Click it and Unblock the Notifications
ഗൊലോവിന് v/s അല് ബുറെയ്ക്ക്
ലോകകപ്പില് റഷ്യയുടെ മിന്നും താരമായി മാറുമെന്ന് നേരത്തേ വിലയിരുത്തപ്പെട്ട അലെക്സാണ്ടര് ഗൊലോവിന് പ്രതീക്ഷകള് തെറ്റിച്ചില്ല. സൗദിക്കെതിരേ റഷ്യന് നിരയില് ഏറ്റവും മികച്ച പ്രകടനങ്ങളിലൊന്നു പുറത്തെടുത്തത് ഗൊലോവിനായിരുന്നു. രണ്ടു ഗോളുകള്ക്കു വഴിയൊരുക്കിയ താരം മനോഹരമായ ഫ്രീകിക്കീലൂടെ ഒരു ഗോള് നേടുകയും ചെയ്തു.
ഗൊലോവിനെ മാര്ക്ക് ചെയ്യാനുള്ള ചുമതല സൗദി ഡിഫന്ഡര് അല് ബുറെയ്ക്കിനായിരുന്നു. പക്ഷെ 22 കാരനായ ഗൊലോവിനെ വലയിലാക്കാന് ബുറെയ്ക്കാനായില്ല. ഇരുവിങുകളിലൂടെയും പറന്നുകയറി സൗദി പ്രതിരോധത്തെ ഗൊലോവിന് കീറി മുറിച്ചപ്പോള് ബുറെയ്ക്ക് നിസ്സഹായനായിരുന്നു.
ചെറിഷേവ് v/s ഹവാസാവി
ഗൊലോവിനെക്കൂടാതെ മല്സരത്തില് റഷ്യയുടെ മറ്റൊരു ഹീറോ ഡെനിസ് ചെറിഷേവായിരുന്നു. ഇരട്ടഗോളുകളുമായി കസറിയ ചെറിഷേവ് തന്നെയാണ് മാന് ഓഫ് ദി മാച്ച് പുരസ്കാരം കൈക്കലാക്കിയത്. 24ാം മിനിറ്റില് സെഗോയേവ് പരിക്കേറ്റ് പുറത്തുപോയതിനെ തുടര്ന്നു പകരക്കാരനായാണ് ചെറിഷേവ് കളത്തിലിറങ്ങിയത്. അതിമനോഹരമായ രണ്ടു ഗോളുകളിലൂടെ താരം ടീമിന്റെ വിജയശില്പ്പിയായി മാറുകയും ചെയ്തു.
സൗദി ക്യാപ്റ്റന് ഹസാവാവി ദയനീയ പ്രകടനമാണ് നടത്തിയത്. ചെറിഷേവിനൊപ്പം പലപ്പോഴും ഓടിയെത്താന് പോലും അദ്ദേഹത്തിനായില്ല. ഹവാസാവി കുറേക്കൂടി മികച്ച പോരാട്ടം പുറത്തെടുത്തിരുന്നെങ്കില് ചെറിഷേവിനെ തടഞ്ഞുനിര്ത്താന് സൗദിക്കാവുമായിരുന്നു.
സോബ്നിന് v/s ഒത്തെയ്ഫ്
റഷ്യയുടെ ഡിഫന്സീവ് മിഡ്ഫീല്ഡര് സോബ്നിന് ആയിരുന്നെങ്കില് സൗദിയുടേത് ഒത്തെയ്ഫായിരുന്നു. കളി ജയിക്കുന്നത് മധ്യനിരയിലാണെന്ന് റഷ്യ ഈ മല്സരത്തില് സൗദിക്കു കാണിച്ചുകൊടുക്കുകയായിരുന്നു.
സൗദിയുടെ മുന്നേറ്റങ്ങളുടെ മൂര്ച്ചയൊടിച്ച സോബ്നിന് ഇടയ്ക്ക് മുന്നോട്ട് കയറികക്കളിച്ചും മധ്യനിരയില് നിറഞ്ഞുനിന്നു. ചെറിഷേവ് നേടിയ റഷ്യയുടെ രണ്ടാം ഗോളിന് വഴിയൊരുക്കാനും സോബ്നിന് സാധിച്ചു. മറുഭാഗത്ത് റഷ്യയുടെ തിരമാല കണക്കെയുള്ള ആക്രമണങ്ങള്ക്കു മുന്നില് ഒത്തെയ്ഫ് പലപ്പോഴും പകച്ചുനില്ക്കുന്നതാണ് കണ്ടത്.
Continue with Google