Click it and Unblock the Notifications
ബുംറയുടെ നാലു വര്ഷം നീണ്ട ടെസ്റ്റ് കരിയറെടുത്താല് വിദേശത്തു രണ്ടു രാജ്യങ്ങളിലാണ് ഏറ്റവും മികച്ച പ്രകടനം നടത്തിയിട്ടുള്ളത്. ഓസ്ട്രേലിയ, ഇംഗ്ലണ്ട് രാജ്യങ്ങളിലാണിത്. രണ്ടു രാജ്യങ്ങളിലും 32 വിക്കറ്റുകള് വീതമാണ് ബുംറയുടെ സമ്പാദ്യം.
ലിസ്റ്റില് മൂന്നാംസ്ഥാനത്ത് സൗത്താഫ്രിക്കയാണ്. 18* വിക്കറ്റുകളാണ് അദ്ദേഹം ഇവിടെ വീഴ്ത്തിയിട്ടുള്ളത്. 13 വിക്കറ്റുകളുള്ള വെസ്റ്റ് ഇന്ഡീസാണ് നാലാംസ്ഥാനത്ത്. ലിസ്റ്റില് അഞ്ചാമത്തെയും അവസാനത്തെയും സ്ഥാനത്ത് ന്യൂസിലാന്ഡാണ്. ഇവിടെ ആറു വിക്കറ്റുകളാണ് സ്റ്റാര് പേസറുടെ സമ്പാദ്യം.
കരിയറില് 25 ടെസ്റ്റുകളിലാണ് ബുംറ ഇതുവരെ കളിച്ചിട്ടുള്ളത്. ഇതില് 23ഉം വിദേശത്തായിരുന്നു. പലപ്പോഴും നാട്ടില് ടെസ്റ്റ് പരമ്പരകള് നടക്കുമ്പോള് അദ്ദേഹത്തിന് ഇന്ത്യ വിശ്രമം നല്കാറാണുള്ളത്. ഈ കാരണത്താലാണ് നാട്ടില് ബുംറയുടെ പേരില് കൂടുതല് ടെസ്റ്റുകളില്ലാത്തത്. മാത്രമല്ല ഇന്ത്യന് പിച്ചുകളുമായി സാമ്യമുള്ള ശ്രീലങ്ക, ബംഗ്ലാദേശ് എന്നീവിടങ്ങളിലെ ടെസ്റ്റ് പരമ്പരകളിലും അദ്ദേഹത്തെ കളിപ്പിച്ചിട്ടില്ല. ഏറ്റവും അവസാനമായി ന്യൂസിലാന്ഡിനെതിരേ നാട്ടില് നടന്ന രണ്ടു ടെസ്റ്റുകളുടെ പരമ്പരയിലും ബുംറയ്ക്കു ഇന്ത്യ വിശ്രമം നല്കിയിരുന്നു.
വിദേശത്തു ബുംറയുടെ നൂറാമത് ടെസ്റ്റ് ഇര സൗത്താഫ്രിക്കയുടെ റാസ്സി വാന്ഡര് ഡ്യുസെനാണ്. അദ്ദേഹത്തെ ക്ലീന് ബൗള്ഡാക്കിയാണ് ബുംറ വിക്കറ്റ് കൊയ്ത്തില് സെഞ്ച്വറി ആഘഷിച്ചത്. ടെസ്റ്റിന്റെ നാലാംദിനമായിരുന്നു അദ്ദേഹത്തിന്റെ ഉജ്ജ്വല നേട്ടം. നാലാംദിനം വീണ്ടുമൊരു വിക്കറ്റ് കൂടി വീഴ്ത്തി ബുംറ ഇതു 101 ആക്കി ഉയര്ത്തുകയും ചെയ്തിരുന്നു. അവസാനത്തെ ഓവറിലെ അഞ്ചാമത്തെ ബോളില് ഇന്ത്യന് വംശജനായ സ്പിന്നര് കേശവ് മഹരാജിനെയാണ് ബുംറ ക്ലീന് ബൗള്ഡാക്കിയത്. ഒരു അവിശ്വസനീയ യോര്ക്കറിലൂടെയായിരുന്നു ഈ വിക്കറ്റ്.
Continue with Google