Click it and Unblock the Notifications
ഡേവിഡ് വാര്ണര്
സീനിയര് താരങ്ങളെ ടീമിലേക്കെത്തിക്കുന്നതാണ് സിഎസ്കെയുടെ പതിവ്. അങ്ങനെ നോക്കുമ്പോള് സണ്റൈസേഴ്സ് ഹൈദരാബാദ് ഒഴിവാക്കിയ സൂപ്പര് താരം ഡേവിഡ് വാര്ണറെ സിഎസ്കെ നോട്ടമിട്ടേക്കും. സിഎസ്കെയ്ക്ക് ധോണിക്ക് ശേഷം പുതിയൊരു നായകനെ ആവിശ്യമാണ്. നിലവിലെ സാഹചര്യത്തില് വാര്ണര് പരിഗണിക്കാവുന്ന താരമാണ്. ഓപ്പണറെന്ന നിലയിലെ വാര്ണറുടെ മികവില് ആര്ക്കും സംശയം കാണില്ല. റുതുരാജ് വലം കൈയനാണ്. വാര്ണര് ഇടം കൈയനും. അതുകൊണ്ട് തന്നെ പെര്ഫക്ട് ഓപ്പണിങ് കൂട്ടുകെട്ടായി ഇത് മാറാനും സാധ്യതയുണ്ട്. അവസാന സീസണില് മോശം ഫോമിലായിരുന്നെങ്കിലും ടി20 ലോകകപ്പില് മിന്നും പ്രകടനത്തോടെ തിളങ്ങാന് വാര്ണര്ക്കായി. വലിയ തുക മുടക്കേണ്ടി വന്നാല് സിഎസ്കെ പിന്മാറും. അല്ലാത്ത പക്ഷം വാര്ണര്ക്കായി സിഎസ്കെ സജീവമായി രംഗത്തെത്തിയേക്കും.
ശിഖര് ധവാന്
ഡല്ഹി ക്യാപിറ്റല്സ് ഒഴിവാക്കിയ ശിഖര് ധവാനെ ഓപ്പണറായി സിഎസ്കെ പരിഗണിച്ചാലും അത്ഭുതപ്പെടാനില്ല. സീനിയര് താരമായ ധവാന്റെ അവസാന സീസണുകളിലെ പ്രകടനങ്ങളെല്ലാം വളരെ മികച്ചതാണ്. എന്നാല് പ്രായം 36 ആയതിനാല് പല പ്രമുഖരും ധവാനെ തഴയാന് സാധ്യതയുണ്ട്. എന്നാല് ധവാനെ സിഎസ്കെ പരിഗണിച്ചേക്കും. സമീപകാലത്തെ ഫോം വളരെ മികച്ചതാണ്. ഇടം കൈയനായ ധവാന് വലിയ അനുഭവസമ്പത്തുമുള്ള താരമാണ്. ഇന്ത്യക്കായി ദക്ഷിണാഫ്രിക്കന് പരമ്പരയിലും ധവാന് തിളങ്ങിയിരുന്നു. അതുകൊണ്ട് തന്നെ ധവാനെ സിഎസ്കെ പരിഗണിച്ചേക്കും. ധോണിയുമായി അടുത്ത സൗഹൃദമുള്ള താരങ്ങളിലൊരാളാണ് ധവാന്.
ക്രിസ് ലിന്
മുംബൈ ഇന്ത്യന്സ് ഒഴിവാക്കിയ ക്രിസ് ലിന്നിനെയും സിഎസ്കെ പരിഗണിക്കാന് സാധ്യതയുണ്ട്. വലം കൈയന് ഓപ്പണറായ താരം ടി20 ഫോര്മാറ്റില് വലിയ അനുഭവസമ്പത്തുള്ള താരമാണ്. അടിച്ചുതകര്ത്തു കളിക്കാന് കെല്പ്പുള്ള താരത്തിന് കഴിഞ്ഞ രണ്ട് സീസണുകളിലായി അധികം അവസരം ലഭിച്ചിട്ടില്ല. അതുകൊണ്ട് തന്നെ അവസരം ലഭിച്ചാല് തിളങ്ങാന് ലിന്നിന് മികവുണ്ട്. സിഎസ്കെ അവസരം നല്കിയാല് ലിന്നിനും തന്റെ പഴയ ഫോം നഷ്ടപ്പെട്ടിട്ടില്ലെന്ന് തെളിയിക്കാനുമാവും. സിഎസ്കെയുടെ ശൈലിയോട് ചേര്ന്ന് നില്ക്കുന്ന താരമാണ് ലിന്.
Continue with Google