Click it and Unblock the Notifications
ധോണി തന്നെ നയിക്കും
2020ല് നടക്കാനിരിക്കുന്ന ഐപിഎല്ലിലും സിഎസ്കെയെ ധോണി തന്നെ നയിക്കുമെന്ന് സ്ഥിരീകരിച്ചിരക്കുകയാണ് ശ്രീനിവാസന്. അന്താരാഷ്ട്ര ക്രിക്കറ്റില് നിന്നും ധോണി എപ്പോള് വിരമിക്കുമെന്ന കാര്യത്തില് തനിക്കൊന്നും അറിയില്ല. പക്ഷെ ഒരു കാര്യം ഉറപ്പിച്ചു പറയാന് കഴിയും. ഐപിഎല്ലിന്റെ അടുത്ത സീസണിലും ചെന്നൈയുടെ ക്യാപ്റ്റന് താന് തന്നെയായിരിക്കുമെന്ന് താന് ഉറപ്പു നല്കുന്നതായും ശ്രീനിവാസന് കൂട്ടിച്ചേര്ത്തു.
അവസാന മല്സരം ന്യൂസിലാന്ഡിനെതിരേ
ഇംഗ്ലണ്ടില് നടന്ന ഏകദിന ലോകകപ്പിന്റെ സെമി ഫൈനലില് ന്യൂസിലാന്ഡിനെതിരേയാണ് ധോണി അവസാനമായി ഇന്ത്യന് ജഴ്സിയണിഞ്ഞത്. അന്നു ഇന്ത്യ സെമിയില് തോറ്റു പുറത്തായതോടെ അന്താരാഷ്ട്ര ക്രിക്കറ്റില് നിന്നും അദ്ദേഹം ബ്രേക്കെടുക്കുകയായിരുന്നു.
നിശ്ചിത ഓവര് ക്രിക്കറ്റില് ഇപ്പോഴും ധോണിക്കു ഇന്ത്യക്കായി കളിക്കുന്നതില് തടസ്സമില്ലെന്നും വിരമിക്കുന്ന കാര്യം അദ്ദേഹം സ്വയം തീരുമാനിക്കുന്നതാണ് ഉചിതമെന്നും ക്യാപ്റ്റന് വിരാട് കോലി അടുത്തിടെ പറഞ്ഞിരുന്നു.
ധോണിക്കു മടങ്ങിവരാം
ധോണിയുടെ പിന്ഗാമിയായി ഇന്ത്യ കണ്ടു വച്ചിരിക്കുന്ന യുവ വിക്കറ്റ്കീപ്പര് റിഷഭ് പന്തിന് ബാറ്റിങില് സ്ഥിരത പുലര്ത്താന് കഴിയുന്നില്ല. കഴിഞ്ഞ വിന്ഡീസ് പര്യടനത്തില് മൂന്നു ഫോര്മാറ്റുകളിലും താരം കളിച്ചെങ്കിലും ഒരു ഫിഫ്റ്റി മാത്രമാണ് നേടാനായത്.
അടുത്ത വര്ഷം ഐസിസിയുടെ ടി20 ലോകകപ്പ് ഓസ്ട്രേലിയയില് നടക്കാനിരിക്കെ ധോണിയെ ടീമിലേക്കു തിരിച്ചുവിളിക്കാന് സാധ്യത കൂടുതലാണ്. അടുത്ത ടി20 ലോകകപ്പ് വരെയെങ്കിലും ധോണി ദേശീയ ടീമിനൊപ്പം ഉണ്ടാവണമെന്നു ആരാധകരും ആഗ്രഹം പ്രകടിപ്പിച്ചുകഴിഞ്ഞു.
അവസാന ഐപിഎല്
2020ല് നടക്കാനിരിക്കുന്ന ഐപിഎല് ധോണിയുടെ കരിയറിലെ അവസാനത്തെ ടൂര്ണമെന്റാവാന് സാധ്യതയേറെയാണ്. 10 സീസണുകളില് സിഎസ്കെയെ ധോണി ഐപിഎല്ലില് നയിച്ചിട്ടുണ്ട്. ഇവയിലെല്ലാം സിഎസ്കെ പ്ലേഓഫിലേക്കു യോഗ്യത നേടുകയും ചെയ്തിരുന്നു. മൂന്നു തവണ ടീമിന് കിരീടം നേടിക്കൊടുക്കാനും അദ്ദേഹത്തിനായിരുന്നു.
കഴിഞ്ഞ ഐപിഎല് ഫൈനലില് ഒരു റണ്ണിനാണ് മുംബൈ ഇന്ത്യന്സിനു മുന്നില് സിഎസ്കെയ്ക്കു കിരീടം നഷ്ടമായത്.
Continue with Google