ടി20 ലോകകപ്പ്: സ്‌കോട്ട്‌ലാന്‍ഡും ഒമാനും കൂടി ടിക്കറ്റ്.. ക്വാട്ട പൂര്‍ത്തിയായി

Scotland, Oman qualify for T20 World Cup; 16 teams decided | Oneindia Malayalam

ദുബായ്: ഓസ്‌ട്രേലിയയില്‍ അടുത്ത വര്‍ഷം നടക്കാനിരിക്കുന്ന ഐസിസിയുടെ ടി20 ക്രിക്കറ്റ് ലോകകപ്പിലേക്കു രണ്ടു ടീമുകള്‍ക്കൂ കൂടി യോഗ്യത. സ്‌കോട്ട്‌ലാന്‍ഡ്, ഒമാന്‍ എന്നിവരാണ് യോഗ്യതാ ടൂര്‍ണമെന്റ് വഴി ഓസ്‌ട്രേലിയയിലേക്കു ടിക്കറ്റ് ബുക്ക് ചെയ്തത്. ഇതോടെ ലോകകപ്പിലെ ടീമുകളുടെ ക്വാട്ട പൂര്‍ത്തിയാവുകയും ചെയ്തു.

10 ഗോള്‍ ത്രില്ലറില്‍ ആഴ്‌സണലിനെ തകര്‍ത്ത് ലിവര്‍പൂള്‍; ചെല്‍സിയെ വീഴ്ത്തി യുണൈറ്റഡും

ആകെ 16 ടീമുകളാണ് ടി20 ലോകകപ്പില്‍ കിരീടത്തിനു വേണ്ടി മാറ്റുരയ്ക്കുക. ഇവരില്‍ 10 ടീമുകള്‍ നേരത്തേ തന്നെ നേരിട്ടു ടൂര്‍ണമെന്റിനു യോഗ്യത കൈക്കലാക്കിയിരുന്നു. ആറു ടീമുകളാണ് യോഗ്യതാ കടമ്പ കടന്ന് ലോകകപ്പ് വേദിയിലെത്തിയത്.

അവസാന രണ്ടു ടീമുകള്‍

അവസാന രണ്ടു ടീമുകള്‍

ലോകകപ്പിനു യോഗ്യത കൈക്കലാക്കിയ അവസാനത്തെ രണ്ടു ടീമുകള്‍ കൂടിയാണ് സ്‌കോട്ട്‌ലാന്‍ഡും ഒമാനും. ദുബായില്‍ നടക്കുന്ന ടി20 ലോകകപ്പ് യോഗ്യതാ ടൂര്‍ണമെന്റില്‍ നിന്ന് ഏറ്റവുമാദ്യം യോഗ്യത കരസ്ഥമാക്കിയത് പപ്പുവ ന്യൂ ഗ്വിനിയായിരുന്നു. തൊട്ടുപിന്നാലെ അയര്‍ലാന്‍ഡിനും യോഗ്യത ലഭിച്ചു. നെതര്‍ലാന്‍ഡ്, നമീബിയ എന്നിവരാണ് മൂന്നും നാലും ടീമുകളായി ലോകകപ്പിനു അര്‍ഹത നേടിയത്.

പ്രാഥമിക റൗണ്ടില്‍ എട്ടു ടീമുകള്‍

പ്രാഥമിക റൗണ്ടില്‍ എട്ടു ടീമുകള്‍

യോഗ്യതാ ടൂര്‍ണമെന്റിലൂടെ യോഗ്യത കരസ്ഥമാക്കിയ ആറു ടീമുകള്‍ ലോകകപ്പിന്റെ പ്രാഥമിക റൗണ്ടിലാണ് ഇനി മാറ്റുരയ്ക്കുക. ശ്രീലങ്ക, ബംഗ്ലാദേശ് എന്നിവര്‍ തന്നെ ഇവിടെയുണ്ട്.

പ്രാഥമിക റൗണ്ടിലെ എട്ടു ടീമുകൡലെ മികച്ച നാലു പേര്‍ ഇനി ലോകകപ്പിന്റെ സൂപ്പര്‍ 12 ഘട്ടത്തിലേക്കു യോഗ്യത നേടും. സൂപ്പര്‍ 12 ഘട്ടത്തിലാണ് ലോകകപ്പിലെ യഥാര്‍ഥ പോരാട്ടങ്ങള്‍ ആരംഭിക്കുക.

മികച്ച ജയം

യോഗ്യതാ ടൂര്‍ണമെന്റിലെ പ്ലേഓഫ് മൂന്നില്‍ യുഎഇയെ 90 റണ്‍സിനാണ് സ്‌കോട്ട്‌ലാന്‍ഡ് തകര്‍ത്തുവിട്ടത്. ആദ്യം ബാറ്റ് ചെയ്ത സ്‌കോട്ട്‌ലാന്‍ഡ് നിശ്ചിത 20 ഓവറില്‍ എട്ടിന് 198 റണ്‍സെന്ന വമ്പന്‍ സ്‌കോര്‍ പടുത്തുയര്‍ത്തി. മറുപടിയില്‍ യുഎഇ പൊരുതാന്‍ പോലുമാവാതെ കീഴടങ്ങി. 18.3 ഓവറില്‍ 108ന് യുഎഇ പുറത്താവുകയായിരുന്നു.

അതേസമയം, നാലാം പ്ലേഓഫില്‍ ഹോങ്കോങിനെയാണ് ഒമാന്‍ 12 റണ്‍സിന് മറികടന്നത്. ആദ്യം ബാറ്റ് വീശിയ ഒമാന്‍ ഏഴിന് 134 റണ്‍സ് നേടി. മറുപടിയില്‍ ഹോങ്കോങിനെ ഒമ്പതിന് 122ല്‍ പിടിച്ചുകെട്ടി ഒമാന്‍ ലോകകപ്പ് ബെര്‍ത്ത് ഉറപ്പിക്കുകയായിരുന്നു.

For Quick Alerts
ALLOW NOTIFICATIONS
For Daily Alerts

ക്രിക്കറ്റ് ഇഷ്ടമാണോ? എന്നാല്‍ അതു തെളിയിക്കൂ, മൈഖേല്‍ ഫാന്റസി ക്രിക്കറ്റ് കളിയ്ക്കൂ

Story first published: Thursday, October 31, 2019, 10:23 [IST]
Other articles published on Oct 31, 2019
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more