Click it and Unblock the Notifications
അമ്പാട്ടി റായുഡു
കഴിഞ്ഞ ഐപിഎല്ലിലെ മിന്നും താരമായ ചെന്നൈ സൂപ്പര്കിങ്സ് വെടിക്കെട്ട് ബാറ്റ്സ്മാന് അമ്പാട്ടി റായുഡുവിനെ ഇന്ത്യക്ക് ട്വന്റി20യില് ഓപ്പണറായി പരീക്ഷിക്കാവുന്നതാണ്. സിഎസ്കെയ്ക്കൊപ്പം കഴിഞ്ഞ സീസണില് ചേര്ന്ന റായുഡു ഏവരുടെയും കണക്കുകൂട്ടലുകള് തെറ്റിക്കുന്ന പ്രകടനമാണ് പുറത്തെടുത്തത്. ഓപ്പണിങിലും മധ്യനിരയിലുമെല്ലാം താരം തകര്പ്പന് ഇന്നിങ്സുകള് കളിച്ചിരുന്നു. ടീം നിര്ദേശിച്ച ഏതു റോളിലും തിളങ്ങാനാവുമെന്ന് റായുഡു കാണിച്ചു തരികയും ചെയ്തു.
ഇംഗ്ലണ്ട് പര്യടനത്തിലുള്ള ടീമില് റായുഡു ഇടം നേടിയിരുന്നെങ്കിലും ഫിറ്റ്നസ് ടെസ്റ്റില് പരാജയപ്പെട്ടതോടെ പുറത്താവുകയായിരുന്നു.
സഞ്ജു സാംസണ്
മലയാളി താരം സഞ്ജു സാംസണാണ് ട്വന്റി20യില് ഇന്ത്യക്കു ഓപ്പണറായി ഇറക്കാവുന്ന മറ്റൊരു ബാറ്റ്സ്മാന്. 2015ല് സിംബാബ്വെയ്ക്കെതിരായ പരമ്പരയില് ദേശീയ ടീമില് ആദ്യമായെത്തിയ സഞ്ജുവിന് ഒരു മല്സരത്തില് മാത്രമേ കളിക്കാന് അവസരം ലഭിച്ചുള്ളൂ. എംഎസ് ധോണിയുടെ പകരക്കാരിലൊരാളായി മാറാന് ശേഷിയുള്ള താരം കൂടിയാണ് സഞ്ജു.
ഐപിഎല്ലില് വിവിധ ടീമുകള്ക്കു വേണ്ടി മികച്ച പ്രകടനം നടത്തിയതിന്റെ അനുഭവസമ്പത്തും താരത്തിനുണ്ട്. ഡല്ഹി ഡെയര്ഡെവിള്സിനു വേണ്ടി 2017ലെ സീസണില് സഞ്ജു സെഞ്ച്വറി നേടിയിരുന്നു.
റിഷഭ് പന്ത്
ഇന്ത്യയുടെ മുന് ക്യാപ്റ്റനും വെറ്ററന് വിക്കറ്റ് കീപ്പറുമായ എംഎസ് ധോണിയുടെ പകരക്കാരനാവാന് ഏറ്റവും യോഗ്യനായ താരമെന്നാണ് റിഷഭ് പന്ത് വിശേഷിപ്പിക്കപ്പെടുന്നത്. കഴിഞ്ഞ ഐപിഎല്ലില് ഡല്ഹി ഡെയര്ഡെവിള്സിനു വേണ്ടി റണ്മഴ തന്നെ താരം പെയ്യിച്ചിരുന്നു. ടി20യില് ഓപ്പണറായി ഇറക്കിയാല് ടീം ഇന്ത്യക്കു സ്ഫോടനാത്മക തുടക്കം നല്കാന് പന്തിനാവും.
ഇതിനകം തന്നെ രാജ്യത്തെ ഏറ്റവും മികച്ച യുവ വിക്കറ്റ് കീപ്പര് ബാറ്റ്സ്മാനെന്ന് വിശേഷിപ്പിക്കപ്പെട്ടു കഴിഞ്ഞ പന്തിന് 20 വയസ്സ് മാത്രമേയുള്ളൂ. അതുകൊണ്ടു തന്നെ മികച്ചൊരു കരിയറാണ് താരത്തിനു മുന്നിലുള്ളത്.
ലോകേഷ് രാഹുല്
ഇംഗ്ലണ്ടിനെതിരേ നടന്ന ട്വന്റി20 പരമ്പരയില് മൂന്നാമനായി ഇറങ്ങിയ ലോകേഷ് രാഹുലും ഓപ്പണിങ് പൊസിഷനില് തീപ്പൊരി പാറിക്കാന് ശേഷിയുള്ള താരമാണ്. ഇംഗ്ലണ്ടിനെതിരേ നടന്ന ആദ്യ ടി20യില് രാഹുല് ഇന്ത്യക്കു വേണ്ടി സെഞ്ച്വറി നേടിയിരുന്നു.
കഴിഞ്ഞ ഐപിഎല്ലില് കിങ്സ് ഇലവന് പഞ്ചാബിന്റെ ഓപ്പണറായിരുന്ന അദ്ദേഹം തകര്പ്പന് പ്രകടനമാണ് നടത്തിയത്. ഐപിഎല്ലിലെ ഏറ്റവും വേഗമേറിയ ഫിഫ്റ്റി തന്റെ പേരില് കുറിക്കാനും രാഹുലിനായിരുന്നു.
സ്പോര്ട്സ് ഇഷ്ടമാണോ? എങ്കില് മൈഖേല് വായിക്കൂ.
കായിക ലോകത്തെ പുതിയ വാര്ത്തകള് അറിയാന് malayalam mykhel വായിക്കൂ. മൊബൈല് അലെര്ട്ടുകള് കൃത്യമായി ലഭിക്കാന് മുകള് ഭാഗത്ത് കാണുന്ന ബെല് ഐക്കണില് ക്ലിക്ക് ചെയ്യൂ.
Continue with Google