ലണ്ടന്/ മാഡ്രിഡ്: ഇംഗ്ലീഷ് പ്രീമിയര് ലീഗ് ഫുട്ബോളില് ആഴ്സനല് ത്രസിപ്പിക്കുന്ന വിജയം സ്വന്തമാക്കിയപ്പോള് ചെല്സിക്കു സമനിലക്കുരുക്ക്. അഞ്ചു ഗോളുകള് പിറന്ന പോരാട്ടത്തില് രണ്ടിനെതിരേ മൂന്നു ഗോളുകള്ക്കു സതാംപ്റ്റനെയാണ് ഹോം മാച്ചില് ഗണ്ണേഴ്സ് 3-2നു മറികടന്നത്. ഇരട്ടഗോള് നേടിയ ഡാനി വെല്ബെക്കാണ് ആഴ്സനല് ഹീറോ. മറ്റൊരു ഗോള് പിയറെ എമെറികോ ഓബമെയാങിന്റെ വകയായിരുന്നുന്നു 0-1നു പിന്നിട്ടുനിന്ന ശേഷം ആഴ്സനല് 2-1ന് മുന്നില് കടന്നെങ്കിലും ഗോള് മടക്കി സതാംപ്റ്റന് 2-2ന് ഒപ്പമെത്തിയിരുന്നു. 73ാം മിനിറ്റിലായിരുന്നു സതാംപ്റ്റന്റെ സമനില ഗോള്. എന്നാല് ഫൈനല് വിസിലിന് ഒമ്പത് മിനിറ്റ് ബാക്കിയുള്ളപ്പോള് ഗണ്ണേഴ്സ് വിജയഗോള് കണ്ടെത്തുകയായിരുന്നു. വെസ്റ്റ്ഹാമാണ് ചെല്സിയെ 1-1നു തളച്ചത്.
കോമണ്വെല്ത്ത് സ്വര്ണം; ചരിത്ര വിജയവുമായി ഇന്ത്യന് വനിതാ ടേബിള് ടെന്നീസ് ടീം
സെഞ്ച്വറികള് നേടുന്നത് എങ്ങിനെ?; വിരാട് കോലിയുടെ വെളിപ്പെടുത്തല്
സ്പാനിഷ് ലീഗില് നഗരവൈരികള് തമ്മിലുള്ള പോരാട്ടത്തില് റയല് മാഡ്രിഡിനെ അത്ലറ്റികോ മാഡ്രിഡ് 1-1നു പിടിച്ചുനിര്ത്തി. സൂപ്പര് താരം ക്രിസ്റ്റ്യാനോ റൊണാള്ഡോ 53ാം മിനിറ്റില് റയലിനെ മുന്നിലെത്തിച്ചെങ്കിലും നാലു മിനിറ്റിനുള്ളില് അന്റോണിയോ ഗ്രീസ്മാനിലൂടെ അത്ലറ്റികോ സമനില പിടിച്ചുവാങ്ങുകയായിരുന്നു.
ഇറ്റാലിയന് ലീഗില് നാപ്പോളി ജയിച്ചുകയറിയപ്പോള് എസി മിലാന് സമനിലയും ഇന്റര്മിലാന് തോല്വിയും നേരിട്ടു. ഒന്നിനെതിരേ രണ്ടുഗോളുകള്ക്കു ചീവോയെയാണ് നാപ്പോളി തോല്പ്പിച്ചത്. 0-1ന്റെ തോല്വിക്കരികില് നില്ക്കനെ അവസാന രണ്ടു മിനിറ്റിനിടെ രണ്ടു ഗോളുകള് നേടിയാണ് നാപ്പോളി ത്രസിപ്പിക്കുന്ന ജയം സ്വന്തമാക്കിയത്. സസുവോലോയുമായാണ് മിലാന് 1-1ന്റെ സമനില വഴങ്ങിയതെങ്കില് ഇന്ററിനെ ടൊറിനോ 0-1ന് വീഴ്ത്തുകയായിരുന്നു. ജര്മന് ലീഗില് ബൊറൂസ്യ ഡോട്മുണ്ട് 3-0നു സ്റ്റുട്ട്ഗര്ട്ടിനെ തകര്ത്തുവിട്ടു.