Click it and Unblock the Notifications
സച്ചിന് ഭയത്തോടെയാണ് സച്ചിനെ നേരിട്ടതെന്നു താന് വെറുതേ പറയുകയല്ലെന്നും ഇക്കാര്യം താന് നേരിട്ടു കണ്ടിട്ടുണ്ടെന്നുമാണ് യ്ൂട്യൂബ് ചാനലില് സെയ്നാബ് അബ്ബാസുമായി സംസാരിക്കവെ 40 കാരനായ അഫ്രീഡി വ്യക്തമാക്കിയത്.
ചില സ്പെല്ലുകളില് അക്തറിനെതിരേ സച്ചിന് മാത്രമല്ല ലോകത്തിലെ ഏറ്റവും മികച്ച പല ബാറ്റ്സ്മാന്മാരും വിറച്ചിട്ടുണ്ടെന്നും അഫ്രീഡി അഭിപ്രായപ്പെട്ടു.
അക്തറിനെതിരേ ഒരു ബാറ്റ്സ്മാന് എങ്ങനെയാണ് കളിക്കുന്നതെന്നു അവരുടെ ശരീരഭാഷ നോക്കിയാല് മനസ്സിലാക്കാന് സാധിക്കും. മിഡ് ഓഫിലോ, കവേഴ്സിലോ ഫീല്ഡ് ചെയ്യുന്നയാള്ക്ക് ഇതു കൃത്യമായി മനസ്സിലാക്കാന് കഴിയും. ബാറ്റ്സ്മാന് തന്റെ പതിവു ഫോമില് അല്ലെന്നും സ്മ്മര്ദ്ദത്തോടെയാണ് കളിക്കുന്നതെന്നും ശ്രദ്ധിച്ചാല് മനസ്സിലാവും.
എന്നാല് സച്ചിനെ ഷുഐബ് എല്ലായ്പ്പോഴും ഭയപ്പെടുത്തിയിരുന്നതായി താന് പറയില്ല. ചില സ്പെല്ലകളിലാണ് സച്ചിന് ഭയത്തോടെ കളിച്ചിട്ടുള്ളത്. ലോകത്തിലെ ഏതു മികച്ച ബാറ്റ്സ്മാനെയും സമ്മര്ദ്ദത്തിലാക്കുന്നതായിരുന്നു അക്തറിന്റെ ചില സ്പെല്ലുകളെന്നും അഫ്രീഡി അഭിപ്രായപ്പെട്ടു.
അക്തറിനെതിരേ മാത്രമല്ല സ്പിന്നര് അജ്മലിനെതിരേയും കളിക്കാന് സച്ചിനു ഭയമായിരുന്നുവെന്നു അഫ്രീഡി ചൂണ്ടിക്കാട്ടി. 2011ലെ ലോകകപ്പാണ് ഇതിനു ഏറ്റവും വലിയ ഉദാഹരണമായി അഫ്രീഡി പറയുന്നത്. അന്നു അജ്മലിന്റെ ബൗളിങില് സച്ചിന് എല്ബിഡബ്ല്യു ആയിരുന്നെങ്കിലും ഡിആര്സിന്റെ സഹായം ഇന്ത്യ തേടിയതോടെ സച്ചിന് രക്ഷപ്പെടുകയായിരുന്നു.
ലോകകപ്പില് അജ്മലിനെതിരേ സച്ചിന് അത്ര ആത്മവിശ്വാസത്തോടെയല്ല ബാറ്റ് ചെയ്തത്. ചില സമയങ്ങളില് താരങ്ങള്ക്കു സമ്മര്ദ്ദമുണ്ടാവുക സ്വാഭാവികമാണെന്നും അപ്പോള് മികച്ച പ്രകടനം നടത്തുക ബുദ്ധിമുട്ടാണെന്നും അഫ്രീഡി പറഞ്ഞു.
Continue with Google