Click it and Unblock the Notifications
സ്റ്റുവര്ട്ട് ബിന്നി (2015 ലോകകപ്പ്)
പുതിയ ബിസിസിഐ പ്രസിഡന്റും മുന് ഇന്ത്യന് താരവുമായ റോബര് ബിന്നിയുടെ മകന് സ്റ്റുവര്ട്ട് ബിന്നിയാണ് നിര്ഭാഗ്യവാന്മാരായ കളിക്കാരുടെ ലിസ്റ്റിലെ ഒരാള്. പിതാവിനെപ്പോലെ ജൂനിയര് ബിന്നിയും ഓള്റൗണ്ടര് തന്നെയായിരുന്നു. 2015ലെ ഏകദിന ലോകകപ്പിനുള്ള ഇന്ത്യന് സംഘത്തില് താരം ഉള്പ്പെട്ടിരുന്നു.
ഓസീസിനെതിരേ കളിച്ചു
ഓസ്ട്രേലിയക്കെതിരായ ആദ്യ സന്നാഹത്തില് ബിന്നി ഇന്ത്യന് ഇലവനിലുണ്ടായിരുന്നു. പക്ഷെ ഈ മല്സരത്തില് ഇന്ത്യ വന് പരാജയം ഏറ്റുവാങ്ങി. ഓസീസിനായി ഡേവിഡ് വാര്ണറും ഗ്ലെന് മാക്സ്വെല്ലും സെഞ്ച്വറി നേടിയിരുന്നു. മല്സരത്തില് ആറോവറുകളാണ് ബിന്നി ബൗള് ചെയ്തത്. 41 റണ്സ് വിട്ടുകൊടുത്ത അദ്ദേഹം ഒരു വിക്കറ്റും നേടി. പക്ഷെ ലോകകപ്പിലെ ഒരു മല്സരത്തില്പ്പോലും ബിന്നിയെ ഇന്ത്യ കളിപ്പിച്ചില്ല.
അമ്പാട്ടി റായുഡു (2015 ലോകകപ്പ്)
2015ലെ ഏകദിന ലോകകപ്പില് തന്നെ ഇന്ത്യന് ടീമിലുണ്ടായിരുന്ന മറ്റൊരു താരമാണ് സ്റ്റാര് ബാറ്റര് അമ്പാട്ടി റായുഡു. പക്ഷെ സ്റ്റുവര്ട്ട് ബിന്നിയെപ്പോലെ സന്നാഹത്തില് മാത്രം കളിച്ച് അദ്ദേഹത്തിനു തൃപ്തിപ്പെടേണ്ടി വരികയായിരുന്നു. ഓസ്ട്രേലിയക്കെതിരായ സന്നാഹത്തിലാണ് റായുഡു പ്ലെയിങ് ഇലവനിലുണ്ടായിരുന്നത്. മല്സരത്തില് 42 ബോളില് നിന്നും 53 റണ്സുമായി താരം തിളങ്ങുകയും ചെയ്തു. നാലു വീതം ബൗണ്ടറികളും സിക്സറുമടക്കമായിരുന്നു ഇത്.
ധോണി തഴഞ്ഞു
എന്നിട്ടും അന്നത്തെ ക്യാപ്റ്റന് എംഎസ് ധോണി ലോകകപ്പില് ഒരു മല്സത്തില്പ്പോലും അവസരം നല്കാതെ റായുഡുവിനെ പുറത്തിരുത്തുകയായിരുന്നു. 2019ലെ അവസാനത്തെ ലോകകപ്പ് ടീമില് അദ്ദേഹത്തിനു ഇടം ലഭിച്ചിരുന്നില്ല. ഇതു ഏറെ വിവാദങ്ങള്ക്കു വഴിയൊരുക്കുകയും ചെയ്തിരുന്നു.
Also Read: T20 World Cup 2022: ടൂര്ണമെന്റോടെ ഇവര് ടി20 മതിയാക്കും! ഇന്ത്യയുടെ സൂപ്പര് താരങ്ങള്
പവന് നേഗി (2016, ടി20 ലോകകപ്പ്)
2016ലെ ടി20 ലോകകപ്പില് ഇന്ത്യന് ടീമിന്റെ ഭാഗമായിരുന്ന താരമാണ് ഓള്റൗണ്ടര് പവന് നേഗി. ടൂര്ണമെന്റിനു മുന്നോടിയായി രണ്ടു സന്നാഹ മല്സരങ്ങളായിരുന്നു എംഎസ് ധോണിക്കു കീഴില് ഇന്ത്യ കളിച്ചത്. വെസ്റ്റ് ഇന്ഡീസ്, സൗത്താഫ്രിക്ക എന്നിവര്ക്കെതിരേയായിരുന്നു ഇത്.
്രണ്ടു മല്സരങ്ങളിലും നേഗിയെ ഇന്ത്യ പരീക്ഷിച്ചിരുന്നു. വിന്ഡീസിനെതിരേ 15 റണ്സിനു രണ്ടു വിക്കറ്റുകളെടുത്ത് താരം ശ്രദ്ധേയമായ പ്രകടനം കാഴ്ചവയ്ക്കുകയും ചെയ്തു. പക്ഷെ ലോകകപ്പില് ഒരു മല്സരത്തില്പ്പോലും നേഗി ഇന്ത്യന് ഇലവനില് ഉള്പ്പെട്ടില്ല.
Continue with Google