ഉസ്മാന്‍ സൂപ്പര്‍മാനായി.... കേരളത്തിന് സന്തോഷം തന്നെ

കളിയുടെ ആദ്യപകുതി പിന്നിടുമ്പോള്‍ കേരളം ഒരു ഗോളിനു മുന്നിലായിരുന്നു. നാലാം മിനിറ്റില്‍ കെഎസ്ഇബിയുടെ ജോബി ജസ്റ്റിനാണ് ലക്ഷ്യം കണ്ടത്.

ഉസ്മാന്റെ മാസ്മരിക പ്രകടനം കണ്ടത് രണ്ടാംപകുതിയിലായിരുന്നു. രണ്ടു തവണ എതിര്‍ വലകുലുക്കി ഉസ്മാന്‍ കേരളത്തിന്റെ വിജയമുറപ്പിക്കുകയായിരുന്നു. 62, 72 മിനിറ്റുകളിലായിരുന്നു ഉസ്മാന്റെ ഗോളുകള്‍.

യോഗ്യതാറൗണ്ടിലെ ആദ്യ വിജയം ആന്ധ്രാപ്രദേശ് സ്വന്തമാക്കി. ഉച്ചയ്ക്കു നടന്ന ഉദ്ഘാടന മല്‍സരത്തില്‍ ആന്ധ്ര 2-1ന് കര്‍ണാടകയെ മറികടക്കുകയായിരുന്നു.