Click it and Unblock the Notifications
പിന്മാറിയതോ, തഴഞ്ഞതോ?
റൊണാള്ഡോയെ ഇറ്റലിക്കെതിരായ മല്സരത്തിനുള്ള ടീമില് നിന്നും മാറ്റിനിര്ത്തിയതാണോ അല്ലെങ്കില് അദ്ദേഹം പിന്മാറിയതാണോയെന്ന കാര്യം വ്യക്തമല്ല. ദേശീയ ടീമിനൊപ്പം റൊണാള്ഡോയുടെ ഭാവി അവസാനിച്ചിട്ടില്ലെന്നു കോച്ച് ഫെര്ണാണ്ടോ സാന്റോസ് വ്യക്തമാക്കി.
റൊണാള്ഡോയ്ക്ക് ഇനിയും പല സംഭാവനകളും നല്കാനാവും. യുവതാരങ്ങള്ക്കു വഴികാട്ടിയായി അദ്ദേഹം ടീമിനൊപ്പമുണ്ടാവണമെന്നാണ് ആഗ്രഹമെന്നും സാന്റോസ് പറഞ്ഞു.
പുതുമുഖങ്ങള് ടീമില്
കഴിഞ്ഞ ലോകകപ്പില് പ്രതീക്ഷയ്ക്കൊത്ത പ്രകടനം നടത്താന് പോര്ച്ചുഗലിനായിരുന്നില്ല. ലോകകപ്പ് ടീമിലുണ്ടായിരുന്ന പലരെയും ഒഴിവാക്കിയാണ് സാന്റോസ് ഇറ്റലിക്കെതിരായ മല്സരത്തിനുള്ള ടീമിനെ പ്രഖ്യാപിച്ചത്.
ഗെഡ്സണ് ഫെര്ണാണ്ടസ്, സെര്ജിയോ ഒലിവേറ, ക്ലോഡിയോ റാമോസ്, പെഡ്രോ മെന്ഡസ് എന്നീ പുതുമുഖങ്ങളെ സാന്റോസ് ടീമിലുള്പ്പെടുത്തിയിട്ടുണ്ട്.
പുരസ്കാരം അര്ഹിച്ചത് റൊണാള്ഡോ
യുവേഫയുടെ പ്ലെയര് ഓഫ് ദി ഇയര് പുരസ്കാരം റൊണാള്ഡോയ്ക്കു നല്കാതിരുന്ന തീരുമാനത്തെ സാന്റോസ് വിമര്ശിച്ചു. റൊണാള്ഡോയുടെ മുന് ടീംമംഗം കൂടിയായ റയല് മാഡ്രിഡിന്റെ ക്രൊയേഷ്യന് മിഡ്ഫീല്ഡര് ലൂക്കാ മോഡ്രിച്ചിനായിരുന്നു പുരസ്കാരം.
ജേതാവ് ആവേണ്ടിയിരുന്നത് റൊണാള്ഡോ ആയിരുന്നുവെന്ന കാര്യത്തില് ഒരു സംശയവുമില്ല. അദ്ദേഹത്തെ തഴഞ്ഞത് ശരിയായില്ല. യുവേഫയുടെ ഭാഗത്തു നിന്നുണ്ടായത് അനീതിയാണെന്നും സാന്റോസ് കുറ്റപ്പെടുത്തി.
Continue with Google