ക്ലാസിക്കില്‍ ചെല്‍സി വീണു; തടിതപ്പി ബാഴ്‌സ, റയല്‍ തകര്‍ന്നു; സിറ്റി, യുവന്റസ്, പിഎസ്ജി, ലിവര്‍പൂള്‍ മുന്നോട്ട്

ലണ്ടന്‍/മാഡ്രിഡ്/റോം/മ്യൂണിക്ക്/പാരിസ്: ലീഗ് ഫുട്‌ബോള്‍ മല്‍സരങ്ങളില്‍ പ്രമുഖ ടീമുകള്‍ക്ക് മുന്നേറ്റവും തിരിച്ചടിയും. ഇംഗ്ലീഷ് പ്രീമിയര്‍ ലീഗില്‍ ചെല്‍സിക്കും സ്പാനിഷ് ലീഗില്‍ റയല്‍ മാഡ്രിഡിനും തോല്‍വി നേരിട്ടപ്പോള്‍ സ്പാനിഷ് ലീഗില്‍ ബാഴ്‌സയ്ക്കും ജര്‍മന്‍ ലീഗില്‍ ബയേണ്‍ മ്യൂണിക്കിനും സമനില കൊണ്ട് തൃപ്തിപ്പെടേണ്ടിവന്നു. എന്നാല്‍, പ്രീമിയര്‍ ലീഗില്‍ മാഞ്ചസ്റ്റര്‍ സിറ്റി, ലിവര്‍പൂള്‍, ഇറ്റാലിയന്‍ ലീഗില്‍ യുവന്റസ്, ജര്‍മന്‍ ലീഗില്‍ ബൊറൂസ്യ ഡോട്മുണ്ട്, ഫ്രഞ്ച് ലീഗില്‍ പിഎസ്ജി എന്നീ ഗ്ലാമര്‍ ടീമുകള്‍ വിജയത്തോടെ മുന്നേറ്റം നടത്തി.

മൂന്നാം ടി20: ടോസ് ഓസീസിന്, ബാറ്റിങ് തിരഞ്ഞെടുത്തു. മികച്ച തുടക്കം; ഇന്ത്യക്ക് നിര്‍ണായകം

ഇംഗ്ലീഷ് പ്രീമിയര്‍ ലീഗ്

ഇംഗ്ലീഷ് പ്രീമിയര്‍ ലീഗ്

ഇംഗ്ലീഷ് പ്രീമിയര്‍ ലീഗില്‍ കുതിപ്പ് തുടരുകയാണ് നിലവിലെ ചാംപ്യന്‍മാരായ മാഞ്ചസ്റ്റര്‍ സിറ്റിയും മുന്‍ ജേതാക്കളായ ലിവര്‍പൂളും. 13ാം റൗണ്ട് മല്‍സരത്തില്‍ സിറ്റി 4-0ന് വെസ്റ്റ്ഹാമിനെയും ലിവര്‍പൂള്‍ 3-0ന് വാട്‌ഫോര്‍ഡിനെയും പരാജയപ്പെടുത്തുകയായിരുന്നു. ലിയോറി സാനെയുടെ ഇരട്ട ഗോളാണ് എവേ മല്‍സരത്തില്‍ വെസ്റ്റ്ഹാമിനെതിരേ സിറ്റിക്ക് തകര്‍പ്പന്‍ വിജയം നേടിക്കൊടുത്തത്. ഡേവിഡ് സില്‍വ, റഹീം സ്റ്റെര്‍ലിങ് എന്നിവര്‍ ഓരോ തവണ വലക്കുലുക്കിയതിനു ശേഷമാണ് സാനെ ഇരട്ട ഗോളുമായി മിന്നിയത്. വിജയത്തോടെ ലീഗില്‍ ഒന്നാംസ്ഥാനം നിലനിര്‍ത്താനും സിറ്റിക്കായി.

സൂപ്പര്‍താരം മുഹമ്മദ് സലാ, ട്രെന്റ് അലെക്‌സാണ്ടര്‍ അര്‍നോള്‍ഡ്, റോബര്‍ട്ടോ ഫിര്‍മിനോ എന്നിവരാണ് വാട്‌ഫോര്‍ഡിനെതിരേ ലിവര്‍പൂളിന് അനായാസ ജയം സമ്മാനിച്ചത്. മറ്റൊരു മല്‍സരത്തില്‍ മുന്‍ ചാംപ്യന്‍മാരായ മാഞ്ചസ്റ്റര്‍ യുനൈറ്റഡിനെ ക്രിസ്റ്റല്‍ പാലസ് ഗോള്‍രഹിതമായി സമനിലയില്‍ തളച്ചു.

