മെസ്സി തിരിച്ചെത്തി, ബാഴ്‌സലോണ ഡിപോര്‍ട്ടിവോയെ തകര്‍ത്തു

മാഡ്രിഡ്: പരിക്കിന്റെ പിടിയിലായിരുന്ന സൂപ്പര്‍ താരം ലയണല്‍ മെസ്സിയുടെ തിരിച്ചുവരവും അതിശയിപ്പിക്കുന്നതായിരുന്നു. സ്പാനിഷ് ലീഗില്‍ ഡിപോര്‍ട്ടിവോയ്‌ക്കെതിരേയുള്ള മത്സരത്തിന്റെ രണ്ടാം പകുതിയിലാണ് അര്‍ജന്റീനിയന്‍ താരം ഗ്രൗണ്ടിലിറങ്ങിയത്.

സെക്കന്റുകള്‍ക്കുള്ളില്‍ തന്നെ ടീമിനുവേണ്ടി നിറയൊഴിച്ച് ആരാധകരെ ആവേശകൊടുമുടി കയറ്റാന്‍ ഈ ഫോര്‍വേര്‍ഡിനു സാധിച്ചു. ഏകപക്ഷീയമായ നാലു ഗോളുകള്‍ക്കായിരുന്നു ബാഴ്‌സലോണയുടെ വിജയം. മെസ്സിയെ കൂടാതെ റഫിഞ്ഞയും(രണ്ട്) സോറസും ചാംപ്യന്മാര്‍ക്കുവേണ്ടി ലക്ഷ്യം കണ്ടു.

മത്സരഫലങ്ങള്‍
ലെഗാനസ് 2-സെവിയ്യ 3
ബാഴ്‌സലോണ 4- ഡിപ്പോര്‍ട്ടിവോ
അത്‌ലറ്റികോ മാഡ്രിഡ് 7-ഗ്രാനഡ 1
റയല്‍ ബെറ്റിസ് 1-റയല്‍ മാഡ്രിഡ് 6

എട്ടു മത്സരങ്ങളില്‍ നിന്നും പതിനെട്ട് പോയിന്റുള്ള അത്‌ലറ്റിക്കോ മാഡ്രിഡാണ് ഏറ്റവും മുന്നില്‍. ഇത്ര തന്നെ പോയിന്റുണ്ടെങ്കിലും ഗോള്‍ ശരാശരി പരിഗണിച്ചപ്പോള്‍ റയല്‍ മാഡ്രിഡ് രണ്ടാം സ്ഥാനത്തെത്തി. പതിനേഴ് പോയിന്റുള്ള സെവിയ്യയാണ് മൂന്നാം ്സ്ഥാനത്ത്. ബാഴ്‌സലോണ പതിനാറ് പോയിന്റോടെ നാലാം സ്ഥാനത്താണ്.