Click it and Unblock the Notifications
ശിഖര് ധവാന്-ശുബ്മാന് ഗില്
ഓപ്പണിങ്ങില് ഇന്ത്യ ശിഖര് ധവാനെയും ശുബ്മാന് ഗില്ലിനെയും തന്നെ പരിഗണിക്കും. സമീപകാലത്തായി ഇരുവരും ഓപ്പണര്മാരായി ഇറങ്ങിയ മത്സരങ്ങളിലെല്ലാം മികച്ച കൂട്ടുകെട്ട് സൃഷ്ടിക്കാന് സാധിച്ചിരുന്നു. ധവാന് 11 ഏകദിനം ന്യൂസീലന്ഡിനെതിരേ കളിച്ചപ്പോള് 373 റണ്സാണ് നേടിയത്. ഈ വര്ഷം 567 റണ്സാണ് അദ്ദേഹം നേടിയത്.
ശുബ്മാന് ഗില് വലിയ പ്രതീക്ഷ നല്കുന്ന ഭാവി താരമാണ്. ക്ലാസിക് ശൈലിയില് റണ്സുയര്ത്തുന്ന പ്രതിഭയാണ് ശുബ്മാന് ഗില്. വെസ്റ്റ് ഇന്ഡീസിനെതിരേ 205 റണ്സും സിംബാബ്വെക്കെതിരേ 245 റണ്സും ശുബ്മാന് നേടി. മികച്ച റെക്കോഡുകള് അവകാശപ്പെടാന് സാധിക്കുന്ന ഗില്ലില് ഇന്ത്യക്ക് പ്രതീക്ഷകളേറെ.
ശ്രേയസ് അയ്യര്, സൂര്യകുമാര് യാദവ്, റിഷഭ് പന്ത്
മൂന്നാം നമ്പറില് വിരാട് കോലിയുടെ അഭാവം നികത്താന് ശ്രേയസ് അയ്യരെത്തും. 33 ഏകദിനത്തില് നിന്ന് 1299 റണ്സാണ് ശ്രേയസിന്റെ പേരിലുള്ളത്. ദക്ഷിണാഫ്രിക്കയ്ക്കെതിരായ അവസാന പരമ്പരയില് 191 റണ്സുമായി ഇന്ത്യയുടെ ടോപ് സ്കോററായിരുന്നു ശ്രേയസ്. കിവീസിലെ പേസ് പിച്ചില് ശ്രേയസിന്റെ പ്രകടനം കണ്ടറിയണം.
നാലാം നമ്പറില് സൂര്യകുമാര് യാദവിനാണ് അവസരം. ടി20 ലോകകപ്പിലടക്കം മികച്ച പ്രകടനം നടത്തി മിന്നും ഫോമിലാണ് സൂര്യയുള്ളത്. ഭയമില്ലാതെ ബാറ്റ് ചെയ്യുന്ന സൂര്യയുടെ പ്രകടനവും ഇന്ത്യക്ക് വലിയ പ്രതീക്ഷ നല്കുന്നതാണ്.
അഞ്ചാം നമ്പറില് വൈസ് ക്യാപ്റ്റനും വിക്കറ്റ് കീപ്പറുമായ റിഷഭ് പന്തെത്തും. ഇടം കൈയന് ബാറ്റ്സ്മാനായ റിഷഭിന് ടി20 ലോകകപ്പില് വലിയ അവസരം ലഭിച്ചില്ല. സമീപകാല പ്രകടനങ്ങളെല്ലാം മോശമായ റിഷഭിന് കിവീസില് തിളങ്ങേണ്ടത് നിലനില്പ്പിന്റെ പ്രശ്നമാണ്.