അതേസമയം, ലീഗിലെ ക്ലാസിക്ക് പോരില്‍ മുന്‍ ജേതാക്കളായ ചെല്‍സിക്ക് തോല്‍വി നേരിട്ടു. ശക്തരായ ടോട്ടനം ഹോട്‌സ്പറാണ് 3-1ന് ചെല്‍സിയെ തകര്‍ത്തത്. ലീഗ് സീസണില്‍ ചെല്‍സിയുടെ ആദ്യ തോല്‍വി കൂടിയായിരുന്നു ഇത്. ഹോംഗ്രൗണ്ടില്‍ ഡെലെ അലി, ഹാരി കെയ്ന്‍, സണ്‍ ഹിയുങ് മിന്‍ എന്നിവരാണ് ടോട്ടനമിനു വേണ്ടി ലക്ഷ്യംകണ്ടത്. ചെല്‍സിയുടെ ആശ്വാസ ഗോള്‍ ഒലിവര്‍ ജിറോഡിന്റെ വകയായിരുന്നു.

ലീഗിലെ മറ്റു മല്‍സരങ്ങളില്‍ എവര്‍ട്ടന്‍ 1-0ന് കാര്‍ഡിഫ് സിറ്റിയെയും ഫുള്‍ഹാം 3-2ന് സതാംപ്റ്റനെയും തോല്‍പ്പിച്ചപ്പോള്‍ ലെസ്റ്റര്‍ സിറ്റി-ബ്രൈറ്റണ്‍ മല്‍സരം 1-1ന് പിരിഞ്ഞു. 35 പോയിന്റുമായാണ് സിറ്റി ലീഗില്‍ തലപ്പത്ത് തുടരുന്നത്. 33 പോയിന്റുമായി ലിവര്‍പൂളും 30 പോയിന്റോടെ ടോട്ടനമും 28 പോയി്ന്റുമായി ചെല്‍സിയുമാണ് യഥാക്രമം ലീഗിലെ രണ്ടു മുതല്‍ നാലു സ്ഥാനങ്ങളില്‍.

സ്പാനിഷ് ലീഗ്

സ്പാനിഷ് ലീഗ്

സ്പാനിഷ് ലീഗ് ക്ലാസിക്കില്‍ നിലവിലെ ചാംപ്യന്‍മാരായ ബാഴ്‌സലോ സമനില കൊണ്ട് തടിതപ്പിയപ്പോള്‍ മുന്‍ ജേതാക്കളായ റയല്‍ മാഡ്രിഡിനെ 0-3ന് ഐബര്‍ തരിപ്പണമാക്കി. മുന്‍ ചാംപ്യന്‍മാരായ അത്‌ലറ്റികോ മാഡ്രിഡുമായാണ് 1-1ന്റെ സമനിലയുമായി ബാഴ്‌സ രക്ഷപ്പെട്ടത്. 77ാം മിനിറ്റില്‍ ഡിയേഗോ കോസ്റ്റയുടെ ഗോളില്‍ വിജയത്തിന് അടുത്തെത്തിയ അത്‌ലറ്റികോയെ 90ാം മിനിറ്റില്‍ ഒസ്മാനെ ഡെംബാലെയുടോ ഗോളില്‍ ബാഴ്‌സ സമനിലയില്‍ തളയ്ക്കുകയായിരുന്നു.

എന്നാല്‍, താല്‍ക്കാലിക പരിശീലകനായപ്പോള്‍ ടീമിന്റെ വിജയക്കുതിപ്പിന് തുടക്കമിട്ട സാന്റിയാഗോ സൊളാരിയുടെ കീഴില്‍ സ്ഥിരം പരിശീലകനായ ആദ്യ മല്‍സരത്തില്‍ റയലിന് തോല്‍വി പിണയുകയായിരുന്നു. ഗോണ്‍സാലോ എസ്‌കലാന്റെ, സെര്‍ജി എന്റിച്ച്, കിക്കെ എന്നിവരാണ് റയലിനെതിരേ ഹോംഗ്രൗണ്ടില്‍ ഐബറിന് തകര്‍പ്പന്‍ വിജയം നേടിക്കൊടുത്തത്. 13 മല്‍സരങ്ങളില്‍ നിന്ന് 25 പോയിന്റുമായി ബാഴ്‌സ തന്നെയാണ് ലീഗില്‍ തലപ്പത്ത്. 24 പോയിന്റുമായി അത്‌ലറ്റികോ മാഡ്രിഡ് തൊട്ടുപിന്നിലുണ്ട്. 20 പോയിന്റുമായി ലീഗില്‍ ആറാം സ്ഥാനത്താണ് റയല്‍.

ഇറ്റാലിയന്‍ ലീഗ്

ഇറ്റാലിയന്‍ ലീഗ്

ഇറ്റാലിയന്‍ ലീഗില്‍ നിലവിലെ ചാംപ്യന്‍മാരായ യുവന്റസ് കുതിപ്പ് തുടരുകയാണ്. ഹോംഗ്രൗണ്ടില്‍ യുവന്റസ് 2-0ന് സ്പാലിനെയാണ് തോല്‍പ്പിച്ചത്. സൂപ്പര്‍താരം ക്രിസ്റ്റിയാനോ റൊണാള്‍ഡോ, മാരിയോ മാന്‍ഡ്യൂകിച്ച് എന്നിവരാണ് യുവന്റസിന്റെ സ്‌കോറര്‍മാര്‍. യുവന്റസിനായി ക്രിസ്റ്റിയാനോ 10 ഗോളുകള്‍ പൂര്‍ത്തിയാക്കുകയും ചെയ്തു.

