Click it and Unblock the Notifications
ദ്രാവിഡിന്റെ പദ്ധതി പാളി
ഇന്ത്യന് പരിശീലകന് രാഹുല് ദ്രാവിഡിന്റെ തന്ത്രങ്ങളുടെ പാളിച്ചയാണ് എടുത്തു പറയേണ്ടത്. രണ്ടാം ഇന്നിങ്സിലെ ഇന്ത്യയുടെ ബാറ്റിങ് തകര്ച്ചക്ക് പിന്നില് ദ്രാവിഡിന്റെ പദ്ധതികളുടെ പാളിച്ചയാണുള്ളത്. തോല്ക്കാതെ നോക്കിയാല് ഇന്ത്യക്ക് പരമ്പര സ്വന്തമാക്കാമായിരുന്നു. അതുകൊണ്ട് തന്നെ രണ്ടാം ഇന്നിങ്സില് നിലയുറപ്പിച്ച് കളിച്ച് നാലാം ദിനം പൂര്ണ്ണമായും ബാറ്റ് ചെയ്യുകയായിരുന്നു വേണ്ടിയിരുന്നത്.
എന്നാല് ഇന്ത്യയുടെ തന്ത്രം അതിവേഗത്തില് റണ്സുയര്ത്തി ഇംഗ്ലണ്ടിനെ വേഗത്തില് ഓള്ഔട്ടാക്കുക എന്നതായിരുന്നു. ഇന്ത്യന് ബാറ്റ്സ്മാന്മാരുടെ രണ്ടാം ഇന്നിങ്സിലെ ബാറ്റിങ് ശൈലി ആക്രമണ രീതിയിലായിരുന്നു. ശ്രേയസ് അയ്യര്, വിരാട് കോലി എന്നിവരെല്ലാം നിറം മങ്ങുകയും ചെയ്തു. ദ്രാവിഡിന്റെ കണക്കുകൂട്ടലുകളിലെ പാളിച്ച ഇന്ത്യയുടെ തോല്വിയുടെ പ്രധാന കാരണം തന്നെയാണ്.
'കുഞ്ഞന് ടീമിലെ വമ്പന്മാര്', വലിയ ടീമിലായിരുന്നെങ്കില് ഇതിഹാസമായേനെ!, അറിയണം ഇവരെ
ബൗളര്മാരെ അമിതമായി വിശ്വസിച്ചു
378 എന്ന വിജയലക്ഷ്യം ഇംഗ്ലണ്ടിന്റെ കരുത്തുറ്റ ബാറ്റിങ് നിരയെ പ്രതിരോധിച്ച് നിര്ത്താന് മതിയെന്ന ഇന്ത്യയുടെ കണക്കുകൂട്ടലാണ് പാളിയത്. കൃത്യമായി പറഞ്ഞാല് ബൗളര്മാരില് അമിതമായി വിശ്വസിച്ചു. ജസ്പ്രീത് ബുംറ രണ്ട് ഇന്നിങ്സിലുമായി അഞ്ച് വിക്കറ്റ് വീഴ്ത്തിയെങ്കിലും മുഹമ്മദ് ഷമിയും മുഹമ്മദ് സിറാജും ശര്ദുല് ഠാക്കൂറും രണ്ടാം ഇന്നിങ്സില് നനഞ്ഞ പടക്കമായി.
ഇതില് മുഹമ്മദ് ഷമി വലിയ അനുഭവസമ്പത്തുള്ള താരമാണെങ്കിലും രണ്ടാം ഇന്നിങ്സിലെ ബൗളിങ് ദിശാബോധം ഇല്ലാതെയായിരുന്നു. എവിടെ പന്തെറിയണമെന്ന് അറിയാത്ത അവസ്ഥ. ഷമി നിരവധി റണ്സാണ് എക്സ്ട്രാസായി നല്കിയത്. കൂടുതല് പന്തുകളും ലെഗ് സൈഡില്. ഇതിന് മുമ്പ് ഇന്ത്യയുടെ ബൗളര്മാര് വിദേശ പിച്ചുകളില് കരുത്ത് കാട്ടിയെങ്കിലും ഇത്തവണ കണക്കുകൂട്ടല് പിഴച്ചു.
8 പന്ത്, രണ്ട് വിക്കറ്റ് ബാക്കി, ജയിക്കാന് 1 റണ്സ്, മത്സരം സമനില!, ഓര്മയുണ്ടോ ഈ ത്രില്ലര്?
ബാറ്റിങ് ഓഡറിലെ പാളിച്ച
ഇന്ത്യയുടെ ബാറ്റിങ് ഓഡറില് വലിയ പിഴവ് സംഭവിച്ചിട്ടുണ്ടെന്ന് തന്നെ പറയാം. നായകനും ഓപ്പണറുമായ രോഹിത് ശര്മയുടെ അഭാവത്തില് മൂന്നാം നമ്പറില് കളിച്ചിരുന്ന ചേതേശ്വര് പുജാരയെ ഇന്ത്യ ഓപ്പണറാക്കി. ഇതോടെ മൂന്നാം നമ്പറിലേക്ക് ആറാം നമ്പറില് കളിച്ചിരുന്ന ഹനുമ വിഹാരിയെയാണ് ഇന്ത്യ പരിഗണിച്ചത്. ശ്രേയസ് അയ്യര് ടോപ് ഓഡറില് മികവ് കാട്ടിയിട്ടുള്ള ബാറ്റ്സ്മാനാണെന്നിരിക്കെയാണ് അദ്ദേഹത്തെ തഴഞ്ഞ് ഹനുമ വിഹാരിയെ പരിഗണിച്ചത്.
ശ്രേയസ് അയ്യരെ മൂന്നാം നമ്പറിലേക്ക് ഇന്ത്യ പരിഗണിച്ച് വിഹാരിയെ ആറാം നമ്പറില് കളിപ്പിക്കുന്നതായിരുന്നു കൂടുതല് നല്ലത്. ശര്ദുല് ഠാക്കൂറിന് പകരം ഉമേഷ് യാദവിനെ ഇന്ത്യ പരിഗണിച്ചിരുന്നെങ്കില് ചിലപ്പോള് മത്സരഫലം മാറാനുള്ള സാധ്യതയുണ്ടായിരുന്നു.
Continue with Google