Click it and Unblock the Notifications
ഭാവിയിലേക്കുള്ള ടീമിനെയാണ് ഇന്ത്യ ഇപ്പോള് വളര്ത്തിയെടുക്കുന്നതെന്ന് കോച്ച് കോണ്സ്റ്റന്റൈന് ചൂണ്ടിക്കാട്ടി. കോച്ചായി സ്ഥാനമേറ്റെടുത്തപ്പോള് ആദ്യ ലക്ഷ്യം റാങ്കിങ് മെച്ചപ്പെടുത്തലായിരുന്നു. ടീം മെച്ചപ്പെടുന്നുണ്ടെന്ന് മല്സരഫലങ്ങള് തെളിയിക്കുന്നു. എന്നാല് ഇനിയുമേറെ മുന്നേറാനുണ്ട്.
ദേശീയ ഫുട്ബോള് ഫെഡറേഷന് പ്രസിഡന്റ് പ്രഫുല് പട്ടേലിന്റെ അകമഴിഞ്ഞ പിന്തുണയാണ് ടീമിന്റെ മുന്നേറ്റത്തിന് പിന്നിലെന്നു കോച്ച് പറഞ്ഞു. എഐഎഫ്എഫ് ജനറല് സെക്രട്ടറി കുശാല് ദാസിനും കോണ്സ്റ്റന്റൈന് നന്ദി രേഖപ്പടുത്തി.
ഇന്ത്യന് ഫുട്ബോളിനെ സംബന്ധിച്ചിടത്തോളം ഈ വര്ഷം മികച്ചതായിരുന്നു. സാഫ് ചാംപ്യന്ഷിപ്പില് പുരുഷ ടീം ജേതാക്കളായപ്പോള് സൗത്ത് ഏഷ്യന് ഗെയിംസില് വനിതാ ടീമും കിരീടമണിഞ്ഞു. സൗഹൃദ മല്സരത്തില് പുരുഷ ടീം റാങ്കിങില് തങ്ങളേക്കാള് ഏറെ മുന്നിലുള്ള (114ാം റാങ്ക്) പ്യൂര്ട്ടോറിക്കോയെ 4-1ന് തകര്ത്തു വിടാനും കഴിഞ്ഞു.
ഏഷ്യന് ഫുട്ബോള് കോണ്ഫെഡറേഷനില് (എഎഫ്സി) അംഗമായ രാജ്യങ്ങളില് ഏറ്റവും വേഗത്തില് വളര്ന്നുവരുന്ന അംഗമെന്ന അവാര്ഡ് ഇത്തവണ ഇന്ത്യക്കു ലഭിച്ചിരുന്നു.
Continue with Google