Click it and Unblock the Notifications
മെസ്സി ഇനി കളിക്കില്ലേ?
കൊളംബിയ, ഗ്വാട്ടിമാല എന്നിവര്ക്കെതിരായ സൗഹൃദ മല്സരങ്ങള്ക്കുള്ള ടീമിനെയാണ് സ്കലോനിയും അയ്മറും പ്രഖ്യാപിച്ചത്. മെസ്സി ടീമില് ഉള്പ്പെടാതിരുന്നതോട ആരാധകരുടെ ആശങ്ക വര്ധിച്ചിരിക്കുകയാണ്. ഇനിയൊരിക്കലും മെസ്സിയെ ദേശീയ ടീമിന്റെ ജഴ്സിയില് കാണാനാവില്ലേയെന്നതാണ് അവരെ ഭയപ്പെടുത്തുന്നത്.
നേരത്തേ 2016ലെ കോപ്പ അമേരിക്കയുടെ ഫൈനലില് പരാജയപ്പെട്ട ശേഷം ലോകത്തെ ഞെട്ടിച്ച് മെസ്സി വിരമിക്കല് പ്രഖ്യാപിച്ചിരുന്നു. എന്നാല് പിന്നീട് അദ്ദേഹം തീരുമാനം പിന്വലിച്ച് മല്സരരംഗത്തേക്കു മടങ്ങിയെത്തുകയായിരുന്നു.
മെസ്സിയുമായി സംസാരിച്ചു
സൗഹൃദ മല്സരങ്ങള്ക്കുള്ള ടീമില് നിന്നും മെസ്സിയെ ഏകപക്ഷീയമായി ഒഴിവാക്കിയതല്ലെന്നു സ്കലോനി പറയുന്നു. ടീമിനെ തിരഞ്ഞെടുക്കുന്നതിനു മുമ്പ് മെസ്സിയുമായി സംസാരിച്ചിരുന്നതായും അദ്ദേഹം വ്യക്തമാക്കി.
എന്നാല് ഇനി അര്ജന്റീനയ്ക്കു വേണ്ടി കളിക്കുമോയെന്നതിനെക്കുറിച്ച് മെസ്സി ഒന്നും പറഞ്ഞിട്ടില്ലെന്നും അതേക്കുറിച്ച് ആരാധകരുടേത് പോലെ തന്നെ തങ്ങള്ക്കും ആശങ്കയുണ്ടെന്നും സ്കലോനി കൂട്ടിച്ചേര്ത്തു.
മെസ്സിയുമായി അടുത്ത സൗഹൃദം
മെസ്സിയുമായി വളരെ അടുത്ത സൗഹൃദമാണ് തനിക്കുള്ളതെന്നു സ്കലോനി പറഞ്ഞു. ഇപ്പോള് അദ്ദേഹം ടീമില് ഇല്ലെന്നത് സത്യമാണ്. എന്നാല് ഭാവിയില് അദ്ദേഹം തിരിച്ചുവരില്ലെന്നു പറയാനാവില്ല. ഇതേക്കുറിച്ച് വ്യക്തത വരാന് കാത്തിരിക്കണമെന്നും കോച്ച് വിശദമാക്കി.
മെസ്സിയെപ്പോലൊരു താരം ടീമില് ഇല്ലെങ്കില് ലോകത്തിലെ ഒരു കോച്ചിനും സന്തോഷമുണ്ടാവില്ലെന്നും സ്കലോനി പറഞ്ഞു.
മെസ്സി മാത്രമല്ല, പല സീനിയര് താരങ്ങളുമില്ല
മെസ്സിയെക്കൂടാതെ ലോകകപ്പില് കളിച്ച പല സീനിയര് താരങ്ങളുമില്ലാതെയാണ് പുതിയ അര്ജന്റൈന് ടീമിനെ പ്രഖ്യാപിച്ചത്. മുന് കോച്ച് സാംപോളി ലോകകപ്പ് ടീമില് നിന്നും തഴഞ്ഞ ഇന്റര്മിലാന് സ്ട്രൈക്കര് മൗറോ ഇക്കാര്ഡിയെ പുതിയ പരിശീലകര് തിരിച്ചുവിളിച്ചിട്ടുണ്ട്.
കൂടാതെ യുവ താരങ്ങളായ ലൊറ്റാറോ മാര്ട്ടിനസ്, ജിയോവാനി സിമിയോണി എന്നിവരെയും ഉള്പ്പെടുത്തിയാണ് സ്കലോനിയും അയ്മറും ടീമിനെ തിരഞ്ഞെടുത്തത്.
Continue with Google