Click it and Unblock the Notifications
ഇതാ ഡീന് ജോണ്സിന്റെ ഡ്രീം ടി20 ഇലവന്... ഇന്ത്യയില് നിന്ന് ഒരാള് മാത്രം, സച്ചിനും കോലിയുമില്ല
മെല്ബണ്: ഓസ്ട്രേലിയയുടെ മുന് ഇതിഹാസ താരവും ബാറ്റ്സ്മാനുമായിരുന്ന ഡീന് ജോണ്സ് ടി20യിലെ തന്റെ ഓള്ടൈം ഡ്രീം ടീമിനെ തിരഞ്ഞെടുത്തിരിക്കുകയാണ്. കരിയറില് ഒരിക്കല്പ്പോലും ടി20യില് കളിച്ചിട്ടില്ലാത്ത ചില മുന് ഇതിഹാസങ്ങള് ഡ്രീം ടീമിലേക്കു തിരഞ്ഞെടുക്കപ്പെട്ടിട്ടുണ്ട്. എന്നാല് ചില വമ്പന് താരങ്ങള് തഴയപ്പെടുകയും ചെയ്തു. ഇന്ത്യന് ബാറ്റിങ് ഇതിഹാസം സച്ചിന് ടെണ്ടുല്ക്കറും തഴയപ്പെട്ട പ്രമുഖരുടെ ഇക്കൂട്ടത്തിലുണ്ട്.
ഇന്ത്യയില് നിന്നും ധോണി മാത്രം
ജോണ്സിന്റെ ഡ്രീം ഇലവനില് ഇന്ത്യയില് നിന്നും ഒരാള് മാത്രമേ തിരഞ്ഞെടുക്കപ്പെട്ടിട്ടുള്ളൂ. മുന് നായകനും ഇതിഹാസ വിക്കറ്റ് കീപ്പറുമായ എംഎസ് ധോണിക്കാണ് നറുക്കുവീണത്.
ലോകം കണ്ട എക്കാലത്തെയും വലിയ ബാറ്റ്സ്മാന്മാരില് ഒരാളായ സച്ചിന്, നിലവിലെ ക്യാപ്റ്റനും ആധുനിക ക്രിക്കറ്റിലെ ഏറ്റവും മികച്ച ബാറ്റ്സ്മാനായ വിരാട് കോലി എന്നിവര്ക്കൊന്നും ഡ്രീം ടീമില് ഇടം ലഭിച്ചില്ല.
ഓപ്പണര്മാര്
ടി20 ഡ്രീം ഇലവന്റെ ഓപ്പണര്മാരായി ജോണ്സ് തിരഞ്ഞെടുത്തത് ഓസ്ട്രേലിയയുടെ മുന് വെടിക്കെട്ട് ഓപ്പണര് മാത്യു ഹെയ്ഡനെയും വിന്ഡീസിന്റെ മുന് ബാറ്റിങ് ഇതിഹാസം ജോര്ഡന് ഗ്രീനിഡ്ജിനെയുമാണ്.
മൂന്നാം നമ്പറില് വിന്ഡീസിന്റെ തന്നെ മറ്റൊരു മുന് ഇതിഹാസം വിവിയന് റിച്ചാര്ഡ്സാണ് ടീമിലെത്തിയത്.
നാലാം നമ്പറില് ലാറ
ടെസ്റ്റ് ക്രിക്കറ്റിലെ ഇതിഹാസമെന്ന് വിശേഷിപ്പിക്കപ്പെടുന്ന വിന്ഡീസിന്റെ ബ്രയാന് ലാറയാണ് ഡ്രീം ടീമില് നാലാം നമ്പറിലെത്തിയത്. ന്യൂസിലാന്ഡിന്റെ മുന് നായകന് മാര്ട്ടിന് ക്രോ അഞ്ചാം നമ്പര് ബാറ്റിങ് പൊസിഷനില് ഇറങ്ങുമ്പോള് ഇംഗ്ലണ്ടിന്റെ മുന് ഇതിഹാസ ഓള്റൗണ്ടര് ഇയാന് ബോത്തമാണ് ആറാമന്.
ഡീന് ജോണ്സിന്റെ ഡ്രീം ടി20 ടീം
വിവിയന് റിച്ചാര്ഡ്സ് (വെസ്റ്റ് ഇന്ഡീസ്) മാത്യു ഹെയ്ഡന് (ഓസ്ട്രേലിയ), ജോര്ഡന് ഗ്രീനിഡ്ജ് (വെസ്റ്റ് ഇന്ഡീസ്), ബ്രയാന് ലാറ (വെസ്റ്റ് ഇന്ഡീസ്), മാര്ട്ടിന് ക്രോ (ന്യൂസിലാന്ഡ്), ഇയാന് ബോത്തം (ഇംഗ്ലണ്ട്), വസീം അക്രം (പാകിസ്താന്), എംഎസ് ധോണി (ഇന്ത്യ), ഷെയ്ന് വോണ് (ഓസ്ട്രേലിയ), കേട്ലി ആംബ്രോസ് (വെസ്റ്റ് ഇന്ഡീസ്), ജോള് ഗാര്നര് (വെസ്റ്റ് ഇന്ഡീസ്)
Story first published: Sunday, August 11, 2019, 18:12 [IST]
Other articles published on Aug 11, 2019
X
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+