Click it and Unblock the Notifications
ജൂലൈ മാസത്തില് ശ്രീലങ്കയ്ക്കെതിരേ അവരുടെ നാട്ടിലാണ് ഇന്ത്യ ഇനി പരമ്പര കളിക്കുന്നത്. തൊട്ടടുത്ത മാസം വിരാട് കോലിയും സംഘവും സിംബാബ്വെയിലും പര്യടനം നടത്തും. സപ്തംബറില് യുഎഇ വേദിയാവുന്ന ഏഷ്യാ കപ്പിലാണ് തുടര്ന്നു ഇന്ത്യ പങ്കെടുക്കുക.
ഇതേ മാസം തന്നെ ഇംഗ്ലണ്ട് ടീം ഇന്ത്യയില് പര്യടനം നടത്തും. ഒക്ടോബറില് ഓസ്ട്രേലിയ വേദിയാവുന്ന ഐസിസിയുടെ ടി20 ലോകകപ്പില് ഇന്ത്യ കളിക്കും. അതു കഴിഞ്ഞ നവംബറില് ഓസ്ട്രേലിയക്കെതിരേ ഇന്ത്യ അവരുടെ നാട്ടില് ടെസ്റ്റ് പരമ്പരയും കളിക്കുന്നുണ്ട്.
ജൂലൈ മുതല് തിരക്കേറിയ ഷെഡ്യൂളാണ് ഇന്ത്യക്കു മുന്നിലുള്ളത്. ജൂലൈയിലെ ലങ്കന് പര്യടനത്തെക്കുറിച്ച് ഇന്ത്യ ഇനിയും തീരുമാനം എടുത്തിട്ടില്ല. നിലവിലെ സാഹചര്യങ്ങളില് വ്യത്യാസമുണ്ടായാല് മാത്രമേ ഈ പരമ്പര നടക്കാനിടയുള്ളൂ. ഈ പരമ്പര റദ്ദാക്കപ്പെടുകയാണെങ്കില് ക്രിക്കറ്റിലേക്കുള്ള ഇന്ത്യയുടെ മടങ്ങിവരവ് ഒരുപക്ഷെ സിംബാബ്വെയ്ക്കെതിരേ ആയിരിക്കും.
ഐപിഎല് ഈ വര്ഷം നടന്നില്ലെങ്കില് കനത്ത സാമ്പത്തിക നഷ്ടമായിരിക്കും ബിസിസിഐയ്ക്കു നേരിടേണ്ടി വരിക. ഏകദേശം 4000 കോടിയോളം രൂപയാണ് ഐപിഎല് റദ്ദാക്കുകയാണെങ്കില് ബിസിസിഐയ്ക്കു നഷ്ടമാവുകയെന്ന് പ്രസിഡന്റ് സൗരവ് ഗാംഗുലി അടുത്തിടെ പറഞ്ഞിരുന്നു.
ഐപിഎല്ലിനെ സംബന്ധിച്ച് ഏറ്റവും ഉചിതമായ വിന്ഡോ സപ്തംബറിലായിരിക്കും. യുഎഇയില് നടക്കാനിരിക്കുന്ന ഏഷ്യാ കപ്പ് മാറ്റി വയ്ക്കുകയാണെങ്കില് ഈ സമയത്ത് ഐപിഎല് സംഘടിപ്പിക്കാന് ബിസിസിഐയ്ക്കു സാധിക്കും.
ഏഷ്യാ കപ്പ് മാറ്റി വയ്ക്കുമോയെന്നതിനെക്കുറിച്ച് ഇതുവരെ സൂചനകളൊന്നും വന്നിട്ടില്ല. ടൂര്ണമെന്റ് അടുത്ത മാസത്തേക്കു നീട്ടി വയ്ക്കുകയാണെങ്കില് ബിസിസിഐയ്ക്കു ഐപിഎല് ഈ വിന്ഡോയില് ഉള്ക്കൊള്ളിക്കാം. എന്നാല് ഒക്ടോബറില് ആരംഭിക്കുന്ന ടി20 ലോകകപ്പ് മുന് നിശ്ചയിച്ച പ്രകാരം തന്നെ നടക്കാനാണ് സാധ്യത. ലോകകപ്പിനു മുമ്പ് ഐപിഎല് നടക്കുകയാണെങ്കില് അതു താരങ്ങള്ക്കും നല്ലൊരു തയ്യാറെടുപ്പായി മാറും.
Continue with Google