Click it and Unblock the Notifications
മികച്ച പേസ് നിര
ഇന്ത്യക്കു ഇപ്പോള് മികച്ച പേസ് നിരയുണ്ടെന്നു കോലി ചൂണ്ടിക്കാട്ടി. ലങ്കയ്ക്കെതിരേ മിന്നുന്ന പ്രകടനത്തോടെ മാന് ഓഫ് ദി മാച്ച് പുരസ്കാരം കൈക്കലാക്കിയ യുവ പേസര് നവദീപ് സെയ്നിയെ അദ്ദേഹം പ്രശംസിച്ചു. നിലവില് ഇന്ത്യന് ടീമിന്റെ ഭാഗമല്ലെങ്കിലും കൊല്ക്കത്ത നൈറ്റ് റൈഡേഴ്സ് പേസര് പ്രസിധ് കൃഷ്ണയെക്കുറിച്ചും തികഞ്ഞ മതിപ്പാണ് അദ്ദേഹത്തിനുള്ളത്.
ഒരുപോലെയുള്ള ബൗളിങ് മികവുള്ള താരങ്ങളെ കണ്ടെത്തണം. അതില് നിന്നും സീനിയര് ആയ കളിക്കാരനെയാണ് ടീമിലുല്പ്പെടുത്തുകയെന്നും കോലി വ്യക്തമാക്കി.
ഒരു സര്പ്രൈസ് താരം
ലോകകപ്പിനുള്ള ഇന്ത്യന് ടീമില് തീര്ച്ചയായും ഒരു സര്പ്രൈസ് താരത്തെ പ്രതീക്ഷിക്കാം. മികച്ച പേസും ബൗണ്സുമുള്ള ഒരു താരം തന്നെയായിരിക്കും അത്. ആരായിരിക്കും ഈ കളിക്കാരനെന്നു ഇപ്പോള് പറയാന് കഴിയില്ലെന്നും കോലി പറഞ്ഞു.
ആഭ്യന്തര ക്രിക്കറ്റില് മികച്ച പ്രകടനം നടത്തിയിട്ടുള്ള ബൗളറാണ് പ്രസിധ്. എല്ലാ ഫോര്മാറ്റിലും കളിപ്പിക്കാവുന്ന ഒരു പിടി ബൗളര്മാര് നമുക്കുണ്ടെന്നത് ഭാഗ്യം തന്നെയാണ്. ലോകകപ്പ് മുന്നില് നില്ക്കെ നിരവധി ഓപ്ഷനുകള് ഇന്ത്യക്കു മുന്നിലുണ്ടെന്നും കോലി കൂട്ടിച്ചേര്ത്തു.
സെയ്നിയുടെ ആത്മവിശ്വാസം വര്ധിച്ചു
ഏകദിനത്തിലും സെയ്നി ഇന്ത്യക്കു വേണ്ടി കളിച്ചു കഴിഞ്ഞു. ടി20യില് താരം കൂടുതല് ആത്മവിശ്വാസം നേടിക്കൊണ്ടിരിക്കുകയാണ്. ഓരോ മല്സരം കഴിയുന്തോറും സ്വയം കയറൂരി വിടുകയാണ് സെയ്നി. ഇതേ തുടര്ന്നാണ് ഇത്രയും കണ്ണഞ്ചിപ്പിക്കുന്ന വേഗത്തില് പന്തെറിയാന് കഴിയുന്നത്.
മികച്ച വേഗത്തില് ബൗണ്സറുകളും യോര്ക്കറുകളുമെറിഞ്ഞ് സെയ്നി വിക്കറ്റുകള് വീഴ്ത്തുന്നത് വലിയ കാര്യം തന്നെയാണ്. ഇന്ത്യന് ടീമിനെ സംബന്ധിച്ചും ഇതു നല്ലൊരു സൂചനയാണെന്നും കോലി ചൂണ്ടിക്കാട്ടി.
Continue with Google