ബ്ലാസ്റ്റേഴ്സിലെത്തിയത് 2016ല്
2016ലാണ് ബെംഗളൂരുവില് നിന്നും താരം വായ്പയില് ബ്ലാസ്റ്റേഴ്സിലെത്തുന്നത്. സീസണില് മഞ്ഞപ്പട ഫൈനലിലെത്തിയപ്പോള് റിനോ ടീമിലുണ്ടായിരുന്നു. 2017 ജൂലൈ 23നാണ് റിനോയെ ബ്ലാസ്റ്റേഴ്സ് ഔദ്യോഗികമായി തങ്ങളുടെ ടീമിലെത്തിച്ചത്. റിനോയെ സംബന്ധിച്ചിടത്തോളെ ബ്ലാസ്റ്റേഴ്സിനൊപ്പമുള്ള ഈ സീസണ് അത്ര മികച്ചതായിരുന്നില്ല. സെമിയിലേക്കു പോലും യോഗ്യത നേടാനാവാതെയാണ് മഞ്ഞപ്പട പുറത്തായത്. ഇടയ്ക്കു പരിക്കേറ്റതിനെ തുടര്ന്നു റിനോയ്ക്കു ചില മല്സരങ്ങള് നഷ്ടമാവുകയും ചെയ്തിരുന്നു.
എടിക്കെയ്ക്കു വേണ്ടി ബൂട്ടണിഞ്ഞു
2015ല് ബെംഗളൂരുവില് നിന്നും വായ്പയില് താരം എടിക്കെയ്ക്കു വേണ്ടി കളിച്ചിരുന്നു. സീസണില് കൊല്ക്കത്ത സെമി ഫൈനലില് തോറ്റു പുറത്താവുകയായിരുന്നു. തുടര്ന്നാണ് താരം ബ്ലാസ്റ്റേഴ്സിലേക്കു ചേക്കേറിയത്. വിനീതിനെപ്പോലെ തന്നെ ബ്ലാസ്റ്റേഴ്സ് ആരാധകര്ക്കു ഏറെ പ്രിയപ്പെട്ട താരം കൂടിയായി രണ്ടു സീസണ് കൊണ്ടു റിനോ മാറുകയും ചെയ്തു. സ്ഥിരം കരാറില് അല്ല മറിച്ച മൂന്നു മാസത്തെ വായ്പയിലാണ് ഇത്തവണ റിനോയെ തിരിച്ചുകൊണ്ടുവരാന് ബെംഗളൂരു ശ്രമിക്കുന്നത് എന്നാണ് വിവരം.
സൂപ്പര് കപ്പില് കളിക്കും
ബെംഗളൂരുവുമായി കരാറിലെത്തിയാലും വരാനിരിക്കുന്ന ഇന്ത്യന് സൂപ്പര് കപ്പില് റിനോ ബ്ലാസ്റ്റേഴ്സ് നിരയിലുണ്ടാവും. ട്രാന്സ്ഫര് വിപണി വീണ്ടും തുറന്നതിനു ശേഷം മാത്രമേ താരത്തിന്റെ ബെംഗളൂരുവിന്റെ ഭാഗമാവാന് സാധിക്കുകയുള്ളൂ. ഈ സീസണില് ബ്ലാസ്റ്റേഴ്സ് കളിച്ച 18 മല്സരങ്ങളില് 13 എണ്ണത്തിലാണ് റിനോയ്ക്ക് കളിക്കാനായത്. എന്നാല് അവസരം ലഭിച്ചപ്പോഴെല്ലാം താരം ശരിക്കും കസറിയിരുന്നു. റൈറ്റ് ബാക്ക് കൂടിയായ റിനോയ്ക്ക് പാസിങില് 70 ശതമാനത്തിലേറെ കൃത്യത നിലനിര്ത്താന് കഴിഞ്ഞിരുന്നു. 2013ലാണ് റിനോ ബെംഗളൂരുവിലെത്തുന്നത്. 57 മല്സരങ്ങളില് അവരുടെ ജഴ്സിയണിഞ്ഞ താരം ഒരു ഗോളും നേടി.