Click it and Unblock the Notifications
17 തുടര് ജയങ്ങള്
17 ടി20കളിലാണ് തായ്ലാന്ഡിന്റെ പെണ്പട തോല്വിയറിയാതെ കുതിച്ചത്. ലോക ക്രിക്കറ്റിലെ രാജാക്കന്മാരായ ഓസ്ട്രേലിയയുടെ പേരിലുണ്ടായിരുന്ന 16 ജയങ്ങളെന്ന ലോക റെക്കോര്ഡാണ് ഇതോടെ പഴങ്കഥയായത്.
2018 ജൂലൈയിലാണ് ടി20യില് തായ്ലാന്ഡ് വനിതാ ടീമിന്റെ പടയോട്ടം തുടങ്ങിയത്. പിന്നീട് ആര്ക്കും അവര്ക്കു കടിഞ്ഞാണിടാനായിട്ടില്ല. റെക്കോര്ഡിലേക്കുള്ള കുതിപ്പില് തായ്ലാന്ഡ് കൂടുതല് തവണ തോല്പ്പിച്ചത് യുഎഇയെയാണ് (മൂന്നു തവണ).
നേട്ടം ഹോളണ്ടിനെതിരേ
ഹോളണ്ടിനെതിരേ നടന്ന കഴിഞ്ഞ മല്സരത്തില് ജയിച്ചതോടെയാണ് തായ്ലാന്ഡും ചരിത്രത്തിന്റെ ഭാഗമായത്. ആദ്യം ബാറ്റ് ചെയ്ത ഡച്ചുകാരെ വെറും 54 റണ്സില് എറിഞ്ഞിട്ട തായ്ലാന്ഡ് എട്ടോവറില് ലക്ഷ്യം മറികടക്കുകയായിരുന്നു.
ഓസീസിന്റെ റെക്കോര്ഡ്
2014 മാര്ച്ച് മുതല് 2015 ആഗസ്റ്റ് വരെയാണ് തുടരെ 16 ടി20 മല്സരങ്ങള് ജയിച്ച് ഓസ്ട്രേലിയയുടെ വനിതാ ടീം ലോക റെക്കോര്ഡ് കുറിച്ചത്. ഇതാണ് ക്രിക്കറ്റില് സ്വന്തമായി ഒന്നും അവകാശപ്പെടാനില്ലാത്ത തായ്ലാന്ഡ് പഴങ്കഥയാക്കിയിരിക്കുന്നത്.
10ല് കൂടുതല് ടി20കളില് തുടര്ച്ചയായി ജയങ്ങള് കൊയ്ത മറ്റു ടീമുകള് ഇംഗ്ലണ്ട് (14), സിംബാബ്വെ (14), ന്യൂസിലാന്ഡ് (12) എന്നിവരാണ്.
Continue with Google