ഒരു സിക്സ് പോലും നേടാനായിട്ടില്ല
ഈ സീസണില് ഒരു സിക്സര് പോലും നേടാനാവാതെ ഏറ്റവുമധികം പന്തുകള് നേരിട്ട താരമെന്ന നാണക്കേടാണ് ജാദവിനെ തേടിയെത്തിയത്. 59 പന്തുകളാണ് താരം ഈ സീസണില് ഇതുവരെ കളിച്ചത്. ഇത്രയും ബോളുകള് കളിച്ചിട്ടും ഒരു തവണ പോലും സിക്സര് ജാദവിന്റെ ബാറ്റില് നിന്നും പിറന്നില്ല. 22, 26, 3, 7 എന്നിങ്ങനെയാണ് ഇതുവരെ കളിച്ച ഇന്നിങ്സുകളില് താരത്തിന്റെ സ്കോറുകള്. ആറു മല്സരങ്ങളില് നിന്നും നാലു ഇന്നിങ്സുകളിലായി ആകെ 58 റണ്സാണ് ജാദവിനു നേടാനായത്.
കെകെആറിനെതിരായ അവസാനത്തെ കളിയില് രവീന്ദ്ര ജഡേജ, ഡ്വയ്ന് ബ്രാവോ എന്നിവരേക്കാള് മുമ്പ് സിഎസ്കെ ജാദവിനെ ബാറ്റിങിന് ഇറക്കിയിരുന്നു.
മാക്സ്വെല്ലും വില്ല്യംസണും
ഈ സീസണില് 50ലേറെ ബോളുകള് നേരിട്ടിട്ടും സിക്സര് നേടാത്തവരുടെ ലിസ്റ്റില് ജാദവ് ഒന്നാംസ്ഥാനത്തു നില്ക്കുമ്പോള് നാണക്കേടിന്റെ ക്ലബ്ബില് മറ്റു രണ്ടു പേര് കൂടിയുണ്ട്.കിങ്സ് ഇലവന് പഞ്ചാബിന്റെ ഓസ്ട്രേലിയന് സൂപ്പര് താരം ഗ്ലെന് മാക്സ്വെല്ലാണ് ലിസ്റ്റില് രണ്ടാംസ്ഥാനത്ത്. 56 ബോളുകള് മാക്സ്വെല് നേരിട്ടെങ്കിലും ഇതില് ഒരു സിക്സര് പോലുമില്ല. ആറ് ഇന്നിങ്സുകളില് നിന്നും 48 റണ്സ് മാത്രമാണ് അദ്ദേഹത്തിനു നേടാനായത്.
സണ്റൈസേഴ്സ് ഹൈദരാബാദിന്റെ കെയ്ന് വില്ല്യംസണാണ് മൂന്നാംസ്ഥാനത്ത്. 54 ബോളുകള് കളിച്ച് 73 റണ്സെടുത്ത അദ്ദേഹത്തിനും സിക്സറടിക്കാനായിട്ടില്ല.
മൂന്ന് ഇന്ത്യന് താരങ്ങള്
സിക്സറടിക്കാന് മറന്നുപോയ ടോപ്പ് സിക്സിലെ മറ്റു മൂന്നു പേരും ഇന്ത്യന് താരങ്ങളാണ്. കൊല്ക്കത്ത നൈറ്റ്റൈഡേഴ്സ് ക്യാപ്റ്റനും വിക്കറ്റ് കീപ്പറുമായ ദിനേഷ് കാര്ത്തികാണ് നാലാമത്. അഞ്ച് ഇന്നിങ്സുകളിലായി 48 ബോളുകള് നേരിട്ട് 49 റണ്സാണ് കാര്ത്തിക് നേടിയത്.
ചെന്നൈ സൂപ്പര് കിങ്സിന്റെ മുരളി വിജയ് മൂന്നു ഇന്നിങ്സുകളില് 43 ബോളുകള് നേരിട്ട് 32 റണ്സുമായി ലിസ്റ്റില് അഞ്ചാംസ്ഥാനത്തുണ്ട്. നാല് ഇന്നിങ്സുകളില് നിന്നും 42 പന്തില് 33 റണ്സ് നേടിയ രാജസ്ഥാന് റോയല്സിന്റെ റോബിന് ഉത്തപ്പയ്ക്കാണ് ആറാംസ്ഥാനം.