INDvENG: 'ബുംറയെക്കാള്‍ ഇംഗ്ലണ്ടില്‍ മികച്ചവന്‍ ശര്‍ദുല്‍ ഠാക്കൂര്‍'- കാരണമുണ്ടെന്ന് മോണ്ടി പനേസര്‍

ശര്‍ദുല്‍ ഠാക്കൂറിന് കൂടുതല്‍ മികവ് കാട്ടാനാവും

ബാക് ലങ്തിലാണ് ബുംറയുടെ കൂടുതല്‍ പന്തുകളുമുള്ളത്. വേഗം കൂടുതലുണ്ടെങ്കിലും അതില്‍ ഷോട്ട് കളിക്കപ്പെടും. വായുവില്‍ പന്ത് കൂടുതല്‍ ചലിക്കേണ്ടതായുണ്ട്. അവന്റെ സ്വാഭാവികമായ ലങ്ത് സ്റ്റംപിന് മുകളിലായി പന്ത് തട്ടുന്ന രീതിയിലാണ്. ഇംഗ്ലണ്ടില്‍ ഇത് വലിയ ഗുണം ചെയ്യില്ല. എന്നാല്‍ ശര്‍ദുല്‍ ഠാക്കൂറിന്റെ ലങ്ത് ഇംഗ്ലണ്ടിലെ സാഹചര്യത്തിന് അനുയോജ്യമായതാണ്. അവന്റെ സ്വാഭാവിക ലങ്തില്‍ മാറ്റം വരുത്താതെ പന്തെറിയാന്‍ സാധിച്ചാല്‍ തിളങ്ങാനാവും- മോണ്ടി പനേസര്‍ പറഞ്ഞു.

Also Read: IND vs ENG: 'തിളങ്ങാനായില്ലെങ്കില്‍ രോഹിത് ശര്‍മ ടീമിന് പുറത്താവും', കാരണം വിശദീകരിച്ച് സഞ്ജയ്

ഇന്ത്യക്ക് പരമ്പര നേടാനുള്ള സുവര്‍ണ്ണാവസരം

അലെസ്റ്റര്‍ കുക്കിന്റെ വിരമിക്കലിന് ശേഷം ടോപ് സിക്‌സിന്റെ പ്രകടനം എപ്പോഴും വലിയ പ്രശ്‌നമാണ്. സംതുലിതമല്ല ടീം. അതിനാല്‍ത്തന്നെ ഇംഗ്ലണ്ടില്‍ ജയിക്കാനുള്ള സുവര്‍ണ്ണാവസരമാണ് ഇന്ത്യക്ക് മുന്നിലുള്ളത്. ദുര്‍ബലമായ ഇംഗ്ലണ്ട് ടീമാണിത്. അതിനാല്‍ ഇന്ത്യ പരമ്പര നേടാന്‍ സാധ്യത കൂടുതലാണ്. ഇംഗ്ലണ്ടിന്റെ ടോപ് ഫോറില്‍ പരിചസമ്പത്ത് കുറവുള്ളവരുണ്ട്. തുടക്കത്തിലെ 3-4 വിക്കറ്റുകള്‍ നഷ്ടമായാല്‍ ഇംഗ്ലണ്ട് സമ്മര്‍ദ്ദത്തിലാവും. ഇന്ത്യ പരമ്പര നേടാനാണ് സാധ്യത-പനേസര്‍ കൂട്ടിച്ചേര്‍ത്തു.

ബുംറയുടെ പ്രകടനം കണ്ടറിയണം

വിദേശ പിച്ചില്‍ മികച്ച ബൗളിങ് പ്രകടനം നടത്താന്‍ കെല്‍പ്പുള്ള താരമാണ് ജസ്പ്രീത് ബുംറ. എന്നാല്‍ ലോക ടെസ്റ്റ് ചാമ്പ്യന്‍ഷിപ്പിന്റെ ഫൈനലില്‍ ഒരു വിക്കറ്റ് പോലും നേടാന്‍ ബുംറക്ക് സാധിച്ചില്ല. ഇടവേളക്ക് ശേഷം ഇറങ്ങുമ്പോള്‍ ഫോമിലേക്കെത്താന്‍ ബുംറക്ക് സമയം വേണ്ടിവരും. ബുംറ നിറം മങ്ങിയാല്‍ ഇന്ത്യയെ അത് പ്രതികൂലമായി ബാധിക്കുമെന്നുറപ്പ്. ബുംറ,ഇഷാന്ത്,ഷമി കൂട്ടുകെട്ട് തന്നെ പേസ് നിരയില്‍ ഇടം പിടിക്കാനാണ് സാധ്യത.