Click it and Unblock the Notifications
കണ്ടോ, ഇനിയാണ് രസം
2008ലെ സീസണിനു മുമ്പ് ലേലം നടന്നപ്പോള് രാജ്യത്തെ മറ്റേതൊരു ക്രിക്കറ്ററെയും പോലെ ഏതു ടീമാണ് എന്നെ വാങ്ങിയതെന്ന് അറിയാനായിരുന്നു കാത്തിരുന്നത്. ചെന്നൈ സൂപ്പര് കിങ്സ് ടീമിന്റെ ഭാഗമാവുകയാണെന്ന് അറിഞ്ഞപ്പോള് ഏറെ സന്തോഷം തോന്നി. ഇതിനര്ഖം മഹി ഭായിക്കും എനിക്കും ഒരേ ടീമിനു വേണ്ടി കളിക്കാമെന്നായിരുന്നു. ലേലത്തില് എന്നെ സിഎസ്കെ വാങ്ങിയതിനു പിന്നാലെ അദ്ദേഹം വിളിച്ചു. കണ്ടോ, ഇനിയാണ് രസം എന്നായിരുന്നു മഹി ഭായി അന്നു പറഞ്ഞതെന്നു റെയ്ന വെളിപ്പെടുത്തി.
വമ്പന് താരങ്ങള്
ആ സമയത്ത് മഹി ഭായിയിലായിരുന്നു എല്ലാവരുടെയും ശ്രദ്ധ. സിഎസ്കെ ടീമിലെ അന്നത്തെ മറ്റു കളിക്കാരുടെ കൂട്ടത്തില് മാത്യു ഹെയ്ഡന്, മുത്തയ്യ മുരളീധരന്, സ്റ്റീഫന് ഫ്ളെമിങ് എന്നീ വമ്പന്മാരുണ്ടായിരുന്നു. ഇവരെല്ലാമുള്ള ടീമില് കളിക്കാന് അവസരം ലഭിച്ചതില് എനിക്കു ഏറെ ആഹ്ലാദം തോന്നി. മഹി ഭായിയുമായുള്ള എന്റെ ബന്ധം കൂടുതല് ദൃഢമാക്കിയെടുക്കാന് ഐപിഎല് സഹായിച്ചതായി റെയ്ന പറയുന്നു.
സിഎസ്കെയുടെ ടോപ്സ്കോറര്
ഐപിഎല്ലില് പിന്നീട് സിഎസ്കെ ബാറ്റിങിന്റെ നെടുംതൂണായി റെയ്ന മാറുന്നതാണ് പിന്നീട് കണ്ടത്. നിലവില് സിഎസ്കെയുടെ ഓള്ടൈം ടോപ്സ്കോറര് കൂടിയാണ് അദ്ദേഹം. ഒരു സെഞ്ച്വറിയും 39 ഫിഫ്റ്റികളും ഇതിലുള്പ്പെടുന്നു. കഴിഞ്ഞ സീസണിലെ ഐപിഎല്ലില് നിന്നും വ്യക്തിപരമായ ചില കാരണങ്ങളാല് റെയ്ന പിന്മാറിയിരുന്നു. ഇതേ തുടര്ന്ന് ധോണിയും റെയ്നയും തമ്മിലുള്ള ബന്ധത്തില് വിള്ളല് വീണതായും സീസണിനു ശേഷം ഒഴിവാക്കിയേക്കുമെന്നൊക്കെ റിപ്പോര്ട്ടുകള് വന്നിരുന്നു.
എന്നാല് ടീമില് നിലനിര്ത്തപ്പെട്ട റെയ്ന ഈ സീസണില് ശക്തമായ തിരിച്ചുവരവും നടത്തിയിരുന്നു. ഡല്ഹി ക്യാപ്പിറ്റല്സിനെതിരായ ആദ്യ കളിയില് തന്നെ ഫിഫ്റ്റിയടിച്ചായിരുന്നു ചിന്നത്തലയുടെ മടങ്ങിവരവ്. സീസണ് നിര്ത്തിവയ്ക്കുന്നതിനു മുമ്പ് ടീമിനായി 123 റണ്സ് റെയ്ന നേടിയിരുന്നു.
Continue with Google