Click it and Unblock the Notifications
അക്കൗണ്ട് തുറക്കാതെ കറെന് പുറത്ത്
തുടര്ച്ചയായി രണ്ടാമത്തെ മല്സരത്തിലും സാം കറെന്- ഫാഫ് ഡുപ്ലെസി ജോടിയെയാണ് സിഎസ്കെ ഓപ്പണര്മാരായി ഇറക്കിയത്. എന്നാല് തൊട്ടുമുമ്പത്തെ മല്സരത്തിലെ പ്രകടനം ആവര്ത്തിക്കാന് കറെന് കഴിഞ്ഞില്ല. സിഎസ്കെയുടെയും തന്റെയും അക്കൗണ്ട് തുറക്കും മുമ്പ് കറെന് ക്രീസ് വിട്ടു. തുഷാര് ദേശ്പാണ്ഡെയാണ് ഇന്നിങ്സിലെ മുന്നാമത്തെ പന്തില് തന്നെ കറെനെ മടക്കിയത്. ഓഫ്സൈഡിനു പുറത്തേക്കു പോയ ഷോര്ട്ട് ബോളില് പുള് ഷോട്ടിനു ശ്രമിച്ച കറെനെ ബൗണ്ടറി ലൈനിന് തൊട്ടരികെ മികച്ചൊരു ക്യാച്ചിലൂടെ ആന്റിച്ച് നോര്ട്ടെ പുറത്താക്കി.
ഡുപ്ലെസി- വാട്സന് കൂട്ടുകെട്ട്
രണ്ടാം വിക്കറ്റില് പരിചയസമ്പന്നരായ ഡുപ്ലെസിയും ഷെയ്ന് വാട്സനും ക്രീസില് ഒരുമിച്ചതോടെ സിഎസ്കെ കളിയിലേക്കു തിരിച്ചുവന്നു. 87 റണ്സിന്റെ കൂട്ടുകെട്ടുമായി ഇവര് ടീമിനെ കരകയറ്റി.
ഈ സഖ്യം കരുത്താര്ജിക്കവെയാണ് നോര്ട്ടെയിലൂടെ ഡല്ഹി നിര്ണായക ബ്രേക്ക്ത്രൂ നേടിയത്. 12ാം ഓവറിലെ നാലാമത്തെ പന്തില് എക്രോസ് ദി ലൈന് കളിച്ച വാട്സന് ടൈമിങ് പിഴച്ചപ്പോള് മിഡില് സ്റ്റംപ് തെറിച്ചു. 28 പന്തില് ആറു ബൗണ്ടറികളോടെയാണ് വാട്സന് 35 റണ്സെടുത്തത്.
ഡുപ്ലെസി, ധോണി
സിഎസ്കെയുടെ ടോപ്സ്കോററായ ഡുപ്ലെസിയാണ് മൂന്നാമനായി ക്രീസ് വിട്ടത്. കരിയറിലെ മറ്റൊരു ഫിഫ്റ്റി കൂടി കണ്ടെത്തിയ ഡുപ്ലെസിയെ റബാദയാണ് മടക്കിയത്. കളിയില് താരത്തിന്റെ ആദ്യ വിക്കറ്റായിരുന്നു ഇത്. ഇതോടെ റബാദ ഐപിഎല്ലില് 50 വിക്കറ്റുകളും പൂര്ത്തിയാക്കി.
ഡുപ്ലെസിയെ ലോങ് ഓണില് നിന്നും ഓടിയെത്തിയ ശിഖര് ധവാന് മുന്നോട്ട് ഡൈവ് ചെയ്ത് കൈപ്പിടിയിലൊതുക്കുകയായിരുന്നു.
പിന്നീട് ക്രീസിലെത്തിയ എംഎസ് ധോണിക്കു അഞ്ചു പന്തുകളുടെ ആയുസ് മാത്രമേ ഉണ്ടായുള്ളൂ. നോര്ട്ടെയുടെ ഓവറില് ക്രീസിന് പുറത്തേക്ക് ഇറങ്ങി ഷോട്ടിന് കളിച്ച ധോണി എഡ്ജ് ചെയ്തപ്പോള് വിക്കറ്റ് കീപ്പര് അലെക്സ് ക്യാരി സിംപിള് ക്യാച്ചിലൂടെ പുറത്താക്കി. സിഎസ്കെ നാലിന് 129.
പ്ലെയിങ് ഇലവന്
ഡല്ഹി ക്യാപ്പിറ്റല്സ്- പൃഥ്വി ഷാ, ശിഖര് ധവാന്, അജിങ്ക്യ രഹാനെ, ശ്രേയസ് അയ്യര് (ക്യാപ്റ്റന്), മാര്ക്കസ് സ്റ്റോയ്നിസ്, അലെക്സ് ക്യാരി, അക്ഷര് പട്ടേല്, ആര് അശ്വിന്, തുഷാര് ദേശ്പാണ്ഡെ, കാഗിസോ റബാദ, ആന്റിച്ച് നോര്ട്ടെ.
ചെന്നൈ സൂപ്പര് കിങ്സ്- ഫാഫ് ഡുപ്ലെസി, ഷെയ്ന് വാട്സന്, അമ്പാട്ടി റായുഡു, എംഎസ് ധോണി (ക്യാപ്റ്റന്), കേദാര് ജാദവ്, രവീന്ദ്ര ജഡേജ, സാം കറെന്, ഡ്വയ്ന് ബ്രാവോ, ദീപക് ചഹര്, ശര്ദ്ദുല് താക്കൂര്, കാണ് ശര്മ.
Continue with Google