ജീസസിനു പോലും എല്ലാവരെയും തൃപ്തിപ്പെടുത്താനായിട്ടില്ല!!! തുറന്നടിച്ച് ആ ശില്‍പ്പി....

പോര്‍ച്ചുഗലിലെ മദെയ്‌റ വിമാനത്താവളത്തിലാണ് ക്രിസ്റ്റിയാനോയുടെ പ്രതിമ സ്ഥാപിച്ചത്. ബുധനാഴ്ച ഇത് ഇവിടെ സ്ഥാപിച്ചതു മുതല്‍ വിമര്‍ശകര്‍ ശില്‍പ്പിക്കെതിരേയും പ്രതിമയ്‌ക്കെതിരേയും ആക്രമണം തുടരുകയാണ്.

ഇമ്മാനുവല്‍ സാന്റോസ് എന്ന ശില്‍പ്പിയാണ് പ്രതിമ തയ്യാറാക്കിയിരിക്കുന്നത്. തുടര്‍ച്ചയായുള്ള വിമര്‍ശനങ്ങള്‍ക്കു സാന്റോസിന്റെ മറുപടി ജീസസിനു പോലും എല്ലാവരെയും തൃപ്തിപ്പെടുത്താന്‍ കഴിയില്ലെന്നായിരുന്നു.

ഇന്റര്‍നെറ്റില്‍ നിന്നും ലഭിച്ച ക്രിസ്റ്റ്യാനോയുടെ ചിത്രങ്ങള്‍ വച്ചാണ് പ്രതിമ തയ്യാറാക്കിയത്. ഇത്തരം പ്രതിമകള്‍ നിര്‍മിച്ചാല്‍ അതിനെ സ്വീകരിക്കുന്നവരും എതിര്‍ക്കുന്നവരുമുണ്ടാവുമെന്നും സാന്റോസ് പറഞ്ഞു.

പല ഭാഗത്തു നിന്നും വിമര്‍ശനങ്ങള്‍ നേരിട്ടങ്കെിലും പ്രതിമ ക്രിസ്റ്റ്യാനോയ്ക്കു ഇഷ്ടപ്പെട്ടിരുന്നതായി സാന്റോസ് വ്യക്തമാക്കി.

പ്രതിമയുമായി ബന്ധപ്പെട്ട വിവാദങ്ങളെക്കുറിച്ചൊന്നും ക്രിസ്റ്റ്യാനോ പ്രതികരിച്ചില്ല. മറിച്ച് വിമാനത്താവളത്തില്‍ തന്റെ പ്രതിമ സ്ഥാപിക്കാന്‍ സര്‍ക്കാര്‍ തയ്യാറായതില്‍ ഏറെ അഭിമാനവും സന്തോഷവുമുണ്ടെന്നാണ് അദ്ദേഹം പറഞ്ഞത്.