ലായ്‌പ്പോഴും നമ്മള്‍ സ്വപ്‌നം കാണുന്നതും ആഗ്രഹിക്കുന്നതുമായ കാര്യങ്ങള്‍ തന്നെ സംഭവിക്കണമെന്നില്ലെന്നും ഗൊണാല്‍വസ് നെയ്മറുടെ ഇന്‍സ്റ്റാഗ്രാം പേജില്‍ കുറിച്ചു.
ലോകകപ്പില്‍ ബ്രസീലിന്റെ പുറത്താവലിനു ശേഷം കുടുംബത്തിനൊപ്പം അവധിക്കാലം ആഘോഷിക്കുകയാണ് നെയ്മര്‍. പുതിയ സീസണിനു മുന്നോടിയായി തന്റെ ക്ലബ്ബായ പിഎസ്ജിക്കൊപ്പം താരം ഉടന്‍ ചേര്‍ന്നേക്കുമെന്നാണ് റിപ്പോര്‍ട്ട്.