സഞ്ജു സാംസണ്, വാഷിങ്ടണ് സുന്ദര്, ശര്ദുല് ഠാക്കൂര്
ഇന്ത്യ സഞ്ജു സാംസണെ ഫിനിഷറെന്ന നിലയിലാവും പരിഗണിക്കുക. സമീപകാലത്ത് ഫിനിഷര് റോളില് തിളങ്ങാന് സഞ്ജുവിന് സാധിച്ചിരുന്നു. ഈ പ്രകടനത്തില് ഇന്ത്യക്ക് പ്രതീക്ഷകളേറെ. ഈ വര്ഷം 9 ഏകദിനത്തില് നിന്ന് 248 റണ്സാണ് സഞ്ജുവിന്റെ സമ്പാദ്യം. വിക്കറ്റ് കീപ്പര് ബാറ്റ്സ്മാനായ സഞ്ജുവിന്റെ ഫോമും ഇന്ത്യക്ക് നിര്ണ്ണായകം.
സ്പിന് ഓള്റൗണ്ടറായ വാഷിങ്ടണ് സുന്ദറാവും ഏഴാം നമ്പറില്. ഇടം കൈയന് ബാറ്റ്സ്മാനായ സുന്ദറിന് ടീമില് സ്ഥാനം ഉറപ്പിക്കാന് മികച്ച പ്രകടനം കാഴ്ചവെക്കേണ്ടതായുണ്ട്. അതിന് സുന്ദറിന് സാധിക്കുമോയെന്നത് കാത്തിരുന്ന് കാണണം.
എട്ടാമനായി പേസ് ഓള്റൗണ്ടര് ശര്ദുല് ഠാക്കൂറെത്തും. പേസില് മികച്ച നിയന്ത്രണമുള്ള ശര്ദുല് മധ്യ ഓവറുകളില് വിക്കറ്റ് വീഴ്ത്താന് മിടുക്കനാണ്. നിര്ണ്ണായക സമയത്ത് ബാറ്റുകൊണ്ട് തിളങ്ങാനും അദ്ദേഹത്തിന് കഴിവുണ്ട്. 2023ലെ ഏകദിന ലോകകപ്പ് മുന്നില്ക്കണ്ട് ടീമിലെ സ്ഥാനത്തിനായി ശര്ദുലും തിളങ്ങേണ്ടതായുണ്ട്.
ദീപക് ചഹാര്, യുസ്വേന്ദ്ര ചഹാല്, അര്ഷദീപ് സിങ്
പേസ് ഓള്റൗണ്ടറായ ദീപക് ചഹാര് ന്യൂബോളില് വിക്കറ്റ് വീഴ്ത്താന് മിടുക്കനാണ്. അതിവേഗ പേസറല്ലെങ്കിലും സ്വിങ് കണ്ടെത്താന് മിടുക്കന്. ഏകദിനത്തില് രണ്ട് അര്ധ സെഞ്ച്വറിയടക്കം ശര്ദുല് നേടിയിട്ടുണ്ട്. താരത്തിന്റെ ഓള്റൗണ്ട് മികവ് ഇന്ത്യക്ക് കരുത്ത് പകരും.
10ാം നമ്പറില് സ്പിന്നറായി യുസ് വേന്ദ്ര ചഹാലിന് അവസരം ലഭിച്ചേക്കും. കൈക്കുഴ സ്പിന്നറെ ടി20 ലോകകപ്പില് ഇന്ത്യ ഒരു മത്സരത്തില് പോലും കളിപ്പിച്ചില്ല. എന്നാല് ഏകദിനത്തില് കൂടുതല് അവസരവും പിന്തുണയും അര്ഹിക്കുന്ന താരമാണ് ചഹാല്.
Also Read: ധോണിയെ ഒപ്പം കൂട്ടണം, ദ്രാവിഡിന് പകരം ആളെത്തണം! ഇന്ത്യക്ക് തിരിച്ചുവരാന് അഞ്ച് വഴികള്
11ാമനായി ഇടം കൈയന് പേസര് അര്ഷദീപ് സിങ്ങിന് അവസരം ലഭിച്ചേക്കും. ഇന്ത്യക്ക് ഏറെ നാളത്തെ കാത്തിരിപ്പിന് ശേഷം ലഭിച്ച മികച്ച ഇടം കൈയന് പേസറാണ് അര്ഷദീപ്. ടി20 ലോകകപ്പില് 10 വിക്കറ്റുമായി തിളങ്ങിയ അര്ഷദീപ് കിവീസില് ആദ്യമായാണ് കളിക്കാന് പോകുന്നത്.
Continue with Google