Click it and Unblock the Notifications
വീട്ടിലേക്കു മടങ്ങാന് കാരണം
കുടുംബത്തിനു വേണ്ടി നാട്ടിലേക്കു മടങ്ങണമെന്നത്് തന്റെ വ്യക്തിപരമായ തീരുമാനമായിരുന്നു. വീട്ടില് അടിയന്തരമായി ഇടപെടേണ്ട ചില പ്രശ്നങ്ങള് തനിക്കുണ്ടായിരുന്നു. സിഎസ്കെയും എന്റെ കുടുംബം തന്നെയാണ്. മഹി ഭായിയും എനിക്കു വളരെ പ്രധാനപ്പെട്ടയാളാണ്. സിഎസ്കെ വിട്ടത് വളരെ കടുപ്പമേറിയ തീരുമാനം തന്നെയായിരുന്നു.
സിഎസ്കെയും ഞാനും തമ്മില് ഒരു വിഷയവുമില്ല. ശക്തമായ ഒരു കാരണമില്ലാതെ ആരും തന്നെ 12.5 കോടി രൂപ വേണ്ടെന്നു വയ്ക്കില്ലെന്നും റെയ്ന വ്യക്തമാക്കി.
സിഎസ്കെയിലെ ഭാവി
ഇവിടെ ക്വാറന്റീനില് കഴിയുമ്പോളും ഞാന് പരിശീലനം നടത്തിക്കൊണ്ടിരിക്കുകയാണ്. ഈ സീസണില് വീണ്ടും ചെന്നൈ സൂപ്പര് കിങ്സിന്റെ ക്യാംപില് തന്നെ കാണാനുള്ള സാധ്യത പൂര്ണമായി തള്ളിക്കളയാനാവില്ലെന്നും റെയ്ന വ്യക്തമാക്കി.
അന്താരാഷ്ട്ര ക്രിക്കറ്റില് നിന്നും അടുത്തിടെ വിരമിച്ചെങ്കിലും ഞാന് ഇപ്പോഴും ചെറുപ്പമാണ്. സിഎസ്കെയ്ക്കു വേണ്ടി ഇനിയുമൊരു നാല്-അഞ്ച് വര്ഷം കൂടി കളിക്കണമെന്നാണ് ആഗ്രഹമെന്നും താരം കൂട്ടിച്ചേര്ത്തു.
കുടുംബത്തിനുണ്ടായ ദുരന്തം
പഠാന്കോട്ടില് അമ്മാവനും കുടുംബത്തിനുമുണ്ടായ ദുരന്തം ഭയാനകമാണ്. ഞങ്ങളുടെ കുടുംബത്തിലെ എല്ലാവരെയും ഇത് അലട്ടുന്നുണ്ട്. അതുകൊണ്ടു തന്നെ ഇവിടേക്കു മടങ്ങിവന്ന് അവരെ ശ്രദ്ധിക്കേണ്ടത് എന്റെ ഉത്തരവാദിത്വം കൂടിയാണ്.
പക്ഷെ മടങ്ങിയെത്തിയതു മുതല് ഞാന് ക്വാറന്റീനില് തന്നെയാണ്. അതുകൊണ്ടു തന്നെ രക്ഷിതാക്കളെയും പരിക്കേറ്റ് ഗുരുതരാവസ്ഥയില് കഴിയുന്ന അമ്മായിയെയും നേരില് കാണാന് കഴിഞ്ഞിട്ടുമില്ലെന്നും റെയ്ന പറഞ്ഞു.
സിഎസ്കെയിലെ കൂട്ട കൊവിഡ് ബാധ
ചെന്നൈ സൂപ്പര് കിങ്സില് രണ്ടു സഹതാരങ്ങളുള്പ്പെടെ 13 പേര്ക്ക് കൊവിഡ് സ്ഥിരീകരിച്ചത് വലിയ ഞെട്ടല് തന്നെയായിരുന്നു. വളരെ മാരകമായ അസുഖമാണിത്. ഒരുപാട് മുന്കരുതലുകള് സ്വീകരിച്ചിട്ടും സ്റ്റാഫുമാര്ക്കും രണ്ടു സഹതാരങ്ങള്ക്കും ഇത് പിടിപ്പെട്ടത് എത്രമാത്രം അപകടരമാണ് ഈ വൈറസ് എന്ന് മുന്നറിയിപ്പ് നല്കുന്നു. ഇത് ആര്ക്കും പിടിപെടാവുന്നതുമാണ്. എല്ലാവര്ക്കും എത്രയും വേഗത്തില് രോഗം ഭേദമാവട്ടെയെന്നു പ്രതീക്ഷിക്കുന്നതായും റെയ്ന കൂട്ടിച്ചേര്ത്തു.
Continue with Google