വിന്‍ഡീസിനെതിരേ അവനാണ് താരം, എന്തൊരു പ്രകടനം... ഇന്ത്യന്‍ യുവതാരത്തെ പുകഴ്ത്തി സച്ചിന്‍

ബുംറയെ പ്രശംസിച്ചു

പരമ്പരയില്‍ ഇന്ത്യന്‍ ബൗളിങിന്റെ കുന്തമുനയായ പേസര്‍ ജസ്പ്രീത് ബുംറയെ ട്വിറ്ററിലൂടെ സച്ചിന്‍ അഭിനന്ദിച്ചു. 25 കാരനായ താരത്തിന്റെ വളര്‍ച്ച അതിശയിപ്പിക്കുന്നതാണെന്നു അദ്ദേഹം പറഞ്ഞു.
പരമ്പര വിജയം നേടിയ ഇന്ത്യന്‍ ടീമിനു അഭിനന്ദനങ്ങള്‍. ജസ്പ്രീത് ബുംറയുടെ പ്രകടനം കാണുന്നതു തന്നെ ത്രില്ലടിപ്പിക്കുന്നതാണ്. താരത്തിന്റെ ഹാട്രിക്ക് വളരെ സ്‌പെഷ്യലായിരുന്നു. ടെസ്റ്റ് ക്രിക്കറ്റ് ക്രിക്കറ്റില്‍ ബുംറയുടെ വളര്‍ച്ച അദ്ഭുതപ്പെടുത്തുന്നതാണെന്നും സച്ചിന്‍ ട്വീറ്റ് ചെയ്തു.

വിഹാരിക്കും രഹാനെയ്ക്കും പ്രശംസ

ബുംറെയെ മാത്രമല്ല രണ്ടാം ടെസ്റ്റില്‍ രണ്ടിന്നിങ്‌സുകളിലും തിളങ്ങിയ ഇന്ത്യന്‍ ബാറ്റ്‌സ്മാന്‍ ഹനുമാ വിഹാരി, ആദ്യ ടെസ്റ്റില്‍ ടീമിന്റെ വിജയശില്‍പ്പിയായ വൈസ് ക്യാപ്റ്റന്‍ അജിങ്ക്യ രഹാനെ എന്നിവരെയും സച്ചിന്‍ പ്രശംസിച്ചു.
രണ്ടാം ടെസ്റ്റില്‍ ആദ്യ ഇന്നിങ്‌സില്‍ കരിയറിലെ കന്നി സെഞ്ച്വറി കുറിച്ച വിഹാരി രണ്ടാമിന്നിങ്‌സില്‍ ഫിഫ്റ്റിയുമായും തിളങ്ങിയിരുന്നു. മാന്‍ ഓഫ് ദി മാച്ചായി തിരഞ്ഞെടുക്കപ്പെട്ടതും അദ്ദേഹമായിരുന്നു.

വിക്കറ്റ് വേട്ടക്കാരനായി ബുംറ

വിന്‍ഡീസിനെതിരായ ടെസ്റ്റ് പരമ്പരയിലെ വിക്കറ്റ് വേട്ടക്കാരനായി തിരഞ്ഞെടുക്കപ്പെട്ടത് ബുംറയായിരുന്നു. രണ്ടു ടെസ്റ്റുകളില്‍ നിന്നും താരം പിഴുതത് 13 വിക്കറ്റുകളായിരുന്നു. ആദ്യ ടെസ്റ്റില്‍ ആറും രണ്ടാം ടെസ്റ്റില്‍ ഏഴും വിക്കറ്റുകള്‍ ബുംറയ്ക്കു ലഭിച്ചിരുന്നു. രണ്ടാം ടെസ്റ്റില്‍ ഹാട്രിക്കടക്കമാണ് താരം ഏഴു വിക്കറ്റുകളെടുത്തത്.