ആദ്യത്തെ 10 പന്ത് സൂക്ഷിക്കുക, അത് നേരിടാൻ രോഹിത് തന്നെ വേണം! അഭ്യൂഹങ്ങൾക്ക് ഉത്തരവുമായി മോണി മോർക്കൽ

ഇംഗ്ലണ്ടിനെതിരായ ആദ്യ രണ്ട് ഏകദിനങ്ങളിലും മുൻ ഇന്ത്യൻ നായകൻ രോഹിത് ശർമ്മ റൺസ് കണ്ടെത്താൻ പാടുപെട്ടതോടെ താരത്തിന്റെ ഫോമിനെച്ചൊല്ലി വലിയ ചർച്ചകൾ ഉയർന്നിരുന്നു. എന്നാൽ, ലോർഡ്സിൽ ഇന്ന് (ജൂലൈ 19 ഞായറാഴ്ച) നടക്കുന്ന നിർണ്ണായകമായ മൂന്നാം ഏകദിനത്തിന് മുന്നോടിയായി രോഹിത് ശർമ്മയ്ക്ക് പൂർണ്ണ പിന്തുണയുമായി രംഗത്തെത്തിയിരിക്കുകയാണ് ഇന്ത്യൻ ബോളിങ് കോച്ച് മോർണി മോർക്കൽ. ഇംഗ്ലണ്ടിലെ സാഹചര്യങ്ങളിൽ പുതിയ പന്തിനെ നേരിടുക എന്നത് ഏതൊരു ഓപ്പണർക്കും കഠിനമാണെന്നും രോഹിത്തിന്റെ ഫോമിൽ ടീം മാനേജ്മെന്റിന് യാതൊരുവിധ ആശങ്കയുമില്ലെന്നും മോർക്കൽ വാർത്താസമ്മേളനത്തിൽ വ്യക്തമാക്കി.

ഷോർട്ട് ബോൾ പേടിച്ച് കാല് വിറച്ചു, ഇറങ്ങും മുമ്പേ ഔട്ടായി! ദൂബെയെ പഞ്ഞിക്കിട്ട് ശ്രീകാന്ത്
അനുഭവസമ്പത്തുണ്ട്, രോഹിത് ശക്തമായി തിരിച്ചുവരും

ആദ്യ ഏകദിനത്തിൽ 11 റൺസിനും രണ്ടാം മത്സരത്തിൽ 26 റൺസിനും പുറത്തായ രോഹിത്തിന് മേൽ വലിയ സമ്മർദ്ദമുണ്ട്. എന്നാൽ താരത്തിന്റെ അനുഭവസമ്പത്തിൽ ടീമിന് പൂർണ്ണ വിശ്വാസമുണ്ടെന്ന് മോർക്കൽ പറഞ്ഞു:

"ഞാൻ മുൻപ് പറഞ്ഞതുപോലെ, ഇംഗ്ലണ്ടിൽ പുതിയ പന്തിനെതിരെ ബാറ്റ് ചെയ്യുക എന്നത് വലിയ കഠിനാധ്വാനം ആവശ്യമുള്ള കാര്യമാണ്. ഈ പരമ്പരയിലുടനീളം പന്ത് ഇരുവശങ്ങളിലേക്കും നന്നായി മൂവ് ചെയ്യുന്നത് നമ്മൾ കണ്ടതാണ്. അതുകൊണ്ട് തന്നെ ടോപ് ഓർഡറിലെ ബാറ്റിങ് അത്ര എളുപ്പമല്ല. രോഹിത് ഇതിനെ മറികടക്കുമെന്നതിൽ സംശയമില്ല, മുൻപും അദ്ദേഹം അത് ചെയ്തിട്ടുണ്ട്.

