Click it and Unblock the Notifications
പരിക്കിന്റെ ഇടവേളക്ക് മുമ്പുള്ള പ്രകടനം
പരിക്കിന്റെ ഇടവേളക്ക് മുമ്പുള്ള ഹര്ദിക് പാണ്ഡ്യയുടെ പ്രകടനം പരിശോധിച്ചാല് വിശ്വസ്തനെന്ന് വിളിക്കുക പ്രയാസം. മധ്യനിരയില് വമ്പനടികള് നടത്തുമെങ്കിലും ഹര്ദിക്ക് ടീമിന്റെ നട്ടെല്ലെന്ന നിലയിലേക്ക് വളര്ന്നിരുന്നില്ല. പരിക്കിനെത്തുടര്ന്ന് ഹര്ദിക് ഇടവേളയെടുക്കുന്നതിന് മുമ്പുള്ള പ്രകടനം വിലയിരുത്തിയാല് 54 ടി20 മത്സരത്തില് നിന്ന് 553 റണ്സാണ് അദ്ദേഹം നേടിയത്. ഒരു ഫിഫ്റ്റിപോലും താരം നേടിയത്. പുറത്താവാതെ 42 റണ്സാണ് ഉയര്ന്ന സ്കോര്. 20.48 ശരാശരിയും 146.29 സ്ട്രൈക്കറേറ്റും ഹര്ദിക്കിന്റെ പേരിലുണ്ടായിരുന്നു. 8.23 ഇക്കോണമിയില് 42 വിക്കറ്റും ഹര്ദിക് സ്വന്തമാക്കി. 38 റണ്സ് വഴങ്ങി നാല് വിക്കറ്റ് വീഴ്ത്തിയതാണ് മികച്ച ബൗളിങ് പ്രകടനം.
തിരിച്ചുവരവിന് ശേഷമുള്ള പ്രകടനം
പരിക്കിന്റെ ഇടവേളക്ക് ശേഷം തിരിച്ചെത്തിയ ഹര്ദിക് പാണ്ഡ്യ 19 മത്സരങ്ങളാണ് കളിച്ചത്. നേടിയത് 436 റണ്സ്. 36.33 ശരാശരിയിലും 151.38 സ്ട്രൈക്കറേറ്റിലും കസറിയ അദ്ദേഹം രണ്ട് ഫിഫ്റ്റിയും ഇക്കാലയളവില് സ്വന്തം പേരിലാക്കി. പുറത്താവാതെ 71 റണ്സ് നേടിയതാണ് മികച്ച സ്കോര്. രണ്ട് ഫിഫ്റ്റിയും ഹര്ദിക് സ്വന്തമാക്കി. 12 വിക്കറ്റുകള് വീഴ്ത്തിയ ഹര്ദിക്കിന്റെ ഇക്കോണമി 8.65 ആണ്. 33 റണ്സ് വഴങ്ങി നാല് വിക്കറ്റ് നേടിയതാണ് ബെസ്റ്റ് പ്രകടനം. ബൗളിങ് പ്രകടനം പരിക്കിന്റെ ഇടവേളക്ക് മുമ്പുള്ളതാണ് ബെസ്റ്റെങ്കില് ബാറ്റിങ്ങില് ഹര്ദിക് കസറുന്നത് പരിക്കിന് ശേഷമുള്ള മടങ്ങിവരവിലാണ്.
ഭാവി നായകനായിപ്പോലും പരിഗണന
ഇന്ത്യയുടെ ഭാവി നായകനായിപ്പോലും പരിഗണന ലഭിക്കുന്ന താരമാണ് ഹര്ദിക്. പരിക്കിന്റെ ഇടവേളക്ക് ശേഷം അവസാന ഐപിഎല്ലിലൂടെയാണ് ഹര്ദിക് തിരിച്ചുവരവ് നടത്തിയത്. മുംബൈ ഇന്ത്യന്സ് വിട്ട് ഗുജറാത്ത് ടൈറ്റന്സിന്റെ ക്യാപ്റ്റനായായിരുന്നു ഹര്ദിക്കിന്റെ മടങ്ങിവരവ്. കപ്പടിച്ചാണ് ഹര്ദിക് തിരിച്ചുവരവ് ആഘോഷിച്ചത്. ഓള്റൗണ്ട് മികവോടെയായിരുന്നു അദ്ദേഹത്തിന്റെ കിരീട നേട്ടം. ഇപ്പോള് ഇന്ത്യയുടെ ഭാവി നായകനായിപ്പോലും പരിഗണിക്കപ്പെടുന്ന താരമാണ് ഹര്ദിക്. അത്രത്തോളം പക്വത ഇപ്പോള് ഹര്ദിക്കിന് വന്നിട്ടുണ്ടെന്ന് പറയാം.
Also Read : T20 World Cup 2022: ഇന്ത്യക്കെതിരേ പാകിസ്താന്റെ പ്ലേയിങ് 11 എങ്ങനെ?, സാധ്യതാ 11 ഇതാ
മാച്ച് വിന്നറായ താരം
ഹര്ദിക്കിനെ ഇന്ത്യ മാച്ച് വിന്നറായാണ് പരിഗണിക്കുന്നത്. ഫിനിഷര് റോളില് ദിനേഷ് കാര്ത്തികിനൊപ്പം നില്ക്കാന് ഇന്ത്യ നിയോഗിക്കുക ഹര്ദിക്കിനെയാവും. ഒറ്റക്ക് മത്സരഫലത്തെ മാറ്റാന് അദ്ദേഹത്തിന് സാധിക്കും. ഏഷ്യാ കപ്പിലടക്കം ഹര്ദിക്കിന്റെ ഫിനിഷിങ് മികവ് എല്ലാവരും കണ്ടതാണ്. സന്നാഹ മത്സരങ്ങളില് കാര്യമായി തിളങ്ങാന് ഹര്ദിക്കിനായിട്ടില്ലെങ്കിലും ലോകകപ്പില് അദ്ദേഹത്തിന്റെ പ്രകടനത്തില് ഇന്ത്യ വലിയ പ്രതീക്ഷ വെക്കുന്നുണ്ട്.
Continue with Google