Click it and Unblock the Notifications
Sporting Buzz
-
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
IPL 2024: തലയെ വീഴ്ത്തി റുതുരാജ്, ധോണിയുടെ വമ്പന് റെക്കോഡ് തകര്ന്നു! ഇനി ഒന്നാമന് -
IPL 2024: 19 പന്തില് 17, 9 ഡോട്ട് ബോള്! ടെസ്റ്റ് കളിച്ച് ജഡേജ, മോയിന് അലി എവിടെ? വിമര്ശനം -
T20 World Cup: ഡികെയ്ക്ക് ഇനിയും അവസരം കൊടുക്കണ്ട! യോഗ്യരായ യുവാക്കള് പുറത്തുണ്ട്; തുറന്നടിച്ച് മുന്‍ താരം -
IPL 2024: 14 കോടിയുടെ വാഴ, മിച്ചല് വീണ്ടും ഫ്ളോപ്പ്; സിഎസ്കെയ്ക്ക് പറ്റിയ മണ്ടത്തരം- ട്രോള് -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
IPL 2024: പുറത്തായ ബട്ട്ലറെ പച്ചത്തെറി വിളിച്ച് പിയുഷ് ചൗള; കാണിച്ചത് മര്യാദകേട്! -
IPL 2024: സ്റ്റോയിണിസ് ഷോ, തട്ടകത്തില് നാണംകെട്ട് സിഎസ്കെ; ലഖ്നൗവിന് ത്രില്ലിങ് ജയം -
T20 World Cup: ലോകകപ്പ് കണ്ടാരും പനിക്കണ്ട! യോഗ്യന് പന്ത് തന്നെ; പിന്തുണച്ച് ദാദയും പോണ്ടിംഗും -
IPL 2024: മുംബൈ ഇനിയും തോല്ക്കും, അപ്പോഴും ഹാര്ദിക് ചിരിക്കും! വിമര്ശിച്ച് സ്റ്റെയിന്
ഐഎസ്എല്ലിന്റെ ഏഴാം സീസണിന് ഗോവന്‍ മണ്ണില്‍ വിസില്‍ മുഴങ്ങാനിരിക്കെ തനിക്കു പ്രിയപ്പെട്ട കളിക്കാരെ തിരഞ്ഞെടുത്തിരിക്കുകയാണ് ബിസിസിഐ പ്രസിഡന്റും ഇന്ത്യന്‍ ക്രിക്കറ്റ് ടീമിന്റെ മുന്‍ ഇതിഹാസ നായകനുമായ സൗരവ് ഗാംഗുലി. മൂന്നു കളിക്കാരാണ് തന്നെ ഏറ്റവുമധികം ആകര്‍ഷിച്ചതെന്നു ദാദ പറയുന്നു. കൊല്‍ക്കത്തയില്‍ നിന്നുള്ള ഗ്ലാമര്‍ ക്ലബ്ബും കഴിഞ്ഞ സീസണിലെ ചാംപ്യന്മാരുമായ എടിക്കെയുടെ സഹ ഉടമകളിലൊരാള്‍ കൂടിയാണ് ഗാംഗുലി. ഈ സീസണില്‍ എടിക്കെയും മോഹന്‍ ബഗാനും ഒന്നായി എടിക്കെ മോഹന്‍ ബഗാനെന്ന പേരിലാണ് അങ്കത്തട്ടിലിറങ്ങുക. ഇന്നു രാത്രി കേരള ബ്ലാസ്റ്റേഴ്‌സും എടിക്കെ മോഹന്‍ ബഗാനും തമ്മിലാണ് ഐഎസ്എല്ലിലെ ഉദ്ഘാടന മല്‍സരം.
കേരള ബ്ലാസ്റ്റേഴ്സിന്റെ മുന്‍ കനേഡിയന്‍ ഗോള്‍മെഷീന്‍ ഇയാന്‍ ഹ്യൂം, എടിക്കെ മോഹന്‍ ബഗാന്റെ ഫിജി സ്‌ട്രൈക്കര്‍ റോയ് കൃഷ്ണ, ചെന്നൈയ്ന്‍ എഫ്‌സിയുടെ മുന്‍ താരവും കൊളംബിയന്‍ വംശജനുമായ സ്റ്റീവന്‍ മെന്‍ഡോസ എന്നിവരാണ് തന്റെ ഫേവറിറ്റുകളെന്നു ഗാംഗുലി വ്യക്തമാക്കി. ഇന്ത്യന്‍ സൂപ്പര്‍ ലീഗിന്റെ ഒഫീഷ്യല്‍ ഇന്‍സ്റ്റഗ്രാം അക്കൗണ്ടിലെ ലൈവില്‍ സംസാരിക്കുകയായിരുന്നു അദ്ദേഹം.
ഐഎസ്എല്ലിന്റെ വരവോടെ കഴിഞ്ഞ ആറു വര്‍ഷത്തിനിടെ ഇന്ത്യന്‍ ഫുട്‌ബോളിന്റെ നിലവാരം ഉയര്‍ന്നിട്ടുണ്ടെന്നു ഗാംഗുലി ചൂണ്ടിക്കാട്ടി. എടിക്കെ മോഹന്‍ ബഗാനില്‍ ചില മികച്ച കളിക്കാര്‍ ഞങ്ങള്‍ക്കുണ്ട്. ഇന്ത്യന്‍ താരങ്ങള്‍ വളരെയധികം മെച്ചപ്പെട്ടു കഴിഞ്ഞു. നിങ്ങളേക്കാള്‍ ഉയര്‍ന്ന നിലവാരത്തിലുള്ള താരങ്ങള്‍ക്കൊപ്പം കളിക്കുമ്പോള്‍ നിങ്ങളുടെയും നിലവാരവും ഉയരുമെന്നും ഗാംഗുലി അഭിപ്രായപ്പെട്ടു.
ചെന്നൈയ്ന്‍ എഫ്‌സിക്കു വേണ്ടി കളിച്ച ശേഷം മെന്‍ഡോസ ഇംഗ്ലീഷ് പ്രീമിയര്‍ ലീഗ് ഫുട്‌ബോളിലേക്കും ചേക്കേറിയിരുന്നു. ഐഎസ്എല്ലിന്റെ നിലവാരം അത്രയേറെ ഉയര്‍ന്നിട്ടുണ്ടെന്നതിന് തെളിവാണിതെന്നും ദാദ പറയുന്നു. കഴിഞ്ഞ സീസണിലെ ഐഎസ്എല്ലില്‍ ചെന്നൈയെ തോല്‍പ്പിച്ചായിരുന്നു എടിക്കെയുടെ കിരീട വിജയം. അതേസമയം, കഴിഞ്ഞ സീസണിലെ ഐ ലീഗ് ഫുട്‌ബോളിലെ ചാംപ്യന്മാരാണ് മോഹന്‍ ബഗാന്‍. ഈ സീസണിനു മുന്നോടിയായാണ് എടിക്കെയും ബഗാനും ലയിച്ച് എടിക്കെ മോഹന്‍ ബഗാനെന്ന പുതിയ ക്ലബ്ബായി മാറിയത്.
