സഞ്ജുവിനെ കളിപ്പിച്ചത് എന്തിനാണ്? കഴിഞ്ഞ ഒരു വർഷമായി അവൻ ഫോമിലല്ല! വിമർശനുമായി മഞ്ജരേക്കർ

ഇംഗ്ലണ്ടിനെതിരെയുള്ള ഒന്നാം ടി20 മത്സരത്തിൽ മലയാളി താരം സഞ്ജു സാംസൺ വീണ്ടും നേരത്തെ പുറത്തായതിന് പിന്നാലെ കടുത്ത വിമർശനവുമായി മുൻ ഇന്ത്യൻ താരവും പ്രമുഖ കമന്റേറ്ററുമായ സഞ്ജയ് മഞ്ജരേക്കർ രംഗത്ത്. മികച്ച ഫോമിലുള്ള കൗമാര താരം വൈഭവ് സൂര്യവംശിയെ പുറത്തിരുത്തി സഞ്ജുവിനെ പ്ലേയിംഗ് ഇലവനിൽ ഉൾപ്പെടുത്തിയത് ടീമിന്റെ ബാലൻസ് തെറ്റിച്ചുവെന്നാണ് മഞ്ജരേക്കറുടെ വാദം. കഴിഞ്ഞ ഒരു വർഷമായി സഞ്ജു ടി20 ഫോർമാറ്റിൽ പൂർണ്ണ പരാജയമാണെന്നും താരം തുറന്നടിച്ചു.

സഞ്ജുവിനെ ആര്‍ക്കും വേണ്ട, സാലിയെ വിടാതെ കൊച്ചി; കെസിഎല്ലില്‍ നിന്ന് സഞ്ജു പുറത്തേക്ക്?
വാർത്താ മാധ്യമങ്ങളോട് സംസാരിക്കവെ സഞ്ജുവിനെ ടീമിൽ എടുത്ത മാനേജ്മെന്റ് തീരുമാനത്തെ മഞ്ജരേക്കർ രൂക്ഷമായ ഭാഷയിലാണ് വിമർശിച്ചത്: സഞ്ജയ് മഞ്ജരേക്കർ പറഞ്ഞത്: "സഞ്ജു സാംസണെ ഈ മത്സരത്തിൽ കളിപ്പിച്ചത് കൊണ്ട് എന്താണ് നേട്ടമുണ്ടായത്? കഴിഞ്ഞ ഒരു വർഷമായി അവൻ ഒട്ടും ഫോമിലല്ല, റൺസ് കണ്ടെത്താൻ പാടുപെടുകയാണ്. മികച്ച ഫോമിലുള്ള വൈഭവ് സൂര്യവംശിയെ ബെഞ്ചിലിരുത്തിയാണ് ഇന്ത്യ സഞ്ജുവിനെ ഓപ്പണറാക്കിയത്. എന്നിട്ട് ഇന്ന് എന്താണ് സംഭവിച്ചത്? അവൻ വീണ്ടും നേരത്തെ പുറത്തായി."

"ഓപ്പണറായി സഞ്ജു പരാജയം; അടുത്ത കളിയിൽ പുറത്താക്കണം"

സഞ്ജുവിനെ ഉൾപ്പെടുത്തിയത് വഴി ഇന്ത്യയുടെ ബാറ്റിംഗ് ഓർഡറിന്റെ കെട്ടുറപ്പ് നഷ്ടമായെന്നും ഫിനിഷിംഗിനെ അത് ബാധിച്ചുവെന്നും മഞ്ജരേക്കർ ചൂണ്ടിക്കാണിച്ചു. കഴിഞ്ഞ ഒരു വർഷത്തെ സഞ്ജുവിന്റെ പ്രകടനങ്ങൾ അക്കമിട്ടു നിരത്തിയായിരുന്നു അദ്ദേഹത്തിന്റെ വിമർശനം.

കഴിഞ്ഞ ഒരു വർഷത്തിനിടെ സഞ്ജു ഓപ്പണറായി ഇറങ്ങിയ ഏത് ടി20 മത്സരങ്ങൾ എടുത്തു നോക്കിയാലും താരം പരാജയമാണെന്ന് മഞ്ജരേക്കർ പറഞ്ഞു. ഏഷ്യാ കപ്പ്, ഓസ്‌ട്രേലിയൻ പരമ്പര, ന്യൂസിലാൻഡ് പരമ്പര എന്നിവയിലെല്ലാം സഞ്ജുവിന് ഓപ്പണിംഗിൽ തിളങ്ങാൻ കഴിഞ്ഞിട്ടില്ല. അതുകൊണ്ടുതന്നെ അടുത്ത മത്സരത്തിൽ സഞ്ജുവിനെ ടീമിൽ നിന്ന് ഒഴിവാക്കണമെന്നും, വൈഭവ് സൂര്യവംശിയെ തിരികെ കൊണ്ടുവന്ന് ടീമിന്റെ യഥാർത്ഥ കോമ്പിനേഷൻ പുനഃസ്ഥാപിക്കണമെന്നും മഞ്ജരേക്കർ ആവശ്യപ്പെട്ടു.

'വൈഭവിനെ ബെഞ്ചിൽ ഇരുത്തിയത് തെറ്റ്..'; അയർലൻഡിനെതിരെ താരത്തെ ഇറക്കാഞ്ഞതിൽ രവി ശാസ്ത്രി
സഞ്ജുവിനെ മാറ്റിയത് തെറ്റായ നീക്കമായിരുന്നോ?

മഴ മൂലം മത്സരം ഉപേക്ഷിക്കപ്പെട്ടെങ്കിലും സഞ്ജുവിനെ ചുറ്റിപ്പറ്റിയുള്ള വിവാദങ്ങൾ ഇന്ത്യൻ ക്രിക്കറ്റിൽ പുകയുകയാണ്. അയർലൻഡ് പരമ്പരയിലെ രണ്ട് മത്സരങ്ങളിൽ നിന്ന് വെറും 5 റൺസ് മാത്രം നേടിയ സഞ്ജുവിന് ഇംഗ്ലണ്ടിനെതിരെ ലഭിച്ച സുവർണ്ണാവസരവും വിനിയോഗിക്കാൻ സാധിച്ചില്ല. ഹാരി ബ്രൂക്കിന്റെ കടുത്ത ഭീഷണികൾ നിലനിൽക്കെ, നെറ്റ്സിൽ കഠിന പരിശീലനം നടത്തിയ വൈഭവ് സൂര്യവംശിയെപ്പോലൊരു യുവതാരത്തെ ഫോമില്ലാത്ത സഞ്ജുവിന് വേണ്ടി മാറ്റിവെച്ചത് തെറ്റായ തീരുമാനമായിരുന്നു എന്ന മഞ്ജരേക്കറുടെ നിരീക്ഷണത്തോട് ഒരു വിഭാഗം ആരാധകരും യോജിക്കുന്നുണ്ട്. അടുത്ത ടി20 മത്സരത്തിൽ ഗൗതം ഗംഭീറും ശ്രേയസ് അയ്യരും എന്ത് തീരുമാനമെടുക്കും എന്നാണ് ഇനി അറിയേണ്ടത്. മൂന്ന് മത്സരത്തിൽ നിന്നും ആറ് റൺസ് മാത്രമാണ് സഞ്ജുവിന് നേടാനായത്. ടി20 ലോകകപ്പിലെ ഫോം സഞ്ജുവിന് ഇനിയും തുടരാൻ സാധിക്കുമോ എന്ന് കണ്ടറിയാം.