Click it and Unblock the Notifications
|
ആദ്യ മല്‍സരം ചീവോയ്‌ക്കെതിരേ
ഇറ്റാലിയന്‍ ലീഗിന്റെ (സെരി എ) പുതിയ സീസണിലെ ഫിക്‌സ്ചര്‍ കഴിഞ്ഞ ദിവസം പ്രഖ്യാപിച്ചിരുന്നു. ഇതോടെയാണ് റൊണൊള്‍ഡോയുടെ അരങ്ങേറ്റത്തിന്റെ തിയ്യതിയെക്കുറിച്ച് വ്യക്തമായത്. ഓഗസ്റ്റ് 19ന് ചീവോയ്‌ക്കെതിരേ നടക്കുന്ന സെരി എ മല്‍സരത്തിലായിരിക്കും പോര്‍ച്ചുഗീസ് ഇതിഹാസം യുവന്റസിനു വേണ്ടി ആദ്യമായി കളത്തിലിറങ്ങുക. ചീവോയുടെ തട്ടകത്തിലാണ് ഈ മല്‍സരം.
|
സ്വന്തം മൈതാനത്ത് വൈകും
യുവന്റസിന്റെ സ്വന്തം മൈതാനത്ത് റൊണാള്‍ഡോയുടെ പ്രകടനം കാണാന്‍ ആരാധകര്‍ക്കു പിന്നെയും കാത്തിരിക്കേണ്ടിവരും. ഓഗസ്റ്റ് 26ന് ലാസിയോക്കെതിരേ നടക്കാനിരിക്കുന്ന മല്‍സരത്തിലായിരിക്കും റോണോ യുവന്റസിനായി ആദ്യത്തെ ഹോം മാച്ചില്‍ കളിക്കുക.
|
എട്ടാം കിരീടം
ഇറ്റാലിയന്‍ ഫുട്‌ബോളില്‍ യുവന്റസിന്റെ ആധിപത്യമാണ് കണ്ടുകൊണ്ടിരിക്കുന്നത്. തുടര്‍ച്ചയായി എട്ടു സീസണുകളില്‍ സെരി എ കിരീടം തങ്ങളുടെ തട്ടകത്തിലെത്തിച്ച യുവന്റസ് ഇത് ഇത്തവണ ഒമ്പതാക്കി ഉയര്‍ത്താമെന്ന ആത്മവിശ്വാസത്തിലാണ്. റൊണാള്‍ഡോയുടെ വരവോടെ ഈ സാധ്യത വര്‍ധിക്കുകയും ചെയ്തിട്ടുണ്ട്.
