Click it and Unblock the Notifications
രോഹിത്- രാഹുല് ജോടി മതി
ടി20യില് ഇന്ത്യക്കു വേണ്ടി എല്ലായ്പ്പോഴും രോഹിത് ശര്മ- കെഎല് രാഹുല് സഖ്യം തന്നെ ഓപ്പണ് ചെയ്താല് മതിയെന്നു ചോപ്ര നിര്ദേശിച്ചു. ട്വിറ്ററിലായിരുന്നു പരമ്പരയില് നിന്നുള്ള തന്റെ മൂന്നു പ്രധാനപ്പെട്ട കണ്ടെത്തലും നിര്ദേശങ്ങളും അദ്ദേഹം പങ്കുവച്ചത്.
ഇടംകൈ- വലംകൈ ബാറ്റര്മാരെ ഓപ്പണിങില് കളിപ്പിക്കുന്നതിനെക്കുറിച്ച് ഇന്ത്യ ചിന്തിക്കരുതെന്നും രോഹിത്- രാഹുല് ജോടി തന്നെയാണ് ഏറ്റവും ബെസ്റ്റെന്നും ചോപ്ര ചൂണ്ടിക്കാട്ടി. ഇടംകൈയന് ബാറ്ററായ ഇഷാനെ രോഹിത്തിന്റെ ഓപ്പണിങ് പങ്കാളിയാക്കരുതെന്ന് കൂടിയാണ് ഇതിലൂടെ അദ്ദേഹം സൂചിപ്പിക്കുന്നത്.
അശ്വിന്- അക്ഷര്
ടി20 പരമ്പരയില് അവസാന മല്സരത്തിലൊഴികെ മറ്റു രണ്ടു കളികളിലും ഇന്ത്യന് സ്പിന് ആക്രമണത്തിനു ചുക്കാന് പിടിച്ചത് ആര് അശ്വിനും അക്ഷര് പട്ടേലുമായിരുന്നു. ഫിംഗര് സ്പിന്നര്മാര് ടി20യില് ക്ലിക്കാവുമെന്നാണ് ഇരുവരുടെയും പ്രകടനം തെളിയിക്കുന്നതെന്നു ചോപ്ര വിലയിരുത്തി. ഇടംകൈയന് സ്പിന്നര് ഇടംകൈയന് ബാറ്റര്ക്കെതിരേ ബൗള് ചെയ്യുന്നതു കൊണ്ടു ഒരു കുഴപ്പവുമില്ലെന്നും അദ്ദേഹം അഭിപ്രായപ്പെട്ടു.
അശ്വിന്- അക്ഷര് ജോടി ഏഴു വിക്കറ്റുകളാണ് ന്യൂസിലാന്ഡിനെതിരായ പരമ്പരയില് വീഴ്ത്തിയത്. അശ്വിന് രണ്ടു കളികളില് നിന്നും 5.25 ഇക്കോണമി റേറ്റില് മൂന്നു വിക്കറ്റുകളെടുത്തപ്പോള് അക്ഷര് മൂന്നു മല്സരങ്ങളില് നിന്നും ആറ് ഇക്കോണമി റേറ്റില് നാലും വിക്കറ്റുകളെടുത്തു. അവസാന കളിയില് മൂന്നോവറില് ഒമ്പതു റണ്സ് മാത്രം വിട്ടുകൊടുത്താണ് അക്ഷര് മൂന്നു പേരെ പുറത്താക്കിയത്. കളിയില് മാന് ഓഫ് ദി മാച്ചായും അദ്ദേഹം തിരഞ്ഞെടുക്കപ്പെട്ടിരുന്നു.
മധ്യനിര നിരാശപ്പെടുത്തി
ടി20 പരമ്പരയില് ഇന്ത്യന് മധ്യനിരയുടെ പ്രകടനത്തെ ചോപ്ര വിമര്ശിച്ചു. മധ്യനിരയില് ഒരുപാട് പ്രശ്നങ്ങളുണ്ടെന്നും ഇവ പരിഹരിക്കാന് സമയമെടുക്കുമെന്നും അദ്ദേഹം ട്വിറ്ററില് കുറിച്ചു. ആദ്യ രണ്ടു മല്സരങ്ങളിലും ഇന്ത്യ റണ്ചേസിനൊടുവിലായിരുന്നു ജയിച്ചത്. ജയ്പൂരില് നടന്ന ആദ്യ കളിയില് റണ്ചേസില് പതറിയ ഇന്ത്യ കഷ്ടിച്ചു ജയിച്ചുകയറുകയായിരുന്നു. 165 റണ്സിന്റെ വിജയലക്ഷ്യം പിന്തുടര്ന്ന ഇന്ത്യ രണ്ടിന് 109ല് നിന്നും അഞ്ചിന് 160ലേക്കു വീണിരുന്നു. ശ്രേയസ് അയ്യര് (5), വെങ്കടേഷ് (4) പെട്ടെന്നു പുറത്തായിരുന്നു. റിഷഭ് പന്താണ് (17*) രണ്ടു ബോള് ബാക്കിനില്ക്കെ ഇന്ത്യയെ വിജയത്തിലെത്തിച്ചത്. രണ്ടാം ടി20യില് രോഹിതും രാഹുലും തകര്പ്പന് തുടക്കം നല്കിയതിനാല് മധ്യനിര കാര്യമായി പരീക്ഷിക്കപ്പെട്ടില്ല. എന്നാല് കൊല്ക്കത്തയില് നടന്ന മൂന്നാമത്തെ കളിയില് സൂര്യകുമാര് യാദവ് (0), റിഷഭ് പന്ത് (4) എന്നിവര് ചെറിയ സ്കോറുകള്ക്കു പുറത്തായി. ശ്രേയസ് അയ്യര് (25), വെങ്കടേഷ് അയ്യര് (20) എന്നിവരും വലിയ സ്കോര് നേടാനാവാതെ മടങ്ങിയിരുന്നു. വാലറ്റക്കാരുടെ പ്രകടനമായിരുന്നു ഇന്ത്യയെ 180ന് മുകളില് സ്കോര് ചെയ്യാന് സഹായിച്ചത്.
Continue with Google