Click it and Unblock the Notifications
മോശം തുടക്കം
ടോസ് നഷ്ടപ്പെട്ട് ബാറ്റിങിനയക്കപ്പെട്ട ഇന്ത്യയുടെ തുടക്കം മോശമായിരുന്നു. ആദ്യ ടി20യില് തകര്പ്പന് ഫിഫ്റ്റി നേടിയ ലോകേഷ് രാഹുലിന് ഈ കളിയില് പ്രകടനം ആവര്ത്തിക്കാനായില്ല. വെറും 11 റണ്സിന് രാഹുല് പുറത്തായി. 11 പന്തില് ഒരു ബൗണ്ടറിയോടെ 11 റണ്സെടുത്ത രാഹുലിനെ ഖാറി പിയറെയുടെ ബൗളിങില് ഹെറ്റ്മെയര് പിടികൂടുകയായിരുന്നു. ഇന്ത്യ ഒന്നിന് 24.
ഹിറ്റാവാതെ രോഹിത്
ആദ്യ ടി20യില് ഫ്ളോപ്പായതിന്റെ ക്ഷീണം തീര്ക്കാനുറച്ച് ഇറങ്ങിയ രോഹിത് ശര്മയ്ക്കു ഈ കളിയിലും തിളങ്ങാനായില്ല. ജാസണ് ഹോള്ഡറുടെ ബൗളിങില് ബൗള്ഡായാണ് ഹിറ്റ്മാന് ക്രീസ് വിട്ടത്. 18 പന്തില് രണ്ടു ബൗണ്ടറികളോടെ 15 റണ്സായിരുന്നു രോഹിത്തിന്റെ സമ്പാദ്യം. ടീം സ്കോര് 56ല് വച്ചായിരുന്നു ഹിറ്റ്മാന്റെ മടക്കം.
ദുബെ കൊടുങ്കാറ്റ്
മൂന്നാമനായി പ്രൊമോഷന് ലഭിച്ച ശിവം ദുബെ ഈ അവസരം ശരിക്കും മുതലെടുത്തു. വെടിക്കെട്ട് പ്രകടനത്തിലൂടെ കളിയിലെ അപ്രതീക്ഷിത ഹീറോയായി ദുബെ മാറുന്നതാണ് കണ്ടത്. അനായാസം സിക്സറുകള് പറത്തിയ താരം ഗ്രീന്ഫീല്ഡിലെ ആരാധകരെ ത്രില്ലടിപ്പിക്കുക തന്നെ ചെയ്തു. കരിയറിലെ കന്നി ഫിഫ്റ്റി പൂര്ത്തിയാക്കിയാണ് ദുബെ മടങ്ങിയത്. 30 പന്തില് നാലു സിക്സറും മൂന്നു ബൗണ്ടറികളുമടക്കം 54 റണ്സെടുത്ത ദുബെ ഹെയ്ഡന് വാല്ഷിന്റെ ബൗളിങില് ഹെറ്റ്മെയര്ക്കു ക്യാച്ച് സമ്മാനിക്കുകയായിരുന്നു.
കോലി ഷോ ഇല്ല
ആദ്യ ടി20യില് തകര്പ്പന് ബാറ്റിങിലൂടെ കാണികളെ ആവേശത്തിലാക്കിയ നായകന് വിരാട് കോലിക്കു ഈ കളിയില് ഇതാവര്ത്തിക്കാനായില്ല. 19 റണ്സാണ് അദ്ദേഹത്തിനു നേടാനായത്. 17 പന്തില് രണ്ടു ബൗണ്ടറികളോടെ 19 റണ്സെടുത്ത കോലിയെ കെസ്രിക്ക് വില്ല്യംസിന്റെ ബൗളിങില് ലെന്ഡ്ല് സിമ്മണ്സ് അനായാസ ക്യാച്ചിലൂടെ പുറത്താക്കി.
ശ്രേയസും ഫ്ളോപ്പ്
സ്ഥിരതയാര്ന്ന ഇന്നിങ്സുകളിലൂടെ ഇന്ത്യക്കു വേണ്ടി മികച്ച പ്രകടനങ്ങള് നടത്തിയിട്ടുള്ള ശ്രേയസ് അയ്യരും ഈ കളിയില് ഫ്ളോപ്പായി മാറി. വെറും 10 റണ്സാണ് ശ്രേയസിന് ടീം സ്കോറിലേക്കു സംഭാവന ചെയ്യാനായത്. 11 പന്തില് ഒരു ബൗണ്ടറിയോടെ 10 റണ്സെടുത്ത ശ്രേയസ് ഹെയ്ഡന് മാര്ഷിന്റെ ബൗളിങില് ബ്രെന്ഡന് കിങിന് ക്യാച്ച് നല്കി മടങ്ങി.
ജഡേജ, സുന്ദര്
രവീന്ദ്ര ജഡേജയാണ് ആറാമതായി ക്രീസ് വിട്ടത്. ബാറ്റിങ് അത്ര എളുപ്പമല്ലാതിരുന്ന പിച്ചില് റണ്സെടുക്കാന് വിഷമിച്ച ജഡേജ ഒടുവില് ബൗള്ഡാവുകയായിരുന്നു. 11 പന്തില് നിന്നും ബൗണ്ടറിയോ സിക്സറോ ഇല്ലാതെ ഒമ്പത് റണ്സ് നേടിയ അദ്ദേഹത്തെ വില്ല്യംസാണ് ബൗള്ഡാക്കിയത്.
വാഷിങ്ടണ് സുന്ദര് ഗോള്ഡന് ഡെക്കായാണ് ക്രീസ് വിട്ടത്. ഷെല്ഡണ് കോട്രെല് സ്വന്തം ബൗളിങില് സുന്ദറിനെ പിടികൂടുകയായിരുന്നു..
Continue with Google