Click it and Unblock the Notifications
ഈസ്റ്റ് ബംഗാള് വരുന്നു
ഇന്ത്യന് ഫുട്ബോളിലെ അതികായന്മാരും കൊല്ക്കത്തയിലെ വമ്പന് ക്ലബ്ബുകളിലൊന്നുമായ ഈസ്റ്റ് ബംഗാളാണ് ഐ ലീഗിനോടു ഗുഡ്ബൈ പറഞ്ഞ് ഐഎസ്എല്ലിലെത്തുന്നത്. തങ്ങള്ക്കു ഐഎസ്എല്ലില് കളിക്കാന് താല്പ്പര്യമുണ്ടെന്ന് ഈസ്റ്റ് ബംഗാള് ഇതിനകം വ്യക്തമാക്കുകയും ചെയ്തിട്ടുണ്ട്.
2019ലെ ഐഎസ്എല്ലില് തങ്ങള്ക്കും കളിക്കാനാവുമെന്ന പ്രതീക്ഷയിലാണ് ഈസ്റ്റ് ബംഗാള്.
എഐഎഫ്എഫിനെ സമീപിച്ചു
അടുത്തിടെ ഈസ്റ്റ് ബംഗാളിന്റെ തലപ്പത്ത് മാറ്റമുണ്ടായിരുന്നു. ഉടമസ്ഥാവകാശം സ്വന്തമാക്കിയവര് ദേശീയ ഫുട്ബോള് ഫെഡറേഷന് (എഐഎഫ്എഫ്) പ്രസിഡന്റ് പ്രഫുല് പട്ടേലിനെ സന്ദര്ശിക്കുകയും ഐഎസ്എല് പ്രവേശനത്തിന്റെ സാധ്യതകള് ആരായുകയും ചെയ്തുവെന്നാണ് റിപ്പോര്ട്ടുകള്.
ഇതോടെയാണ് അധികം വൈകാതെ തന്നെ ഈസ്റ്റ് ബംഗാളിനെയും ഐഎ്സ്എല്ലില് കാണാനാവുമെന്ന് ഉറപ്പായത്.
ഈ സീസണില് ഉണ്ടായേക്കില്ല
2018 സീസണിലെ ഐഎസ്എല്ലില് ഈസ്റ്റ് ബംഗാള് കളിക്കാന് സാധ്യത കുറവാണ്. കാരണം ടൂര്ണമെന്റിന്റെ നടത്തിപ്പുകാരായ ഫുട്ബോള് സ്പോര്ട്സ് ഡെവലപ്മെന്റ് ലിമിറ്റഡ് ഈ വര്ഷം പുതിയ ടീമുകളെ ക്ഷണിക്കാന് സാധ്യത കുറവാണ്.
2019-20 സീസണിലെ ഐഎസ്എല്ലില് കളിക്കാനായിരിക്കും ഇനി ഈസ്റ്റ് ബംഗാള് ലക്ഷ്യമിടുന്നത്.
ഇന്ത്യയിലെ മികച്ച ടീമാവണം
ക്വെസ് കോര്പ്പെന്ന കമ്പനിയാണ് അടുത്തിടെ ഈസ്റ്റ് ബംഗാളിന്റെ ഓഹരിയുടെ വലിയൊരു ശതമാനം സ്വന്തമാക്കിയത്. ഈസ്റ്റ് ബംഗാളിനെ ഇന്ത്യന് ഫുട്ബോളിലെ ഏറ്റവും മികച്ച ടീമാക്കി മാറ്റുകയാണ് ലക്ഷ്യമെന്നു ക്വെസ് സിഇഒ സുബ്രതാ നാഗ് വ്യക്തമാക്കി.
ഐഎസ്എല്ലില് കളിക്കുകയാണ് ലക്ഷ്യം. ചിലപ്പോള് ഈ വര്ഷം, അല്ലെങ്കില് അടുത്ത വര്ഷം ഇതിനു സാധിച്ചേക്കും. ഇനി അതിനു കഴിഞ്ഞില്ലെങ്കിലും ഇന്ത്യയിലെ നമ്പര് വണ് ടീമാക്കിയ ഈസ്റ്റ് ബംഗാളിനെ മാറ്റാനാണ് ശ്രമമെന്നും നാഗ് കൂട്ടിച്ചേര്ത്തു.
Continue with Google