അഞ്ചു പേര് വേണമെന്നു ചോപ്ര
2022ലെ ഐപിഎല്ലില് അഞ്ചു വിദേശ താരങ്ങളെ കളിപ്പിക്കാന് ഫ്രാഞ്ചൈസികളെ അനുവദിക്കണം. നിലവില് പേരെ മാത്രമേ ഉള്ക്കൊള്ളിക്കാന് അനുമതിയുള്ളൂ. ഒരാളെക്കൂടി ഇനി ഉള്പ്പെടുത്താന് അനുമതി നല്കേണ്ടതുണ്ട്. ഫ്രാഞ്ചൈസിക്കു വേണമെങ്കില് 11 ഇന്ത്യക്കാരെ കളിപ്പിക്കാം. പക്ഷെ ചുരുങ്ങിയത് അഞ്ചു വിദേശികളെയെങ്കിലും കളിപ്പിക്കാമെന്ന ഒരു ഓപ്ഷന് ടീമുകള്ക്കു നല്കുന്നത് നല്ലതാവുമെന്നാണ് ഞാന് കരുതുന്നത്. ഫ്രാഞ്ചൈസികള് അഞ്ചു പേരെ ഇറക്കുമോ, ഇല്ലയോയെന്നത് തികച്ചും വ്യത്യസ്തമായ കാര്യമാണെന്നും ചോപ്ര വ്യക്തമാക്കി.
ഫ്രാഞ്ചൈസികളെ സഹായിക്കും
അഞ്ചു വിദേശ താരങ്ങളെ പ്ലെയിങ് ഇലവനില് ഉള്പ്പെടുത്താനുള്ള അനുമതി നല്കിയാല് അതു ചില ഫ്രാഞ്ചൈസികള്ക്കു ഏറെ സഹായകരമാവുമെന്നു ചോപ്ര വിലയിരുത്തി. ചില ഫ്രാഞ്ചൈസികള്ക്കു മികച്ച ഇന്ത്യന് താരങ്ങള് കുറവായിരിക്കും. അതുകൊണ്ടു തന്നെ മികച്ചൊരു പ്ലെയിങ് ഇലവന് കണ്ടെത്താന് ഇവര് പാടുംപെടും. വിദേശ താരങ്ങളുടെ എണ്ണം അഞ്ചാക്കി ഉയര്ത്തിയാല് അതു ഇത്തരം ഫ്രാഞ്ചൈസികള്ക്കു രക്ഷയാവും.
മെഗാ ലേലത്തിനു മുന്നോടിയായി മൂന്നു ഇന്ത്യന് താരങ്ങളെ നിലനിര്ത്താന് അനുമതി നല്കിയാല് എട്ടു ഫ്രാഞ്ചൈസികളും കൂടി 24 പേരെ നിലനിര്ത്തും. അങ്ങനെ വന്നാല് ലേലത്തില് ലേലത്തില് പുതിയ രണ്ടു ഫ്രാഞ്ചൈസികള്ക്കും എങ്ങനെയാണ് മികച്ച ഇന്ത്യന് കളിക്കാരെ ലഭിക്കുകയെന്നും ചോപ്ര ചോദിക്കുന്നു.
തടയാന് ആര്ക്കും കഴിയില്ല
ഫ്രാഞ്ചൈസികള് താരങ്ങളെ നിലനിര്ത്തുന്നതില് നിന്നും തടയാന് ആര്ക്കും സാധിക്കില്ല. അതുകൊണ്ടു തന്നെ പുതിയ ഫ്രാഞ്ചൈസികളുടെ പക്കല് പണമുണ്ടാവുമെങ്കിലും മികച്ച ഇന്ത്യന് കളിക്കാടെ അഭാവം കാരണം അവര്ക്കു ശക്തമായൊരു ടീമിനെ വാര്ത്തെടുക്കാന് കഴിയണമെന്നില്ല. അത്തരം ഘട്ടങ്ങളില് കൂടുതല് വിദേശ കളിക്കാരെ ഉപയോഗിക്കാന് അവര്ക്കു കഴിയും, ഇന്ത്യന് താരങ്ങളുടെ ഗ്രൂപ്പിനെ പടി പടിയായി വളര്ത്തിക്കൊണ്ടു വരാന് കഴിയുമെന്നും ചോപ്ര വിലയിരുത്തി.
മെഗാ ലേലം ഇനിയുടനെ ഉണ്ടാവില്ല
വരാനിരിക്കുന്ന മെഗാ ലേലേ കഴിഞ്ഞാല് അടുത്ത അഞ്ച്-ആറു വര്ഷത്തേക്കു മറ്റൊരു മെഗാ താരലേലം നടക്കാന് സാധ്യതയില്ല. ഇത്തവണത്തെ മെഗാലേലം കഴിഞ്ഞാല് തുടര്ന്നുള്ള വര്ഷങ്ങളില് സാധാരണ രീതിയിലുള്ള ലേലം മാത്രമായിരിക്കും നടക്കുക. ഒരുപാട് മെഗാ ലേലങ്ങള് നടത്തുകയാണെങ്കില് ഒരു ബ്രാന്ഡെന്ന നിലയില് അതു ഐപിഎല്ലിനെ വളരാന് സഹായിക്കില്ല. ഓരോ ഫ്രാഞ്ചൈസിയും ചില താരങ്ങള്ക്കൊപ്പം കുറച്ചു കാലമെങ്കിലും ഒരുമിച്ച് പ്രവര്ത്തിക്കാനാണ് ആഗ്രഹിക്കുക. കളിക്കാര് ദീര്ഘകാലത്തേക്കു ഫ്രാഞ്ചൈസിയുടെ ഭാഗമല്ലെങ്കില് അവര്ക്കു വേണ്ടി ആരും പണമിറക്കില്ലെന്നും ചോപ്ര അഭിപ്രായപ്പെട്ടു.
ഐപിഎല്ലിന്റെ 14ാമത്തെ സീസണായിരുന്നു ഇത്തവണ ഇന്ത്യ, യുഎഇ എന്നീവിടങ്ങളിലായി നടന്നത്. എംഎസ് ധോണിക്കു കീഴില് ചെന്നൈ സൂപ്പര് കിങ്സ് നാലാം കിരീടം സ്വന്തമാക്കിയിരുന്നു. അഞ്ചു ട്രോഫികളെന്ന മുംബൈ ഇന്ത്യന്സിന്റെ ഓള്ടൈം റെക്കോര്ഡിന് അവര് ഒരു പടി കൂടി അടുക്കുയും ചെയ്തു. ഫൈനലില് ഒയ്ന് മോര്ഗന് നയിച്ച കൊല്ക്കത്ത നൈറ്റ്റൈഡേഴ്സിനെയായിരുന്നു ചെന്നൈ തകര്ത്തുവിട്ടത്. ലീഗ് ഘട്ടത്തില് ഒന്നാംസ്ഥാനത്തു ഫിനിഷ് ചെയ്ത റിഷഭ് പന്തിന്റെ ഡല്ഹി ക്യാപ്പിറ്റല്സ് ഫൈനല് പോലുമെത്താതെ പുറത്താവുകയായിരുന്നു.