Click it and Unblock the Notifications
ഇപ്പോഴിതാ ടി20 ലോകകപ്പിലെ ടീം ഘടനയെക്കുറിച്ച് സംസാരിച്ചിരിക്കുകയാണ് മുന് ഇന്ത്യന് പരിശീലകന് രവി ശാസ്ത്രി. ഇന്ത്യക്ക് ധോണിയുടെ പകരക്കാരനെയാണ്് ആവിശ്യമെന്നും നിലവില് ആ ദൗത്യം ചെയ്യാന് ദിനേഷ് കാര്ത്തികിന് മികവുണ്ടെന്നുമാണ് രവി ശാസ്ത്രി പറഞ്ഞത്. 'ടീമിന്റെ നിലവിലെ സ്ഥിതി നോക്കുക. ടീമിനാവശ്യം ടോപ് ഓഡറില് ബാറ്റ് ചെയ്യുന്ന കീപ്പറെയാണോ അതോ മധ്യനിരയില് ബാറ്റ് ചെയ്യുന്ന കീപ്പറെയാണോ?. ഞാന് ഇതില് രണ്ടാമത്തേതാണ് തിരഞ്ഞെടുക്കുന്നത്.
'പ്രായം ഒരു പ്രശ്നമാണോ?', അല്ലെന്ന് ഇവര് തെളിയിച്ചു, കായിക ലോകത്തെ ഞെട്ടിച്ച അഞ്ച് പേര്
മറ്റൊരു തരത്തില് പറഞ്ഞാല് എംഎസ് ധോണി ചെയ്തിരുന്ന ഉത്തരവാദിത്തം ഏറ്റെടുക്കാന് കഴിവുള്ള താരത്തെയാണ് ആവിശ്യം. ഇന്ത്യക്ക് വിക്കറ്റ് കീപ്പറായി റിഷഭ് പന്തുണ്ട്. ടി20യില് നാലാം നമ്പറിലോ അഞ്ചാം നമ്പറിലോ അവന് ബാറ്റ് ചെയ്യാനാവും. എന്നാല് മത്സരം ഫിനിഷ് ചെയ്യാനൊരു താരത്തെയാണ് ഇന്ത്യക്ക് വേണ്ടത്. ധോണി വിരമിച്ച ശേഷം ഇന്ത്യന് ടീമില് ഇൗ റോളിലേക്ക് അധികം താരങ്ങള് വന്നിട്ടില്ല. അതുകൊണ്ട് തന്നെ ദിനേഷ് കാര്ത്തിക് ഇന്ത്യന് ടീമിലേക്ക് വരാനുള്ള സാധ്യത കൂടുതലാണെന്നാണ് കരുതുന്നത്'-രവി ശാസ്ത്രി പറഞ്ഞു.
ഇത്തവണത്തെ ഐപിഎല്ലില് ഗംഭീര പ്രകടനമാണ് കാര്ത്തിക് കാഴ്ചവെച്ചത്. ആര്സിബിയുടെ ഫിനിഷര് റോളില് കാര്ത്തിക് തിളങ്ങി. ഇതോടെ ദക്ഷിണാഫ്രിക്കന് പരമ്പരക്കുള്ള ഇന്ത്യയുടെ ടി20 ടീമിലേക്കും കാര്ത്തികിന് വിളിയെത്തി. 'നിലവിലെ സാഹചര്യത്തില് ദിനേഷ് കാര്ത്തിക് ദക്ഷിണാഫ്രിക്കന് പരമ്പരയില് തിളങ്ങണം. പരമ്പരയിലുടെനീളം അവന് അവസരം ലഭിക്കണം. അവന് ടീമിന്റെ പ്രധാനപ്പെട്ട ഘടകമാണെന്ന് ഓര്ക്കണം'-ശാസ്ത്രി കൂട്ടിച്ചേര്ത്തു.
സച്ചിന്റെ സെഞ്ച്വറി തടഞ്ഞ പാര്ട്ട് ടൈം സ്പിന്നര്മാരെ അറിയാമോ?, അഞ്ച് പേരിതാ
ദക്ഷിണാഫ്രിക്കന് പരമ്പരയില് കാര്ത്തികിന് അവസരം ലഭിക്കാനാണ് സാധ്യത. നാലാം നമ്പറില് ഹര്ദിക് പാണ്ഡ്യയെ ബാറ്റിങ്ങിനയച്ചാല് ആറാം നമ്പറില് ഫിനിഷര് റോളില് കാര്ത്തിക് എത്തിയേക്കും. ഐപിഎല്ലിലെ ഫിനിഷിങ് മികവ് ഇന്ത്യക്കായി ആവര്ത്തിക്കാനായാല് കാര്ത്തിക് ഇന്ത്യയുടെ ടി20 ലോകകപ്പ് ടീമിനൊപ്പമുണ്ടാവുമെന്ന കാര്യം ഉറപ്പാണ്.
Continue with Google