Click it and Unblock the Notifications
പോണ്ടിങ് ആവശ്യപ്പെട്ടു
മങ്കാദ് വിവാദം കഴിഞ്ഞ് തൊട്ടടുത്ത സീസണില് ഡിസിയിലെത്തിയ ശേഷം കോച്ചും മുന് ഓസീസ് ഇതിഹാസമായ റിക്കി പോണ്ടിങ് അശ്വിനോട് ആദ്യമായി ആവശ്യപ്പെട്ടത് മങ്കാദ് ചെയ്യരുതെന്നായിരുന്നു. അതിനോടു താന് യോജിക്കുന്നില്ലെന്നും അദ്ദേഹം അറിയിച്ചു.
മങ്കാദ് ഗെയിമിലെ ലളിതമായ നിയമമാണെങ്കിലും ഈ നിയമത്തില് ഞാന് സന്തോഷവാനല്ല. നിയമനിര്മാണങ്ങള് നടത്തുന്ന എസിസിയുടെ അംഗമാണ് ഞാനെങ്കിലും ഈ നിയമത്തെ അനുകൂലിക്കുന്നില്ല. ഡെത്ത് ഓവറുകളില് ബാറ്റ്സ്മാന്മാര് ചെയ്യുന്ന ചതിയില് നിന്നും അവരെ തടയുക മാത്രമാണ് വേണ്ടതെന്നുമായിരുന്നു പോണ്ടിങ് അന്നു പറഞ്ഞത്.
അശ്വിനെ സമ്മതിപ്പിക്കുക എളുപ്പമായിരുന്നില്ല
മങ്കാദ് ഇനി ആവര്ത്തിക്കില്ലെന്നു അശ്വിനെക്കൊണ്ട് സമ്മതിപ്പിച്ച് എടുക്കുകയെന്നത് എളുപ്പമായിരുന്നില്ലെന്നു ശ്രേയസ് വെളിപ്പെടുത്തി. ഞങ്ങള് ഇതു ചെയ്യാന് പോവുന്നില്ലെന്നു പറഞ്ഞ് ഞാനും റിക്കിയും ഉറച്ചുനിന്നു. ഇതോടെ അശ്വിനും ഞങ്ങളുടെ തീരുമാനത്തെ അനുകൂലിക്കേണ്ടി വന്നു. ശരി, നിങ്ങള് തീരുമാനിച്ചതെന്തും ഞാനും പാലിക്കും. പക്ഷെ ബാറ്റ്സ്മാന് വിചിത്രമായ എന്തെങ്കിലും ചെയ്യുന്നതു വരെയായിരിക്കും ഇതെന്നും അശ്വിന് പറഞ്ഞതായി ശ്രേയസ് കൂട്ടിച്ചേര്ത്തു.
പിന്നീടുണ്ടായില്ല
കഴിഞ്ഞ രണ്ടു സീസണുകളിലായി അശ്വിന് ഡിസി ടീമിന്റെ താരമാണ്. ശ്രേയസിനും പോണ്ടിങിനും നല്കിയ വാക്ക് അദ്ദേഹം ഇനിയും തെറ്റിച്ചിട്ടില്ല. പുനരാരംഭിക്കാന് പോവുന്ന ഐപിഎല്ലിന്റെ 14ാം സീസണില് ഡിസിക്കായി ആദ്യത്തെ കുറച്ചു മല്സരങ്ങളില് മാത്രമേ അശ്വിന് കളിച്ചിരുന്നുള്ളൂ. കൊവിഡ് ഭീഷണിയിലായിരുന്ന കുടുംബത്തിനൊപ്പം ചേരാന് അദ്ദേഹം ടീം വിടുകയായിരുന്നു.
എന്നാല് സപ്തംബറില് യുഎഇയില് നടക്കാനിരിക്കുന്ന ശേഷിക്കുന്ന ഐപിഎല് മല്സരങ്ങളില് അശ്വിന് ഡിസി ടീമില് തിരിച്ചെത്തും. അടുത്ത സീസണിനു മുമ്പ് മെഗാലേലം നടക്കാനിരിക്കുന്നതിനാല് ഒരുപക്ഷെ ഡിസിക്കൊപ്പം അദ്ദേഹത്തിന്റെ അവസാന സീസണായിരിക്കും ഇത്.
Continue with Google