ഇപ്പോഴും മികവ് കുറഞ്ഞിട്ടില്ല
ധോണിയുട മികവിന് ഇപ്പോഴും കുറവൊന്നുമുണ്ടായിട്ടില്ലെന്നാണ് വാട്സന്റെ അഭിപ്രായം. എന്നാല് എപ്പോള് വിരമിക്കണമെന്നത് ധോണിയുടെ മാത്രം തീരുമാനമാണ്. പഴയ അതേ ചടുലതയോടെ തന്നെയാണ് ധോണി ഇപ്പോള് വിക്കറ്റ് കീപ്പ് ചെയ്യുന്നത്. മാത്രമല്ല വിക്കറ്റുകള്ക്കിടയിലൂടെയുള്ള ഓട്ടത്തിലും ബാറ്റിങിലുമൊന്നും അദ്ദേഹത്തിന് ക്ഷീണം സംഭവിച്ചിട്ടില്ല. ധോണി ഇനിയെന്താണോ തീരുമാനിക്കുന്നത് അതു തന്നെയാണ് ശരി. കാരണം ഭാവിയില് എന്തു സംഭവിക്കുമെന്നു ധോണിക്കു നന്നായി അറിയാമെന്നും വാട്സന് ചൂണ്ടിക്കാട്ടി.
രണ്ടു സീസണുകളില് ധോണിക്കൊപ്പം
കഴിഞ്ഞ രണ്ടു സീസണുകളിലെ ഐപിഎല്ലിലും ചെന്നൈ സൂപ്പര് കിങ്സില് ധോണിക്കു കീഴില് വാട്സന് കളിച്ചിരുന്നു. 2018ല് സിഎസ്കെയെ മൂന്നാം കിരീട വിജയത്തിലേക്കു നയിക്കുന്നതില് നിര്ണായക പങ്കു വഹിക്കാനും വാട്സനായിരുന്നു. ഫൈനലില് സണ്റൈസേഴ്സ് ഹൈദരാബാദിനെ സിഎസ്കെ എട്ടു വിക്കറ്റിനു തകര്ത്തുവിട്ടപ്പോള് വാട്സനായിരുന്നു മാന് ഓഫ് ദി മാച്ച്. കലാശക്കളിയില് പുറത്താവാതെ 117 റണ്സാണ് അദ്ദേഹം അടിച്ചെടുത്തത്.
ലോകകപ്പ് വരെ തുടര്ന്നേക്കും
അടുത്ത വര്ഷം ഓസ്ട്രേലിയയില് നടക്കാനിരിക്കുന്ന ഐസിസിയുടെ ടി20 ലോകകപ്പ് വരെ ധോണി ടീമിനൊപ്പം തുടര്ന്നേക്കുമെന്ന തരത്തില് അഭ്യൂഹങ്ങള് പരന്നിരുന്നു. തന്റെ പകരക്കാരനായി ടീമിലെത്തിയ റിഷഭ് പന്തിന് കഴിവ് തെളിയിക്കാനും ഒരു റിസര്വ് വിക്കറ്റ് കീപ്പറെ കൂടി തിരഞ്ഞെടുക്കാനും വേണ്ടി സമയം നല്കുന്നതിനായാണ് ധോണി വിരമിക്കല് നീട്ടുന്നതെന്നാണ് സൂചനകള്. ഇവ രണ്ടിനും കഴിഞ്ഞില്ലെങ്കില് ടി20 ലോകകപ്പില് കൂടി കളിക്കാനും ധോണിക്കു കളിക്കാന് താല്പ്പര്യമുണ്ടെന്നും റിപ്പോര്ട്ടുകളിലുണ്ടായിരുന്നു.