Click it and Unblock the Notifications
കരാര്‍ നീട്ടാന്‍ കഴിയില്ലായിരുന്നു
ഇന്ത്യക്കു കുംബ്ലെയേക്കാള്‍ മികച്ചൊരു കോച്ചിനെ ലഭിക്കില്ലെന്നു റായ് ചൂണ്ടിക്കാട്ടി. അദ്ദേഹത്തിന്റെ കരാറില്‍ അത് ദീര്‍ഘിപ്പിക്കാമെന്ന ഉപാധി ഇല്ലായിരുന്നു. ഉണ്ടായിരുന്നെങ്കില്‍ കരാര്‍ താന്‍ നീട്ടുമായിരുന്നു.
താന്‍ ഏറെ ബഹുമാനിക്കുന്ന, ഇഷ്ടപ്പെടുന്ന വ്യക്തിയാണ് കുംബ്ലെ. പക്ഷെ കരാര്‍ നീട്ടാമെന്ന ഉപാധി ഇല്ലാത്തതിനാല്‍ തനിക്കു ഇതില്‍ തീരുമാനമെടുക്കാനും സാധിച്ചില്ലെന്നും റായ് വിശദമാക്കി.
സച്ചിനുമായി സംസാരിച്ചു
2017ലെ ഐസിസി ചാംപ്യന്‍സ് ട്രോഫിക്കിടെയാണ് കുംബ്ലെ- കോലി തര്‍ക്കത്തെക്കുറിച്ചുള്ള റിപ്പോര്‍ട്ടുകള്‍ ആദ്യമായി പുറത്തുവന്നത്. സച്ചിന്‍ ടെണ്ടുല്‍ക്കര്‍, സൗരവ് ഗാംഗുലി, വിവിഎസ് ലക്ഷ്മണ്‍ എന്നിവരുള്‍പ്പെട്ട ഉപദേശക സമിതിയാണ് അന്നു കോച്ചിനെ തിരഞ്ഞെടുത്തിരുന്നത്. കോലിയും കുംബ്ലെയും തമ്മിലുള്ള തര്‍ക്കത്തെക്കുറിച്ച അറിഞ്ഞ ശേഷം ഈ വിഷയത്തില്‍ ഇടപടെണമെന്ന് ഉപദേശക സമിതിയോട് ആവശ്യപ്പെട്ടിരുന്നതായി റായ് വ്യക്തമാക്കി.
കോലിയെ അന്നു താന്‍ ഫോണില്‍ വിളിച്ച് സംസാരിച്ചിരുന്നു. കോലിയുമായി അന്ന് അത്ര അടുപ്പമില്ലായിരുന്നു. കോലിയും കുംബ്ലെയും തമ്മിലുള്ള തര്‍ക്കത്തെക്കുറിച്ച് സച്ചിനോടും സംസാരിച്ചിരുന്നു. കുംബ്ലെ തുടരുന്നത് അംഗീകരിക്കാന്‍ കോലിക്കു താല്‍പ്പര്യമില്ലായിരുന്നു. അതുകൊണ്ടു തന്നെ നിങ്ങള്‍ അദ്ദേഹത്തോടു സംസാരിക്കണമെന്നും ആവശ്യപ്പെട്ടതായി റായ് കൂട്ടിച്ചേര്‍ത്തു.
ഇപ്പോഴാണ് സംഭവിച്ചതെങ്കില്‍...
കോലിയും കുംബ്ലെയും തമ്മില്‍ ഇപ്പോഴാണ് ഇത്തരത്തിലൊരു തര്‍ക്കം ഉണ്ടായിരുന്നതെങ്കില്‍ പുതിയ ബിസിസിഐ പ്രസിഡന്റായ ഗാംഗുലി കുംബ്ലെയെ വിശ്വസിക്കുമായിരുന്നെന്നും കോലിയുടെ കഴുത്തിന് പിടിക്കുമായിരുന്നുവെന്നും റായ് ചൂണ്ടിക്കാട്ടി.
കുംബ്ലെയെ ഗാംഗുലി പിന്തുണച്ചാലും പ്രശ്‌നങ്ങള്‍ കൂടുതല്‍ വഷളാവുമായിരുന്നു. അന്നു കോച്ച് സ്ഥാനം സ്വയം രാജിവച്ച് പിന്‍മാറിയ കുംബ്ലെയുടെ തീരുമാനത്തെ താന്‍ അംഗീകരിക്കുന്നതായും റായ് വ്യക്തമാക്കി.
