Click it and Unblock the Notifications
പുതിയ ഓപ്പണിങ് ജോടി
പുതിയ ഓപ്പണിങ് ജോടിയെയാണ് കെകെആര് ഈ മല്സരത്തില് പരീക്ഷിച്ചത്. സുനില് നരെയ്നു പകരം രാഹുല് ത്രിപാഠിയാണ് ശുഭ്മാന് ഗില്ലിന്റെ ഓപ്പണിങ് ജോടിയായി ഇറങ്ങിയത്. ഈ നീക്കം ക്ലിക്കാവുകയും ചെയ്തു. ത്രിപാഠി തകര്പ്പന് പ്രകടനമാണ് കെകെആറിനു വേണ്ടി പുറത്തെടുത്തത്. ആദ്യ വിക്കറ്റില് 37 റണ്സ് ഇരുവരും ടീം സ്കോറിലേക്കു കൂട്ടിച്ചേര്ത്തു.
ഗില്ലിനെ പുറത്താക്കി താക്കൂറാണ് സിഎസ്കെയ്ക്കു ആദ്യ ബ്രേക്ക്ത്രൂ നല്കിയത്. ഓഫ് സ്റ്റംപിന് പുറത്തേക്കു പോയ പന്തില് ഷോട്ടിന് ശ്രമിച്ച ഗില്ലിനു പിഴച്ചു. ബാറ്റിന് അരികില് തട്ടിത്തെറിച്ച പന്ത് ധോണിയുടെ ഗ്ലൗസുകളിലൊതുങ്ങി.
റാണ, നരെയ്ന്
മൂന്നാമായി നിതീഷ് റാണ തന്നെയാണ് പതിവു പോലെ ഇറങ്ങിയത്. പക്ഷെ റാണയെ സിഎസ്കെ അധികനേരം ക്രീസില് നിര്ത്തിയില്ല. സീസണില് തന്റെ ആദ്യ മല്സരം കളിച്ച സ്പിന്നര് കാണ് ശര്മയ്ക്കായിരുന്നു വിക്കറ്റ്. തകര്പ്പനൊരു ക്യാച്ചിലൂടെയാണ് രവീന്ദ്ര ജഡേജയും ഫാഫ് ഡുപ്ലെസിയും ചേര്ന്ന് റാണയെ മടക്കിയത്. ബൗണ്ടറി ലൈനിന് തൊട്ടരികില് വച്ച് ഡൈവ് ചെയ്ത് ക്യാച്ചെടുത്ത ജഡേജ മുന്നോട്ട് സ്ലൈഡ് ചെയ്യവെ കിടന്നു കൊണ്ട് തന്നെ പന്ത് ഡുപ്ലെസിക്ക് എറിഞ്ഞു കൊടുക്കുകയായിരുന്നു.
ഓപ്പണിങ് പൊസിഷനില് നിന്നു മാറി നാലാം നമ്പറിലേക്കു വന്നെങ്കിലും നരെയ്നില് നിന്നും കാര്യമായ സംഭാവന ലഭിച്ചില്ല. 17 റണ്സെടുത്ത നരെയ്നെ കാണ് ശര്മയുടെ ബൗളിങില് ഡുപ്ലെസി ക്യാച്ച് ചെയ്തു. കെകെആര് മൂന്നിന് 98.
മോര്ഗനും റസ്സലും നിരാശപ്പെടുത്തി
വെടിക്കെട്ട് ഇന്നിങ്സുകള് കളിക്കാന് മിടുക്കരായ ഇയോന് മോര്ഗനും ആന്ദ്രെ റസ്സലിനും കാര്യമയാ സംഭാവന നല്കാനായില്ല. അടുത്തടുത്ത ഇടവേളകളില് ഇരുവരും പുറത്തായി. 10 പന്തില് നിന്നും ഏഴു റണ്സെടുത്ത മോര്ഗനെ സാം കറെന്റെ ബൗളിങില് ധോണിയാണ് ക്യാച്ച് ചെയ്തത്.
വൈകാതെ തന്നെ വമ്പനടിക്കാരനായ റസ്സലും മടങ്ങി. നാലു പന്ത് നേരിട്ട റസ്സലിന് വെറും രണ്ടു റണ്സെടുക്കാനേ ആയുള്ളൂ. താക്കൂറിന്റെ ബൗളിങില് ധോണി അദ്ദേഹത്തെ പിടികൂടുകയായിരുന്നു.
പ്ലെയിങ് ഇലവന്
കൊല്ക്കത്ത നൈറ്റ്റൈഡേഴ്സ്- ശുഭ്മാന് ഗില്, സുനില് നരെയ്ന്, നിതീഷ് റാണ, ആന്ദ്രെ റസ്സല്, ദിനേഷ് കാര്ത്തിക് (ക്യാപ്റ്റന്), ഇയോന് മോര്ഗന്, പാറ്റ് കമ്മിന്സ്, രാഹുല് ത്രിപാഠി, കമലേഷ് നാഗര്കോട്ടി, ശിവം മാവി, വരുണ് ചക്രവര്ത്തി.
ചെന്നൈ സൂപ്പര് കിങ്സ്- ഷെയ്ന് വാട്സന്, ഫാഫ് ഡുപ്ലെസി, അമ്പാട്ടി റായുഡു, എംഎസ് ധോണി (ക്യാപ്റ്റന്), കേദാര് ജാദവ്, രവീന്ദ്ര ജഡേജ, ഡ്വയ്ന് ബ്രാവോ, സാം കറെന്, കാണ് ശര്മ, ശര്ദ്ദുല് താക്കൂര്, ദീപക് ചഹര്.
Continue with Google