Click it and Unblock the Notifications
ഐഎസ്എല് ആരവമടങ്ങിയില്ല, ഇന്ത്യ വീണ്ടും പന്തിനുപിറകെ, എന്താണ് സംഭവം
ഐഎസ്എല്ലിന്റെ ആരവങ്ങള് കേരളത്തിലും ഇന്ത്യയിലും ഇതുവരെ നിലച്ചിട്ടില്ല. അതിനു മുമ്പ് തന്നെ വരുന്നു മറ്റൊരു ഫുട്ബോള് കാര്ണിവല്.
രാജ്യത്തെ ഏറ്റവും വലിയ ക്ലബ്ബ് ചാംപ്യന്ഷിപ്പെന്നു വിലയിരുത്തപ്പെടുന്ന ഐ ലീഗിന്റെ പുതിയ സീസണിന് 2017 ജനുവരിയില് തുടക്കമാവും. ഓള് ഇന്ത്യ ഫുട്ബോള് ഫെഡറേഷനാണ് പുതിയ സീസണിലെ ഫികസ്ചര് പ്രഖ്യാപിച്ചത്.
നിലവിലെ ചാംപ്യന്മാരായ ബംഗളൂരു എഫ്സിയും ലജോങ് ഷില്ലോങും തമ്മിലാണ് ടൂര്ണമെന്റിലെ ഉദ്ഘാടനമല്സരം. 2017 ജനുവരി ഏഴ്-എട്ട് തിയ്യതികളിലാണ് സീസണിലെ ആദ്യ റൗണ്ട് മല്സരങ്ങള് നടക്കുന്നത്.
രാജ്യത്തെ 10 മുന്നിര ക്ലബ്ബുകളാണ് ഐ ലീഗിന്റെ പുതിയ സീസണില് അണിനിരക്കുക.
മുഴുവന് ടീമുകളും 2017 ജനുവരി ഏഴ്, എട്ട് തിയ്യതികളിലായി തങ്ങളുടെ ആദ്യ പോരിനിറങ്ങുന്നുണ്ട്.
ഐ ലീഗിന്റെ പുതിയ സീസണില്ത്തന്നെ ഒരു ക്ലാസിക് പോരാട്ടമുണ്ട്. മുന് ചാംപ്യന്മാരായ കൊല്ക്കത്തയിലെ മോഹന് ബഗാനും ഗോവയിലെ ചര്ച്ചില് ബ്രദേഴ്സും തമ്മിലാണ് ഈ ത്രില്ലര്. ജനുവരി എട്ടിനാണ് ഈ കളി.
ഐ ലീഗിന്റെ പുതിയ സീസണില് രണ്ടു പുതിയ ക്ലബ്ബുകള് കൂടി അരങ്ങേറ്റം കുറിക്കും. ചെന്നൈ സിറ്റിയും മിനെര്വ പഞ്ചാബ് എഫ്സിയുമാണ് ഇവര്. ലേലത്തിലൂടെയണ് ഇരു ക്ലബ്ബുകളും ഐ ലീഗിലേക്ക് എന്ട്രി നേടിയത്.
ഗോവയില് നിന്നെത്തി ഇന്ത്യന് ഫുട്ബോളിലെ ശക്തികളായി മാറിയ ചര്ച്ചില് ബ്രദേഴ്സിന്റെ മടങ്ങിവരവാണ് സീസണിന്റെ പ്രധാന ആകര്ണം.
1988ല് രൂപീകൃതമായ ക്ലബ്ബ് ഐ ലീഗില് ഒരു തവണയും ഡ്യൂറന്ഡ് കപ്പില് മൂന്നു തവണയും ജേതാക്കളായിട്ടുണ്ട്.
ഗോവയില് നിന്നുള്ള മൂന്നു പ്രമുഖ ക്ലബ്ബുകളാണ് ഐ ലീഗിന്റെ പുതിയ സീസണില് നിന്നു പിന്മാറിയത്.
സാല്ഗോക്കര്, സ്പോര്ട്ടിങ്, ഡെംപോ എന്നിവരാണ് അടുത്ത സീസണില് കളിക്കില്ലെന്ന് അറിയിച്ചത്.
നിലവിലെ ചാംപ്യന്മാരായ ബംഗളൂരു എഫ്സിയെ ഇത്തവണ ആര് പിടിച്ചുകെട്ടുമെന്നതാണ് പ്രധാന ചോദ്യം. മൂന്നു വര്ഷങ്ങള്ക്ക് മുമ്പ് മാത്രം രൂപീകൃതമായ ഈ ക്ലബ്ബിന്റെ നേട്ടങ്ങള് അദ്ഭുതപ്പെടുത്തുന്നതാണ്.
കളിച്ച മൂന്നു സീസണില് രണ്ടു വട്ടവും അവര് ചാംപ്യന്മാരായി. മാത്രമല്ല ഈ വര്ഷം എഎഫ്സി കപ്പില് റണ്ണറപ്പായതോടെ ഈ നേട്ടം കൈവരിച്ച ആദ്യ ഇന്ത്യന് ക്ലബ്ബാവുകയും ചെയ്തു.
Story first published: Wednesday, December 21, 2016, 13:21 [IST]
Other articles published on Dec 21, 2016
X
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+