ലീഗിലെ മറ്റു മല്‍സരങ്ങളില്‍ ഇന്റര്‍മിലാന്‍ 3-0ന് ഫിയൊറെന്റീനയെയും ഉഡിനെസ് 1-0ന് റോമയെയും പരാജയപ്പെടുത്തി. 13 മല്‍സരങ്ങളില്‍ നിന്ന് അപരാജിത കുതിപ്പ് തുടരുന്ന യുവന്റസ് 37 പോയിന്റുമായി ലീഗില്‍ മുന്നേറുകയാണ്. 28 പോയിന്റ് വീതം നേടിയ നാപ്പോളിയും ഇന്റര്‍ മിലാനുമാണ് യഥാക്രമം രണ്ടും മൂന്നും സ്ഥാനങ്ങളില്‍.

ജര്‍മന്‍ ലീഗ്

ജര്‍മന്‍ ലീഗ്

ജര്‍മന്‍ ലീഗില്‍ നിലവിലെ ജേതാക്കളായ ബയേണ്‍ മ്യൂണിക്കിനെ 3-3ന് ഫോര്‍ട്ടുന ഡുസെല്‍ഡോര്‍ഫ് സമനിലയില്‍ തളച്ചപ്പോള്‍ മുന്‍ ജേതാക്കളായ ബൊറൂസ്യ ഡോട്മുണ്ട് 2-1ന് മെയ്ന്‍സിനെ തോല്‍പ്പിച്ച് കുതിപ്പ് തുടര്‍ന്നു. ഫോര്‍ട്ടുനയ്ക്കായി ഡോഡി ലുക്ക്ബാക്കിയോ ഹാട്രിക്ക് നേടിയപ്പോള്‍ ബയേണിനായി തോമസ് മുള്ളര്‍ ഇരട്ട ഗോള്‍ കണ്ടെത്തി. എന്നാല്‍, പാകോ അല്‍കാസര്‍, ലുകാസ് പിസ്‌കാക്ക് എന്നിവരാണ് മെയ്ന്‍സിനെതിരേ ഡോട്മുണ്ടിന് വിജയം നേടിക്കൊടുത്തത്. 11 റൗണ്ട് മല്‍സരങ്ങള്‍ പൂര്‍ത്തിയായപ്പോള്‍ 27 പോയിന്റുമായി ഡോട്മുണ്ട് ലീഗില്‍ തലപ്പത്ത് തുടരുകയാണ്. 20 പോയിന്റുമായി ലീഗില്‍ അഞ്ചാം സ്ഥാനത്താണ് ബയേണ്‍.

ഫ്രഞ്ച് ലീഗ്

ഫ്രഞ്ച് ലീഗ്

ഫ്രഞ്ച് ലീഗില്‍ നിലവിലെ ചാംപ്യന്‍മാരായ പിഎസ്ജി വിജയക്കുതിപ്പ് നിലനിര്‍ത്തി. 13ാം റൗണ്ട് മല്‍സരത്തിലും പിഎസ്ജിയുടെ വിജയക്കുതിപ്പിന് ടൊലോസയ്ക്കും തടയിടാനായില്ല. എഡിന്‍സന്‍ കവാനിയുടെ ഏക ഗോളിലായിരുന്നു പിഎസ്ജിയുടെ വിജയം. 13 മല്‍സരങ്ങളില്‍ നിന്ന് 39 പോയിന്റുമായാണ് പിഎസ്ജി കിരീടത്തിലേക്ക് കുതിക്കുന്നത്. മറ്റൊരു മല്‍സരത്തില്‍ റഡാമെല്‍ ഫല്‍കാവോയുടെ ഗോളില്‍ മൊണാക്കോ 1-0ന് കീനിനെ തോല്‍പ്പിച്ചു.

For Quick Alerts
ALLOW NOTIFICATIONS
For Daily Alerts

    Story first published: Sunday, November 25, 2018, 14:38 [IST]
    Other articles published on Nov 25, 2018
    ഇന്ത്യയിലെ എക്കാലത്തെയും ഏറ്റവും വലിയ തിരഞ്ഞെടുപ്പ് സർവ്വേ.. നിങ്ങൾ ഇനിയും പങ്കെടുത്തില്ലേ?
    + കൂടുതല്‍
    POLLS

    myKhel ലില്‍ നിന്നും ഏറ്റവും പുതിയ വാര്‍ത്തകള്‍ അറിയാന്‍

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more