അദ്ദേഹത്തിന്റെ അനുഭവസമ്പത്ത് ഇന്ത്യൻ ബാറ്റിങ് നിരയ്ക്ക് വലിയൊരു ശാന്തതയും സമാധാനവും നൽകുന്നുണ്ട്. അതുകൊണ്ട് തന്നെ രോഹിത്തിന്റെ നിലവിലെ ഫോമിനെക്കുറിച്ച് ടീമിന് യാതൊരുവിധ ആശങ്കകളോ ആകുലതകളോ ഇല്ല."

ഇതിനിടയിൽ, ലോർഡ്സിലെ മത്സരം രോഹിത് ശർമ്മയുടെ കരിയറിലെ അവസാന അന്താരാഷ്ട്ര മത്സരമായിരിക്കുമെന്ന തരത്തിൽ പ്രചരിച്ച അഭ്യൂഹങ്ങൾ ബിസിസിഐ (BCCI) വെള്ളിയാഴ്ച രാത്രിയോടെ പൂർണ്ണമായി തള്ളിക്കളഞ്ഞിരുന്നു.

ഇംഗ്ലണ്ട് പരമ്പരയിലെ മൂന്നാം ഏകദിനത്തോടെ രോഹിത് ശർമ്മ വിരമിക്കുമോ? മറുപടിയുമായി ഇന്ത്യയുടെ ബാറ്റിംഗ് കോച്ച്
ലോർഡ്സിലെ ചരിഞ്ഞ പിച്ച്; സുന്ദറിന് പകരം ഹർഷ് ദുബെ

ലോർഡ്സ് മൈതാനത്തെ പ്രശസ്തമായ സ്ലോപ്പിനെക്കുറിച്ചും മോർക്കൽ തന്റെ നിരീക്ഷണം പങ്കുവെച്ചു. ഈ പിച്ചിലെ ചരിവ് പന്തിന്റെ ചലനത്തെ എങ്ങനെ ബാധിക്കുന്നു എന്ന് മനസ്സിലാക്കാൻ ഇന്ത്യൻ ബാറ്റർമാർ ക്രീസിൽ ആദ്യത്തെ 5 അല്ലെങ്കിൽ 10 പന്തുകൾ സ്വയം സമയം നൽകണമെന്ന് മുൻ ദക്ഷിണാഫ്രിക്കൻ പേസർ നിർദ്ദേശിച്ചു. മികച്ച പാർട്ണർഷിപ്പുകൾ ഉണ്ടാക്കുകയാണ് ഇവിടെ പരമ്പര സ്വന്തമാക്കാനുള്ള പ്രധാന വഴിയെന്നും അദ്ദേഹം ഓർമ്മിപ്പിച്ചു.

നിർണ്ണായകമായ ഈ ഫൈനൽ പോരാട്ടത്തിന് ഇറങ്ങുമ്പോൾ ഇന്ത്യയ്ക്ക് വലിയൊരു തിരിച്ചടിയുമുണ്ട്. ഹാംസ്ട്രിങ് പരിക്കിനെ തുടർന്ന് ഓൾറൗണ്ടർ വാഷിംഗ്ടൺ സുന്ദറിന് പരമ്പരയിലെ അവസാന മത്സരം നഷ്ടമാകും. സുന്ദറിന് പകരക്കാരനായി യുവതാരം ഹർഷ് ദുബെയെ ഇന്ത്യൻ സ്ക്വാഡിൽ ഉൾപ്പെടുത്തിയിട്ടുണ്ട്. നിലവിൽ പരമ്പര 1-1 എന്ന നിലയിലായതിനാൽ ലോർഡ്സിൽ ജയിക്കുന്നവർക്ക് പരമ്പര സ്വന്തമാക്കാം. ഒന്നാം മത്സരത്തിൽ വിജയം കൊയ്ത ഇന്ത്യ രണ്ടാം മത്സരത്തിൽ ജോ റൂട്ടിന്റെ മനോഹര ഇന്നിങ്സിന് മുമ്പിൽ വീണുപോവുകയായിരുന്നു.