ലണ്ടന്/ മാഡ്രിഡ്: വമ്പന് ജയത്തോടെ ഇംഗ്ലീഷ് ഗ്ലാമര് ടീം ടോട്ടനം ഹോട്സ്പര് എഫ്എ കപ്പ് ഫുട്ബോള് ചാംപ്യന്ഷിപ്പിന്റെ ക്വാര്ട്ടര് ഫൈനലിലേക്കു കുതിച്ചു. മൂന്നാം ഡിവിഷന് ടീമായ റോക്ക്ഡേലിനെ 6-1നാണ് അഞ്ചാം റൗണ്ടില് സ്പര്സ് നിഷ്പ്രഭരാക്കിയത്. നേരത്തേ നടന്ന മല്സരം സമനിലയില് പിരിഞ്ഞതിനെ തുടര്ന്ന് അഞ്ചാറൗണ്ട് പോരാട്ടം വീണ്ടും നടത്തുകയായിരുന്നു. ഇത്തവണ റീപ്ലേയില് എതിരാളികള്ക്ക് ഒരു പഴുതും നല്കാതെയാണ് ടോട്ടനം ജയിച്ചുകയറിയത്.
ബ്ലാസ്റ്റേഴ്സിന് 'ചുവപ്പ് കാര്ഡ്'... കലിപ്പടക്കും മുമ്പ് കഥ കഴിഞ്ഞു, ഇനി ലക്ഷ്യം സൂപ്പര് കപ്പ്
ഒത്തുകളി: ലോകകപ്പ് താരം കുടുങ്ങി!! ഒരു വര്ഷത്തെ വിലക്ക്, പിഴയും ചുമത്തി
പോരാട്ടങ്ങള്ക്കു വിട, പോര്ഭൂമി വിടാന് യുവരാജാവ്!! വിരമിക്കലിനെക്കുറിച്ച് യുവി വെളിപ്പെടുത്തി
ഒരു ഘട്ടത്തില് സ്പര്സിനെ 1-1ന് കുരുക്കി റോക്ക്ഡേല് മറ്റൊരു അട്ടിമറിയുടെ സൂചന നല്കിയിരുന്നു. ഒന്നാംപകുതി പിന്നിടുമ്പോള് സ്കോര് 1-1ന് തുല്യമായിരുന്നു. എന്നാല് രണ്ടാംപകുതിയില് ടോട്ടനം സര്വ്വശക്തിയുമെടുത്ത് ആഞ്ഞടിച്ചപ്പോള് റോക്ക്ഡേല് തകര്ന്നടിഞ്ഞു. സ്പാനിഷ് താരം ഫെര്ണാണ്ടോ ലോറെന്റെയുടെ ഹാട്രിക്കാണ് ടോട്ടനത്തിന് മികച്ച മാര്ജിനിലുള്ള ജയം സമ്മാനിച്ചത്.
47, 53, 59 മിനിറ്റുകളിലായിരുന്നു ലോറെന്റെയുടെ ഹാട്രിക് പ്രകടനം. ക്ലബ്ബിനായി താരത്തിന്റെ കന്നി ഹാട്രിക് കൂടിയാണിത്. സണ് ഹ്യുങ് മിന് ഇരട്ടഗോള് നേടിയപ്പോള് മറ്റൊരു ഗോള് കൈല് വാക്കറുടെ വകയായിരുന്നു. ക്വാര്ട്ടറില് സ്വാന്സിയാണ് ടോട്ടനത്തിന്റെ എതിരാളികള്.
അതേസമയം, സ്പാനിഷ് ലീഗില് ബാഴ്സലോണയ്ക്കു വെല്ലുവിളിയുയര്ത്തി അത്ലറ്റികോ മാഡ്രിഡിന്റെ വിജയക്കുതിപ്പ് തുടരുന്നു. ഹോം മാച്ചില് അത്ലറ്റികോ എതിരില്ലാത്ത നാലു ഗോളുകള്ക്കു ലെഗന്സിനെ കെട്ടുകെട്ടിച്ചു. ഹാട്രിക്കടക്കം ടീമിന്റെ നാലു ഗോളും നേടിയത് ഫ്രഞ്ച് സ്റ്റാര് സ്ട്രൈക്കര് അന്റോണിയോ ഗ്രീസ്മാനാണ്. ഈ ജയത്തോടെ ലീഗില് തലപ്പത്തു നില്ക്കുന്ന ബാഴ്സയുമായുള്ള അകലം അത്ലറ്റികോ നാലു പോയിന്റാക്കി കുറച്ചു. എന്നാല് അത്ലറ്റികോയെ അപേക്ഷിച്ച് ബാഴ്സ ഒരു മല്സരം കുറച്ചേ കളിച്ചിട്ടുള്ളൂ.