Click it and Unblock the Notifications
രാത്രി പത്ത് മണിക്ക് സോണി സിക്സ്, സോണി ഇ എസ് പി എന് ചാനലുകളില് തത്സമയം കാണാം.
ആഴ്സണലില് നിന്ന് പുറത്താകലിന്റെ വക്കിലാണ് കോച്ച് ആര്സെന് വെംഗര്. പ്രീമിയര് ലീഗ് കിരീടം നേടുന്നതില് പരാജയപ്പെട്ടതും ചാമ്പ്യന്സ് ലീഗ് യോഗ്യത നേടുന്നതില് പരാജയപ്പെട്ടതും വെംഗര്ക്ക് തിരിച്ചടിയായി. എന്നാല്, എഫ് എ കപ്പ് കൂടുതല് തവണ നേടിയ ജോര്ജ് റാംസെക്കൊപ്പമാണ് വെംഗര്. ഇന്ന് ചെല്സിയെ വീഴ്ത്തിയാല് വെംഗര്ക്ക് ആറാം എഫ് എ നേടി റെക്കോര്ഡിടാം.
ആദ്യ സീസണില് തന്നെ ചെല്സിക്ക് പ്രീമിയര് ലീഗ് കിരീടം നേടിക്കൊടുത്തു. എഫ് എ കപ്പില് ഫൈനലില് ഇടം പിടിച്ചു. പെപ് ഗോര്ഡിയോളയും മൗറിഞ്ഞോയും വെംഗറും പോഛെറ്റിനോയും കോച്ചായിട്ടുള്ള പ്രീമിയര് ലീഗിലാണ് കോന്റെ ചാമ്പ്യന് കോച്ചായി മാറിയത്.
ആഴ്സണലിനൊപ്പം ആറ് എഫ് എ കിരീടങ്ങള്, മൂന്ന് പ്രീമിയര് ലീഗ് കിരീടങ്ങള് ഉള്പ്പടെ ഒമ്പതെണ്ണമാണ് വെംഗര് നേടിയത്. ഇന്ന് ജയിച്ചാല് പത്താം കിരീടം. അത് വഴി ക്ലബ്ബില് തുടരാനാകുമെന്ന പ്രതീക്ഷ.
കഴിഞ്ഞ അഞ്ച് എഫ് എ കപ്പ് ഫൈനലിലും ആഴ്സണല് ജയിച്ചു. അവസാനം കളിച്ച എട്ട് ഫൈനലുകളില് ഏഴിലും ജയിച്ചു. ഏക തോല്വി 2001 മില്ലേനിയം സ്റ്റേഡിയത്തില് ലിവര്പൂളിനെതിരെ. എഫ് എ കപ്പില് റെക്കോര്ഡ് ഇരുപതാം ഫൈനലാണ് ആഴ്സണല് കളിക്കാന് പോകുന്നത്.
പന്ത്രണ്ട് കിരീടങ്ങളുമായി മാഞ്ചസ്റ്റര് യുനൈറ്റഡും ആഴ്സണലും റെക്കോര്ഡ് ബുക്കില് ഒന്നാം സ്ഥാനം പങ്കിടുന്നു. ചെല്സിയെ വീഴ്ത്തിയാല് ആഴ്സണലിന് പതിമൂന്ന് കിരീടങ്ങളുമായി റെക്കോര്ഡ് സ്വന്തമാക്കാം.
കഴിഞ്ഞ ഏഴുപത് വര്ഷത്തിനിടെ എഫ് എ കപ്പില് ചെല്സിക്ക് ഒരു തവണ മാത്രമാണ് ആഴ്സണലിനെ തോല്പ്പിക്കാന് സാധിച്ചത്. 2009 ല് സെമിഫൈനലില് 2-1നായിരുന്നു ആ ജയം. അവസാനം തമ്മില് കളിച്ച എട്ട് എഫ് എ കപ്പ് മത്സരങ്ങളിലും ഏഴിലും ജയിച്ച് ആഴ്സണല് വ്യക്തമായ മുന്തൂക്കം നിലനിര്ത്തുന്നു.
Continue with Google